9 Ɔhane ɛhemɔ yiele ne, bɛfale ye bɛhɔle anwuro, na bɛguso bɛnea anwuro ne, munungum katale ye nwo bɔ bannwu ye kõ.

10 Ɔkɔ ne, né bɛnea anwuro haa, na ɛberɛ ala, mmrienzua nyɔ bɔ bɛwura ndadeɛ fufue wale bɛ nwo berɛ, 11 na bɛha bɛhyirele bɛ kyɛ: "Galilea mmrandeɛ, nzuati yeɛ ɛmɔgyi wa, bɔ ɛmɔnea anwuro sɔ ne? Yesu bɔ bafa ye bafi ɛmɔ nwo wa bahɔ anwuro ne, kyɛbɔ ɛmɔ nwuni ye kyɛ ɔkɔ ne, sɔ ala yeɛ okosa kɔwa ɔ."

19 Na Awurade Yesu dwudwo hyirele bɛ yiele ne, bɛfale ye bɛhɔle anwuro, na ɔɔtenane Nyameɛ sa famaa so.

50 Na ɔne bɛ fili berɛ hɔle Betania, na ɔmane ye sa so hyirale bɛ. 51 Ogu so ohyira bɛ ne, bɛmane ye so bɛhɔle anwuro.

2 Nekaa pee wɔ me Baba awuro berɛ, sɛ ɔtte sɔ a, ahaa nzuati yeɛ meka mekyire ɛmɔ kyɛ, mekwaasiesie nekaa bie mema ɛmɔ ne?

12 "Nahorɛ paa bɔ meka mekyire ɛmɔ yeɛ ole kyɛ, ebiala bɔ onya gyidie wɔ me nu ne, ɔkɔyɛ adwuma bɔ meyɛ ne bie; na ɔkɔyɛ nyumaa mbiri-mbiri kɔtra bɔ meyɛ ne po, ofikyɛ mekɔ Baba ne dɔ.

28 Baba ne berɛ yeɛ mvi mmale wiase ɔ. Na afei de, mefi wiase mekɔ Baba ne dɔ."

17 Yesu ha hyirele ye kyɛ: "Yakyi me nu, na nnya ngɔle Baba ne dɔ. Nakoso, kɔ nniema nemɔ dɔ, na ka kyire bɛ kyɛ, ‘Mekɔ me Baba ne ɛmɔ Baba, ne me Nyameɛ ne ɛmɔ Nyameɛ ne berɛ.’"

33 Yeɛ Yesu ha hyirele bɛ kyɛ: "Mene ɛmɔ kɔtena ɛwa kaa kora ne mahɔ bɔ ɔsomane me ne berɛ.

16 Nahorɛ nu, aporowaa biala nne ye nwo kyɛ, nyamesom nwo dwirɛ krongron bɔ wafea ne te piri:

Bɛlale ye ali wɔ anwoɔnaen nu,

bɛbule ye bem honhom nu,

ɔyele ye nwo ali hyirele abɔfo,

bɛhane ye nwo dwirɛ bɛhyirele maen-maen ne,

bɛlɛle ye bɛlili wɔ wiase,

bɛfale ye bɛhɔle anwuro wɔ anuonyam nu.