Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ଆବେଟ୍ ମାପୁରୁ ନୋହଙ୍ଗ୍ ଇର୍ହାନ୍, ନା ଲାକ୍ତୁ ୱିଜୁ ଲୋକା ସାନିଦିନ୍ ଇଗା ୱାତାତ୍ନି; ଏଣ୍ତେସ୍କି ୱାରି ମାଡ଼ାନ୍ ଦୁନିଆ ପାପ୍ଦୁ ପୁରାପୁରି ବର୍ତି ଆତାମାନାତ୍; ମାରି, ସୁଡ଼ୁଦୁ, ନାନୁ ଦୁନିଆଦି ୱାଲେ ୱାନିକାଙ୍ଗ୍ ନାସ୍ଟୁ କିନା । ମିରୁ ନିଜେଦି ଉଣ୍ତିଙ୍ଗ୍ ଦେବଦାରୁ ପେରି ମାରାନ୍ତାନ୍ ଉଣ୍ତ୍ରି ଜାହାଜ୍ ତିଆର୍ କିଆ; ଆବେଟ୍ ଆୟା ଲୋଇ ଆଇଆଇ ବାକ୍ରେଙ୍ଗ୍ ତିଆର୍ କିଜି ଆବେଣି ଆୟା ଲୋଇରି ପାଡ଼ାକା ମାରି ଆତ୍ରେରି ପାଡ଼ାକା ଦୁପ୍ଣିଦି ଅଟାଦାନ୍ ତିର୍ପାଦୁ । ଆକା ଇୟାୱାଜା ତିଆର୍ କିନିଦେର୍; ଲମ୍ୱାଦାନ୍ ତିନିସୋ ଗୋଟା ମୁରେଙ୍ଗ୍, ଅସାର୍ତାନ୍ ପଚାସ୍ ଗୋଟା ମୁରେଙ୍ଗ୍, ଉଚ୍ଚାଦାନ୍ ତିରିସ୍ ଗୋଟା ମୁରେଙ୍ଗ୍ ଆନାତ୍ । ମୁସ୍କୁରାନ୍ ଉଣ୍ତ୍ରି କିୟୁ ଡ଼ିସ୍ସି ଜରକା କିନି, ମାରି ଆୟାତାନି ଲାକୁତୁ ସେର୍ଲା ଇଡ୍ନି; ମାରି ଆବେନୁ ଆଡ୍ଗି, ମଜାୟ୍ ମାରି ମୁସ୍କୁ କିଜି ମହଲା ତିଆର୍ କିନି ।
ପ୍ରବୁ ନୋହଙ୍ଗ୍ ଇର୍ହାନ୍, "ମିରୁ ଇଲୁ ପରିବାର୍ତାନ୍ ଜାହାଜ୍ଦୁ ଡ଼ୁଗୁଦୁ; ଇରିଙ୍ଗ୍ ଇୟା କାଡ଼ାଦି ଲୋକା ମାନୁ ନାନୁ ନିଙ୍ଗିଁ ନା ଆଗିଡ଼ି ଦାର୍ମୁ ସୁଡ଼ୁତାମାନା ।
ଆବେଟ୍ ଗାଲିପିରୁଦାନ୍ ରକିୟା ପୋଇନି ଉଣ୍ତିଙ୍ଗ୍ ନୋହ ମାରି ୱାରି ଆଡ଼ିସିକ୍ ମାରି ମାରିସିର୍ ମାରି କଡ଼େସିକ୍ ଜାହାଜ୍ଦୁ ଡ଼ୁଗିତେ । ମାରି ନୋହଦି ଉଣ୍ତିଙ୍ଗ୍ ମାପୁରୁଦି ମାଟା ଇସାବ୍ତାନ୍ ସୁଚି ମାରି ଅସୁଚି ଜାତୁ ପଟିଙ୍ଗ୍ ୱିଜୁ ମାରି ଉଜ୍ନି ଜାତୁଙ୍ଗ୍ ୱିଜୁ ଜଡ଼ ଜଡ଼ ଆଜି, ନୋହଦି ଲାକୁତୁ ସଲ୍ସି ଜାହାଜ୍ଦୁ ଡ଼ୁଗିତେ । ମାରି ଆୟା ସାତ୍ ନମ୍ୱର୍ତି ଦିନ୍ ୱେନେକା ଦୁନିଆଦୁ ଗାଲିପିରୁ ଆରାମ୍ ଆତାତ୍ ।
