Batismo

19 B̈ii gɛ̀ ndʉʉghɔfii, chìi vâafɔʼɔ-bɔŋ mu lɔʼ-bətə̂ŋ-tə inchəŋ, kɔ́ muu tʉ bɔŋ yie-mbʉ-Tie, yie-mbʉ-Vaa leʼnə yie-mbʉ-kəLyʉʉhəNyii, 20 kə́ dàhə bɔŋ ndə mətʉ́ʼ nubə inchəŋ ndə mɔ nɔʼ kàhə bii nə yɔŋ. B̈ii yʉ́, mɔ bu kə́ bɛ bʉʼʉ mɔʼɔ, tʉ wʉʉnəmbikə yi liʼ."

18 Bɔŋ Jiso gwè, gìe tʉ bɔŋ mbɔ, "Nyii nɔʼ kɔ́ ghʉəʼkə tʉ mɔ inchəŋ ndə məsɔ́ʼ yuo ghɔŋbə chisêkə. 19 B̈ii gɛ̀ ndʉʉghɔfii, chìi vâafɔʼɔ-bɔŋ mu lɔʼ-bətə̂ŋ-tə inchəŋ, kɔ́ muu tʉ bɔŋ yie-mbʉ-Tie, yie-mbʉ-Vaa leʼnə yie-mbʉ-kəLyʉʉhəNyii, 20 kə́ dàhə bɔŋ ndə mətʉ́ʼ nubə inchəŋ ndə mɔ nɔʼ kàhə bii nə yɔŋ. B̈ii yʉ́, mɔ bu kə́ bɛ bʉʼʉ mɔʼɔ, tʉ wʉʉnəmbikə yi liʼ."

Jiso fí muu

13 Jiso lɔ̀ hə Galili gwè ŋgwɛŋ Jodaŋ, ndə məfì muu kəghɔ-Jɔŋ ndə ɔ̃ kɔ́ muu.

16 Wotəmiyɔŋ ndə ɔ bɛ́ŋ, fí muu, bu kie ŋkwaaNyii, wotəmiyɔŋ ndə ɔ gòʼ təmə bɛ́ŋ fɛ nɔʼ gwù fɛʼɛ.

15 Ɔ ghɔ̀ŋ tʉ bɔŋ mbɔ, "B̈ii gɛ̀ mu kəwʉʉnəmbi inchəŋ gɛ̀ lɔ̀ʼ ntəŋjyujyu chɔ tʉ bʉə bənchəŋ. 16 Wotəmiyɔŋ ndə ɔ bɛ́ŋ, fí muu, bu kie ŋkwaaNyii, wotəmiyɔŋ ndə ɔ gòʼ təmə bɛ́ŋ fɛ nɔʼ gwù fɛʼɛ.

Ntɛ məfì muu ndə Jiso nə fí

9 Nɔ nə bɛ mu bəchî-ghɔ̄, Jiso lɔ̀ hə Nasalɛ mu Galili, gwè fí muu hə kəghɔ-Jɔŋ ndə ɔ̃ kɔ́ muu mu ŋgwɛŋ Jodaŋ. 10 Haʼ ndʉʉmɛ, ndə ɔ kóʼ mu muu, ɔ nyíɛ yuo kə́ ŋɔ́ʼnə, LyʉʉhəNyiikə shíʼ gwè, gwè dùʼ ndəŋ ɔŋ, kie mbʉə bɛ nə tambʉətə.

3 Bii bɔŋ kínə mbɔ ndʉʉ ndə bʉʼʉ bənchəŋ kə fí muu, bʉʼʉ nɔ kə tùo bʉʼʉbə Klai Jiso ndə məbɛ fɔkə imɔʼ, məfì muu bɔŋleʼ chìi bʉʼʉ bɔŋ tùo ndəŋ kwu-i fe? 4 Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.

3 Bii bɔŋ kínə mbɔ ndʉʉ ndə bʉʼʉ bənchəŋ kə fí muu, bʉʼʉ nɔ kə tùo bʉʼʉbə Klai Jiso ndə məbɛ fɔkə imɔʼ, məfì muu bɔŋleʼ chìi bʉʼʉ bɔŋ tùo ndəŋ kwu-i fe?

