Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Kwa kukwinila Nuhu kukamghola ayitikili Sapanga pamkanisili kunani gha mighalu itehika kuulongolo ivile iwelili yambila kuhumila. Ndiwa akachenga lisafina ili Sapanga awalokoli mweni pamonga na wandu wa mlighuta lyakina kuwalamula wandu wa kumlima wogha wenikuwela wamkwinila ng’ogha Sapanga, kwaikiva gha nagha ikamghola Nuhu ajumilwi na Sapanga.
Hagha ndiwa wandu wala walemili kumkwinila Sapanga pakawalindila kwa ufumilifu lipindi Nuhu paawelili akighola lisafina. Mghati mwa kyombu kila kuwelili na wandu mayaghani hela, imaanisa ni wainane hela, ndiwa walokolilwi kumasi, yala masi yavile handa mlandano wa ubatisu hula unguwalokola mwenga hinaa. Ng’ogha kwaikiva gha kuhumisa ndaka kuhigha, ila ni lilaghano kwa Sapanga lingugholeka kulukani lwa maha. Ubatisu hau ndiwa unguwalokola mwenga kupitila uhinduki wa Yesu Kilisito, yula ayendili kundumba na hinaa kalikala mbandi gha liwoko lya kuliyila gha Sapanga, na watumikila wa kundumba wa Sapanga na wakulu na weni makakala wakiva pahi ghaki.
Kwaikiva handa iwelili lipindi lya Nuhu, ndiwa itewela kuhika kwa mweni Mwana wa Mundu. Kwaikiva lipindi lila yambila gha kufula kwa masi, wandu wawelili wakilyegha na kunywegha, wakiposa na kuposwa mbaka lichuwa lila Nuhu paayingilili kulisafina. Wamanyili ng’ogha chochosi mbaka pala kufula kwa masi papakungula vyogha. Havi ndiwa itewela lipindi Mwana wa Adamu paatehika. Lipindi hali wandu waivili watewela mkitawa, mmonga atetolwa na ghangi atelekwa. Wadala waivili watewela wanguhyagha pamonga, mmonga atetolwa na ghangi atelekwa.