Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Ke Enye ama eketiñ mme ikọ emi ama, ema emen Enye edọk kpa ke idem iso mmọ; ndien kpasuk nte mmọ ekekade iso ndiwuk enyin nse, obubit enyọñ ama edip Enye ke enyin mmọ.
Nte mmọ ekesuk ekade iso ndiwuk enyin nse ikpaenyọñ nte Enye okosuk ọdọkde, sese owo iba emi ekesinede mfia ñkpọ ema ewọñọ eda mmọ ke ñkañ. Enyuñ ebup mmọ ete "Iren Kalili, ntaha mbufo edade mi esuk ewuk enyin ese ikpaenyọñ-e? Kpasuk Jisọs emi ema ekemen edọk enyọñ ekpọñ mbufo, eyefiak edi kpa ke ukem usuñ emi mbufo ekekutde nte emende Enye edọk enyọñ."
Kini Ọbọñ Jisọs ama eketiñ ikọ ye mmọ ama, ema emen Enye edọk ke enyọñ ndien Enye ọkọsuhọde etie ke ubọk nnasia Abasi.
Ke ini Jisọs ama akada mmọ ọwọrọ ke obio ekpere mben obio Betani, Enye ama emenede ubọk Esie onyuñ ọdiọñ mmọ. Ke ini Enye okosuk akade iso ndidiọñ mmọ, Enye ama ọkpọñ mmọ, ndien ema emen Enye edọk ke Enyọñ.
Ediwak ufọk edu ke ufọk Ete Mi ko ke enyọñ, ke mikpedighe ntre, Ami ñkpetiñ nnọ mbufo. Ami mmọñ ñka do nditim itie nnim nnọ mbufo.
Ami ntiñ akpanikọ nnọ mbufo nte, owo ekededi emi ọbuọtde idem ye Ami, enye eyenam se Ami ñkekade iso ndinam. Enye eyenam mme ñkpọ emi ekande oro, koro Ami mmọñ ñka mbine Ete Mi.
Ami ñkoto Ete ndi ke ererimbot, ndien idahaemi Ami ke ñkpọñ ererimbot emi mfiak mbine Ete."
Jisọs ama ọdọhọ enye ete, "Kutuk Mi ubọk koro Ami ñnyọñke kaña mbine Ete Mi. Edi ka bine nditọ Ete Mi nyuñ dọhọ mmọ ete, ke Ami ke mfiak mbine Ete Mi, ye Ete mbufo, ke mbine Abasi Mi, ye Abasi mbufo."
Jisọs ama ọdọhọ ete, "Ami ndu ye mbufo ke esisit ini, ndien Ami mfiak ntiene Enyemi ọkọdọñde Mi.
Owo ndomokiet ikemeke ndineni mbaña nte ndedibe ñkpọ ido ukpono ñnyin okponde eketre. Enye ọkọwọrọ owut idem Esie ke mbiet owo, Spirit ama etie ntiense abaña nte Enye enende, mme enjel ema ekut enye, ema ekwọrọ Enye ke otu mme idut, ema enim enye ke akpanikọ mi ke ererimbot, ndien ema emen Enye edọk ke enyọñ.