9 Pabhakajomola kulongela genago, akatolekwa kujaula kunani kwa Annoongo bhenaangota bhabhi tangu bhatendakulolanga, lihunde likaawekela bhakotokokwabhona kabhele.

10 Pabhakibhanga tangu bhabhikulolekeanga muno kunani kwa Annoongo, Ayesu abhikujaula, kachoko akanalome bhabhele bhawalitinge ngobho hihuhu bhakajemanga kubhandikana nabho, 11 bhakalobholanga, "Mwangota mwabhandu bha ku Galilaya! Mbona ntenda kujemanga mmikulolanga kunani? Ayesu habhabha yakubhehe bhatekutolekwa kubhoka kwachinunji kujenda kunani kwa Annoongo apakuhika hela hela handa chimunnonitinge abhikujaula kunani kwa Annoongo."

19 Bahi, Hangwana Ayesu pabhakajomola kulongela nabho, bhakapetulikwa kunani kulihunde, bhakatama upande gwa kunnelo gwa Annoongo.

50 Ngapena bhakaalongolela panja ja kunnyini mpaka ku Betania, nga bhakanyolola mabhoko gabhe kunani, bhakaajopelanga gammbone ga Annoongo. 51 Pabhatendita kwaajopela gammbone kubhoka kwa Annoongo, muuda bhakatolekwa na kwalekanga na bhakajaula kunani kulihunde.

2 Nyuumba ja Atati bhangu mubhile mwa kutama mujingi. Handa nga henela, ngannobholilinge. Ndendakujaula kumpanganikianga pakutama.

12 Kweli ndendakunnobholelanga, mundu joajola jwanhobhalela nenga, apakupangana mahengo genigala gambagana, apakutenda mahengo makolongwa kupunda nenga kwa kubhee nyaula kwa Atati bhangu.

28 Nenga ndekubhoka kwa Atati, na ndekuhika pambani pachilambo, nangocheni ndenda kuchileka chilambo na kubhuja kwa Atati."

17 Ayesu akaalobholela, "Nkotokungamula, ligongo tangu nangajaula kwa Atati. Nambo nnyaule kwa akaalongo bhangu nkaalobholelange, ndendakujaula kunani kwa Atati jwangu na Atati jwinunji, Annoongo jwangu na Annoongo jwinunji."

33 Ayesu akaalobholela, "Nenga tangu nibhii na mwangota kwa machobha kachoko, ngapena mbakubhuja kwaachabhe jonijola jwaandumite.