ମାପୁରୁଦି ମାଟା ଇସାବ୍ଦାନ୍ ୱିଜୁ ରକମ୍ତି ଜାତୁଙ୍ଗ୍ ରୁଣ୍ତି ରୁଣ୍ତି ଆଜି ଜାହାଜ୍ଦୁ ଡ଼ୁଗିତେ; ଆବେଟ୍ ସଦାପ୍ରବୁ ୱାନି ଲାକୁତୁରି ସେର୍ଲା କେର୍ତାନ୍ ।
ଇୟାୱେନ୍କା ଚାଲିସ୍ ଦିନ୍ ସାନ୍ଦି ଦୁନିଆଦୁ ଗାଲିପିରୁ ଆତାତ୍; ମାରି ଗାଡା ନିରୁବୁ ନିରୁବୁ ଜାହାଜ୍ ବୁମିଦିଙ୍ଗ୍ ଡ଼ିସ୍ସି ମୁସ୍କୁ ଦେଲ୍ଜି ନିଙ୍ଗିଁତାତ୍ । ମାରି ଦୁନିଆଦୁ ଦିରେ ଦିରେ ଏରୁ ନାଣ୍ତ ଆଜି ନିରୁବୁ ନିରୁବୁ ଜାହାଜ୍ ଏରୁ ମୁସୁକୁ ସାଲାତାତ୍ ।
ଇୟାୱାଜା ଦୁନିଆଦି ମୁସୁକୁ ୱିଜୁ ଜାତୁଙ୍ଗ୍ ନାଷ୍ଟୁ ଆତେ, ଅର୍ତାତ୍ ଲୋକୁ, ଜାତୁ, ଉଜ୍ନି ଜାତୁଙ୍ଗ୍, ପଟିଙ୍ଗ୍, ୱିଜୁ ଦୁନିଆଦାନ୍ ନାଷ୍ଟୁଆତେ; କେବଲ ନୋହ ମାରି ଜାହାଜ୍ତୁମାନି ୱାରି ସଙ୍ଗ୍ର୍ ୱିଜେରେ ଜିତାର୍ ।
ଆବେଟ୍ ଦୁନିଆଦାନ୍ ଏରୁ ସଲିସ୍ ସହେ ପସାସ୍ ଦିନ୍ ସାନ୍ଦି ୱେନ୍କା ନିକ୍ତେ । ଇୟାୱେନ୍କା ସାତ୍ଗୋଟା ଲେଜୁଦି ସତର୍ ଦିନ୍ତୁ ଆରାରାଟ୍ ଗୋରନ୍ ମୁସୁକୁ ଜାହାଜ୍ ତେବାତାତ୍ ।
ମାରି ଚାଲିସ୍ ଦିନ୍ ୱେନେକା ନୋହ ନିଜେ ତିଆର୍ କିତି ଜାହାଜ୍ତି କିଡ଼ିକି ରେସି, ଉଣ୍ତ୍ରି କାକିଦିଙ୍ଗ୍ ଇପ୍ତାନ୍ । ଆବେଟ୍କୁ ଦୁନିଆଦି ଏରୁ ନିକିନି ସାନ୍ଦି ୱାଦ୍ ଇନିଙ୍ଗାଁ ଆନିଙ୍ଗାଁ ଇମିଜି ବୁଲାତାତ୍ । ମାରି, ନୋହ ବୁମିଦି ଏରୁ ଉଣାଆନିକା ନେସିନି ଉଣ୍ତିଙ୍ଗ୍ ଉଣ୍ତ୍ରି ପର୍ଜ ଇପ୍ତାନ୍ । ନାସ୍ତିୱାଲେ ଦୁନିଆ ଏରୁଦୁମାନିଙ୍ଗ୍ ଗୁଗୁରାମ୍ ନିଜେଦି କାଲୁକୁ ଇଡିନି ବାଡି ପୋୟ୍ଏଜି ଜାହାଜ୍ଦୁ ୱାନି ଲାକୁତୁ ଡ଼େସି ୱାତାତ୍; ଆବେଟ୍ ୱାନ୍ କିୟୁ ସାକ୍ସି ତାନିଙ୍ଗ୍ ଆସ୍ସି ଜାହାଜ୍ ଲୋଇ ନିଜେଦି ଲାକୁତୁ ଅତାନ୍ । ମାରି ସାତ୍ ଦିନ୍ ୱେନେକା ୱାନ୍ ଆୟା ଗୁଗୁରାମ୍ତିଙ୍ଗ୍ ମାରିଡ଼େସି ଜାହାଜ୍ଦାନ୍ ଇପ୍ତାନ୍; ଆବେଟ୍କୁ ଗୁଗୁରାମ୍ ମିଲିମିଲିକା ବେଡ଼ାଦୁ ୱାନି ଲାକୁତୁ ଡ଼େସି ୱାତାତ୍; ମାରି ସୁଡ଼ୁଦୁ, ତାନି ୱେୟୁଦୁ ଜିତ ମାରାନ୍ତି ପୁନାସତି କଡ଼୍କି ଆକୁ ମାର୍ହାତ୍; ଆଦେଙ୍ଗ୍ ଦୁନିଆଦି ଏରୁ ଉଣା ଆତେମାନେ ଇଜି ନୋହ ନେସ୍ତାନ୍ । ମାରି ସାତ୍ ଦିନ୍ ୱେନେକା ୱାନ୍ ଆୟା ଗୁଗୁରାମ୍ତିଙ୍ଗ୍ ମାରିଡ଼େସି ଇପ୍ତାନ୍, ମାତର୍ ପଟି ମାରି ଅରୁସୁ ୱାନି ଲାକୁତୁ ଡ଼େସି ରେଏତାତ୍ନି ।
ନୋହଦି ବୟସ୍ ସୋଅସ ଏକ୍ ବାର୍ସେକ୍ ପାର୍ତୁମ୍ ଲେଜୁଦି ପାର୍ତୁମ୍ତି ନାଣ୍ତିଙ୍ଗ୍ ଦୁନିଆ ମୁସୁକୁରାନ୍ ଏରୁ ନିକ୍ତେ ମାରେଏ; ନାସ୍ତିୱାଲେ ନୋହ ଜାହାଜ୍ଦି ଚାତ୍ ରେସି ସୁଡ଼ୁତାନ୍, ବୁମିଦିଙ୍ଗ୍ ୱାର୍ତିକା ସୁଡ଼ୁତାନ୍ ।
ତାନିୱେନ୍କା ମାପୁରୁ ନୋହଙ୍ଗ୍ ଇର୍ହାନ୍, "ନିନୁ ନିଜେଦି ଆଡ଼ି ମାରି ମାରିନ୍କୁ ମାରି କଡ଼ିଏକାଙ୍ଗ୍ ଅରେସ୍ ଆସ୍ସି ଜାହାଜ୍ଦାନ୍ ସୋସି ସାଣ୍ତ୍ରୁରୁ । ମାରି ନିଜେଦି ୱାଲେ ମାନି ଜାତୁ, ପଟିଙ୍ଗ୍ ମାରି ବୁମିଲୋଇ ମାନିକେଙ୍ଗ୍, ଉଜ୍ନିକେଙ୍ଗ୍ ୱିଜୁ ଜାତୁଆଙ୍ଗ୍ ଆତ୍ରେ ଆସ୍ସୋ ସାଣ୍ତ୍ରୁ; ୱାକ୍ ଦୁନିଆଦୁ ପୁରାପୁରି ବର୍ତି କିପିୟି, ମାରି ଦୁନିଆଦୁ ଜନମ୍ ଆଜି ମାରି ନାଣ୍ତ ଆଜି ୱିଜୁ ତରିନ୍ ଆପିୟି ।"