2 I mə nə bɛ nɔ fɛ! Bəkɔ mbəŋ-yʉʼʉ ndə bʉʼʉ nɔʼ kwú ndə bʉ̂ʼʉ bʉ̀nə kə́ chí mu bʉ̂ʼʉ təka? 3 Bii bɔŋ kínə mbɔ ndʉʉ ndə bʉʼʉ bənchəŋ kə fí muu, bʉʼʉ nɔ kə tùo bʉʼʉbə Klai Jiso ndə məbɛ fɔkə imɔʼ, məfì muu bɔŋleʼ chìi bʉʼʉ bɔŋ tùo ndəŋ kwu-i fe? 4 Nɔ, ndʉʉ ndə bʉʼʉ kə fí muu, bʉʼʉ nɔ kə kwú, bə tyuu bʉʼʉbə Klai mɔʼɔ. Mbɔ haʼ ndə bə kə bʉ̀nə kóʼhə Klai ndəŋ kwú tíŋ hə bɔ̌ŋ fɔŋ kəghʉəʼ Nyii mbʉ Tie, bəkɔ mbəŋ-yʉʼʉ ghɔ kie məchímbi fefe.

5 Bʉʼka mbɔ kaʼ bʉʼʉ nɔʼ tùo bʉʼʉ bɔŋ ndə ntɛ kwu-i, i nɔ dʉ̀ʼ mbɔ bʉʼʉ bu tùo ndə ntɛ məkoʼ-e ghɔ. 6 Bʉʼʉ nɔ kínə mbɔ bə nɔʼ kə yí nduɔŋ wo ndə bʉʼʉ kə bɛ yɔŋ bʉʼʉbə Klai mɔʼɔ ndəŋ kətyʉntɔɔnə, mbɔ ghʉəʼkə ndə bʉ̂ʼʉ kə kie ndə məchimbi-yʉʼʉ chʉʼ bɛ njʉnjʉ, mbɔ bʉʼʉ mə leʼ bɛ fʉəhə tʉ bʉ̂ʼʉ fɛ. 7 Bʉʼka ndʉʉ ndə wo kwú ghɔŋ Klai mɔʼɔ, təmə bə nɔʼ fyúhə tʉkə-i hə ndəŋ ghʉəʼ-bʉ̂ʼʉ-kə.

12 Bʉʼka ndʉʉ ndə bii kə fí muu, bə nɔ nə tyúu biibə Klai mɔʼɔ, kʉ̂ʉ bɛ ndʉʉ-ghɔ̄ i dʉ̀ʼ mbɔ bii bɔŋ nɔ bʉ̀nə kóʼ mɔʼɔ ndə məchímbi fefe tíŋ hə bɔ̌ŋ məmɔ̀ʼfyii ndə bii mɔ̀ʼfyiihə-ii ndəŋ ghʉəʼ-Nyii-kə ndə ɔ kə bʉ̀nə kóʼhə ɔŋ ndʉʉ ndə ɔ kə kwú.

26 Bʉʼka bii mɔ̀ʼfyiihə-ii ndəŋ Klai Jiso, bii nɔ bɛ vâa-Nyii. 27 Bʉʼka wotəmiyɔŋ ndə ɔ nɔʼ fí muu, nɔʼ fúu nuɔ ghɔŋbə Klai, nɔʼ mɔ̀ʼ məchimbi-Klai mbʉə-ɔ, ndə w̃o mɔ̀ʼ ndyi le.

5 Jiso bə̀ŋhə mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bí wo nə muu leʼnə LyʉʉhəNyiikə fɛ, ɔ mə nə ŋíi mu Sɔ́ʼ-Nyii fɛ.

5 Jiso bə̀ŋhə mbɔ, "M̈ɔ kɛŋ shyíi a nə shʉəŋ mbɔ kaʼ bə gòʼ təmə bʉ̀nə bí wo nə muu leʼnə LyʉʉhəNyiikə fɛ, ɔ mə nə ŋíi mu Sɔ́ʼ-Nyii fɛ.

5 ɔ kwáa bʉʼʉ. Kə bɛ bə bʉʼka fɔ̀ʼ ndə bʉʼʉ kə fɔ̀ʼ ndə məbɛ ndyʉndyʉ tʉ Nyii ndə i kə chìi ɔ̈ kwáa bʉʼʉ fɛ, bɔŋ nɔ kə bɛ bʉʼka tʉvyiikə-i ndə ɔ dʉ̀ʼ tʉ bʉʼʉ. Ɔ kwáa bʉʼʉ tíŋ hə bɔ̌ŋ LyʉʉhəNyiikə ndə ɔ kə sʉ̀ bʉʼʉ ndə mə-bʉ̀nə-bìʼ-bí bʉʼʉ bɔŋleʼ kɔ́ məchímbi fefe tʉ bʉʼʉ.

