10 "बाबल्याआ साड़ोअ एक वायदाआ पेटी बोणावजा; ते आड़ीस आथ नांबी आन पोली डेड़ आथ आन उसी डेड़ आथ जोवे. 11 आन तियीही सोका होना वाअहीं मायतेन बाअथे मोडाड़जा, आन पेटीइ उपोअ शारु वोलेहे होनाआ कोर बोणावजा. 12 तिहीं रोत तियां शारु गुडापोअ, होनाआ शार कोड़ी टाकाड़ीत कोइत एकी वोलेहे बेन आन एकी वोलेहे लागाड़ी देजा. 13 फाशाआ बाबल्योअ लाकड़ाआ डेंगारा बोणावीत लेजा, आन तियांहां बी होना वाअहीं मोडाड़जा. 14 आन डेंगाराहा पेटीइ बेनी वोलेहे कोड़ीमेहें टाकीत लेजा. जिया वाअहीं तियाआ वजन उसलीइता आवे. 15 ते डेंगारा पेटीइ कोड़ीमेहें रोअहूं देजा; आन तियाहा अलग मा कोअहा. 16 आन आंय जो ताहूं साक्शीपत्र आपिहीं तियाहा तियी पेटीमेहें मिकजी."

17 "फाशोअ सोका होनाआ एक टापणो बोणावजा; तों आड़ीस आथ नांबो जोवे, आन पोलो डेड़ आथोअ जोवे. 18 आन होनो टाकीत कोइत बेन फाकावाला देवदूत बोणावीत कोइत दयासनोअ टापणाआं बेनू वोल मिकाड़जी. 19 एक करुब* एकी मेरे आन बिहीरु करुब एकी मेरेपोअ मिकाड़जी; आन देवदूतोहो आन दयासनोअ टापणाहा नेहें एकाज तुकाड़ा वाअहीं बोणावीत कोइत तियाआ बेनू वोल पोअ मिकाड़जी. 20 तियां करुबोअ फाके उपोअ रोत एहेलेहे पोलावीत रोल्ये जेहें बोणावजा के दयासनोअ टापणो तियांआं वाअहीं टापाअलो रोअहूं जोवे, आन तियांआं सोब हुंबरा हुंबर आन दयासनोअ टापणाआ वोगेहे रोअहूं जोवे. 21 आन तिया टापणाहा पेटीपोअ लागाड़जा; आन जों साक्शीपत्र आंय ताहूं आपीहीं तियाहा तु पेटीइ मायते मिकजी.

22 आंय तियाआ उपोअ रोत कोइत ताहूं मिल्या कोअहीं; आन इस्राएलवालाआ काजे जेताहा कायदा माहूं ताहूं आपीइलोअ ओय, तियां आखाअ बाप्तिमेहें दयासनोअ टापणापोअ रोत तियां देवदूतोअ विसमेहें रोत, जों साक्शी पत्राआ पेटीपोअ ओय, ताअरी गोठी कोअया कोअहीं."

1 बसालेले बाबल्योअ लाकड़ाआ एक शप्पतोअ पेटी बोणावयी; ते आड़ीस आथ नांबी, डेड़ आथ सोवड़ी, आन डेड़ आथ उसी ओती.

1 यहोवा देवे मोशेहे कोयो, 2 "पेहला मोयनाआ पेहला दिहोहो तु मिलापवालू तोंबु उबू कोइ देजी. 3 आन तियामेहें साक्शीइ पेटीही मिकीत कोइत पोड़दाआ विसमेहें कोइ देजा.

20 आन तिये साक्शी पत्र लेत कोइत पेटीमेहें मिक्यो, आन पेटीमेहें डांडाहा लागाड़ीत कोइत तियापोअ दयासनोअ टापणो मिक्यो; 21 आन तिये शप्पतोअ पेटीही तिया तोंबामेहें पोताड़्यी, आन विसमेर्‍याआ पोड़दाहा टांगीत कोइत साक्शीपत्राआ पेटीही तियाआ मायते कोअयो; जेहें कोइत यहोवा मोशेहे कोयो तेहें कोइत कोअयो.

1 पेल्लीइ तियी शप्पतेम बी भक्तीइ बाप्तिमेहें सेवाआ नियम ओता, तो एक मोनवीइ बोणावल्यू एक सोकु जागू ओतू, जो यी धरतीपोर्‍युउ ओतू. 2 काहाके एक तंबू बोणायुतो, आन तिहींमेहें बेन खुली तियार कोअयीते, पेहली खुलीमेहें दिवाआ खांबू,* रोटू मेकीइलोअ टेबल, आन भेटेए रोटू ओतू, आन तियाहा सोकु जागू कोतेहे. 3 बिहीरी खुली पोड़दाआ फासाड़ी ओती, तिया जागाहा जाअखु सोकु जागू* कोतेहे. 4 तियामेहें होनाआं देवान्यो आन शारी ओरी होनावाअहीं निपल्यी शप्पतेए पेटी आन तिहींम मान्ना पोअल्यो होनाआं बासन आन आरोनोअ डेंगार जिहींम फुलेन-फलवे आवित गोयेते आन दगड़ाआ कोड़ल्यी शप्पतेए पाटी ओती. 5 तियापोअ बेन उजलाफट करुब ओता, जे दयासनोअ टापणापोअ सावलू कोइत ओता, ओं आखो एकेक कोइत फोड़ीत कोअलोअ ओंमे वेल कायनाहां.

19 ताहां होरगामेहें देवोअ मंदिर उगड़ीत गोयो, आन मंदिरोमेहें तियाआ वायदाअ पेटी देखाअयी; आन विजल्योन गाज्यो, वोडु तुदड़ाआ आवाज आयु, भुकंप ओवो, आन वोडे-वोडे गारे पोड़्ये.✝