ଇୟାୱେନ୍କା ମାପୁରୁ ନୋହଙ୍ଗ୍ ମାରି ୱାନି ମାରିନ୍କାଙ୍ଗ୍ ଇର୍ହାନ୍, "ସୁଡ଼ୁଦୁ, ମି ୱାଲେ ମାରି ମି ଭବିଷ୍ୟତ୍ କୁଟୁମ୍ ୱାଲେ ମାରି ମି ସାଙ୍ଗରିଙ୍ଗ୍ ୱିଜେରିଙ୍ଗ୍ ଜାତ୍କା ୱାଲେ, ମାରି ମି ୱାଲେମାନି ୱିଜୁ ଜାତୁ ୱାଲେ ଜାହାଜ୍ତାନ୍ ସୋତି ନାର୍କା ମାରି ବନ୍ଜାତୁ ମାରି ପଟିଙ୍ଗ୍ ୱିଜୁ ଦୁନିଆଦି ୱିଜୁ ଜାତୁଦି ୱାଲେ ମାପୁ ନିଜେଦି ନିୟମ୍ ତିର୍ କିତାମାନାପ୍ । ମାପୁ ମି ୱାଲେ ଇୟା ନିୟମ୍ ତିର୍ କିନାପ୍, ୱିଜୁ ଜାତୁଙ୍ଗ୍ ପିରୁଗାଲିଦି ମାଡ଼ାନ୍ ମାରି ସାଉ; ମାରି ଦୁନିଆଦିଙ୍ଗ୍ ନାଷ୍ଟୁ କିନି ଉଣ୍ତିଙ୍ଗ୍ ମାରି ପିରୁଗାଲି ଆଏତ୍ନି ।"
ମାପୁ ବାଦଡ଼୍ତୁ ନିଜେଦି ଇନ୍ଦ୍ରଦନୁ ତିଆର୍ କିତାମାନାପ୍, ଆକା ଦୁନିଆଦି ୱାଲେ ମା ନିୟମ୍ଦି ସିନା ଆନାତ୍ ।
ବିସ୍ବାସ୍ତି ସାକ୍ତିଦାନ୍ ନୋହ ଇନିକା ଅଡ଼୍ବିଏଣ୍ଗା ଗଟ୍ନା ବିସୟ୍ତାନ୍ ମାପୁରୁଦି ଜାଗ୍ରାତାଦି ବାକ୍ୟ ୱେନ୍ଡ୍ରେଙ୍ଗ୍ ଆଟ୍ତାମାର୍ଆନ୍ । ୱାନ୍ ମାପୁରୁଦି ଆଦେସ୍ ମାନାଜି ଉଡ୍ରି ଜାହାଜ୍ ତିଆର୍ କିତାନ୍ । ଆବେନ୍ ୱାନ୍ ମାରି ୱାନି ଇଲୁଦିଲୋକ୍ ୱିଜୁ ରକ୍ୟା ପୋଇତାର୍ । ତାନିବାଦ୍ଲୁ ଦେସ୍ତିଲୋକୁ ଦଣ୍ତ୍ ଆତାର୍, ମାତର୍ ନୋହ ୱାନି ବିସ୍ବାସ୍ ଉଣ୍ତିଙ୍ଗ୍ ଦାର୍ମୁଦି ପୁରସ୍କାର୍ ପୋଇତାର୍ ।
ପୁର୍ବେକାଡ଼ାଦୁ ନୋହଦି ବେଡ଼ାଦୁ ଏରୁଜାହାଜ୍ ତିଆର୍ କିନିୱାଲେ, ନାସ୍ତିୱାଲେ ମାପୁରୁ ସାସ୍ ଆସ୍ସି କାପ୍କିଜି ମାର୍ହାନ୍, ନାସ୍ତିୱାଲେ ଆମା ଲୋକୁ ମାପୁରୁଦି ମାଟା ଆସ୍ଏର୍ ମାର୍ହାର୍ । ଆୟା ଜାହାଜ୍ଦୁ ଡ଼ୁଗିତାରୋ ଆମା ଉଣା ଲୋକ୍ ୱିଜେର୍ମିସାଜି ଆଟ୍ ଲୋକ୍ ମାର୍ହାର୍, ମାତର୍ ଗାଲିପିରୁଦାନ୍ ରକିୟା ପୟ୍ତାର୍ । ଆବେଣି ସିନାୱାଜା ଡୁବନ୍ ଅତାର୍ ଇୟା ଡୁବନ୍ ମି ମେନ୍ଦଲ୍ତି ରୋପି ସୋଲ୍ସିପ୍ କିଏତ୍, ମାତର୍ ମାପୁରୁଦି ଲାକ୍ତୁ ନେଗି ବୁଦି ପୟ୍ନି ଉଣ୍ତିଙ୍ଗ୍ ପାର୍ତାନା କିତାନ୍, ଜିସୁ କ୍ରିସ୍ତଦି ମାରିଡ଼େସିଜିବନ୍ଆଜିନିଙ୍ଗ୍ନି ମାଣୁକୁ ଇଲେଇ ମିଙ୍ଗିଁ ରକିୟା କିଜିନାତ୍; ଆୟା କ୍ରିସ୍ତ ଇଲେଇ ମୁସ୍କୁପୁର୍ତୁ ମାପୁରୁଦି ଉଣେରି ତରିନ୍ ବାସ୍ତା ମାନାନ୍, ମୁସ୍କୁପୁର୍ତି ଦୁତ୍କୁ ମାରି ୱିଜେରେ ଅଦିକାର୍ପୟ୍ତିକାର୍ ମାରି ସାକ୍ତିମାନିୱାରି ମୁସ୍କୁ ସାସନ୍ କିଜିନାନ୍ ।
ନୋହଦି ବେଡ଼ାଦୁ ଏଣ୍ତେସ୍ ଗଟାତା ମାର୍ହାତ୍, ମନୁସ୍ୟପୁତ୍ରଦି ୱାନି ବେଡ଼ାଦୁ ଆୟାୱାଜା ଗଟାନାତ୍ । ଗାଲିପିରୁଦି ଆଗ୍ଡ଼ିରି ବେଡ଼ାଦୁ ନୋହଦି ଜାହାଜ୍ତୁ ଡ଼ୁଗୁନି ଦିନ୍ ସାନ୍ଦି ଲୋକୁ ଉଣିତିନିକା ମାରି ମେମାରି ନି ଆଇମା ପେଡ଼ିଆନି ୱିଜୁପାଣିଦୁ ଦାନ୍ଦା ଆତାମାର୍ହାତ୍ । ଗାଲିପିରୁଦୁ ୱାର୍ ଦେଲ୍ଜିସନି ସାନ୍ଦି ଇନିକା ଗଟାଜିନାତ୍ ନେସ୍ତେଙ୍ଗ୍ ଆଟ୍ଏଜି ମାର୍ହାର୍ । ମନୁସ୍ୟପୁତ୍ର ୱାଜିନି ଦିନ୍ତୁ ବା ଟିକ୍ ଆୟାୱାଜା ଆନାତ୍ । ଆୟା ସମୟ୍ତୁ କିଡ଼ିଇଦୁ ପାଣି କିଜିମାନି ରିଏରି ମେମାରିରି ମାଣ୍କୁ ଅରେନ୍ୱାନିଙ୍ଗ୍ ଅଆୟ୍ଆନାତ୍ ମାରି ଆଇ ଅରେନ୍ ୱାନିଙ୍ଗ୍ ଡ଼ିସ୍ନାସିନାର୍ । ରୁଣ୍ତି ଆଇମେକ୍ ଜାତାଦୁ ନୁର୍ଜିମାନେ, ଅରେତ୍ତାନିଙ୍ଗ୍ ଅଆୟ୍ଆନାତ୍ ମାରି ଆଇତାନିଙ୍ଗ୍ ଡ଼ିସ୍ନାସିନାର୍ ।"