21 Fɔŋ muu-ghɔ̄ nɔ nə bɛ ndə məfì muu ndə i tʉʼ kwáa bii nduɔ. Mbʉ məfì muu kaa mə sʉ̀ bɛbə mbʉə mbɔ itʉ́ʉnə fɛ. Bɔŋ i nɔ bɛ ndə məfʉ̀ʉtə Nyii ndə məkɔ́ bii nə fyii-tʉʉnə-hə,* bʉʼka bə nɔ kə bʉ̀nə kóʼhə Jiso Klai ndəŋ kwú.

38 Bita bə̀ŋhə mbɔ, "Ẅotəmiyɔŋ mu bii shìe liɛŋ-ɛŋ hə ndəŋ bʉ̂ʼʉ, fí muu yie-Jiso Klai, ɔ chʉʼ sʉ̀fyii-i hə ndəŋ bʉ̂ʼtə-a. Nyii bɔŋleʼ kɔ́ Lyʉʉhəkə-i tʉ a.

38 Bita bə̀ŋhə mbɔ, "Ẅotəmiyɔŋ mu bii shìe liɛŋ-ɛŋ hə ndəŋ bʉ̂ʼʉ, fí muu yie-Jiso Klai, ɔ chʉʼ sʉ̀fyii-i hə ndəŋ bʉ̂ʼtə-a. Nyii bɔŋleʼ kɔ́ Lyʉʉhəkə-i tʉ a.

41 Bʉə ndə bɔ̂ŋ kə bɛ́ŋ ŋgiekə-i, fí muu, bʉə bìʼ nuɔ-bɔŋ yɔ̂ŋ-ghɔ̄ tə kə́ gɛ̀ nə ŋkɔŋ-bʉə-hə itia.

12 Bɔŋ nuɔ-bʉə-buŋmbi bɛ́ŋ ntəŋjyujyu ndə Fili kə́ lɔ̀ʼ te Sɔ́ʼ-Nyii bɔŋleʼ te yie-Jiso Klai. Bʉʼka yɔ̄ŋ-yə, bəke ghɔŋbə bələŋ buŋmbi fí muu. 13 Buŋ Samu ghɔ nə mbəŋ-ɛŋ bɛ́ŋ Nyii ghɔ fí muu, kə́ tòʼ ghɔŋ Fili mɔʼɔ gɛ̀ bəyəŋbəyəŋ. Ɔ kʉ̂ʉ nyíɛ nubəcheʼbə ghɔŋ nufinəkwɛʼtəŋbə ndə Fili kə́ chìi, i chíe chu-i.

36 Ndə bɔ̂ŋ kə́ gɛ̀, bɔ̂ŋ gɛ̀ nyíɛ muubɛʼmə, mbʉ woyɔ́ʼhə gìe tʉ ɔŋ mbɔ, "Nyíɛ! Muu nɔ, bu chìi ka təmə mɔ fí muu fɛ?" 37 [Fili ghɔ̀ŋ mbɔ, "Bəkɔ a fí, kaʼ a bɛ́ŋ Nyii nə fyii-a inchəŋ." Mbʉ wo-ghɔ̄ bə̀ŋhə mbɔ, "Mɔ nɔ bɛ́ŋ mbɔ Jiso nɔ bɛ VaaNyii."] 38 Ndʉʉmɛ, Fili téʼ mbʉ matu tə́nə, bɔ̂ŋ shíʼ mu mbʉ muu, ɔ fí muu hə kəghɔ-Fili.

39 Ndʉʉ ndə bɔ̂ŋ kóʼ hə mbʉ mu muu, LyʉʉhəTiekətʉkə jɔ̀ Fili gɛ̀ nə nɔŋ. Təmə mbʉ woyɔ́ʼhə leʼ nyíɛ ɔŋ fɛ, ɔ bɔŋ gɛ̀ tʉʉ-i kə́ tòʼ bʉ̀ʉ.

47 "Nduɔ ndə LyʉʉhəNyiikə nɔʼ shíʼ ndəŋ bɔŋ haʼ ndə ɔ kə shíʼ ndəŋ bʉʼʉ nɔ, bəkɔ wo leʼ tɛ́ŋ mbɔ bɔ̂ŋ mə fí muu fɛ mɛ?" 48 Ndʉʉmɛ, Bita kàhə bɔŋ mbɔ bɔ̂ŋ fí muu yie-Jiso Klai. Kʉ̂ʉ kə́ liʼ, bɔ̂ŋ fʉ̀ʉtə ɔŋ mbɔ ɔ chí ghɔŋ bɔŋ ndə mbyu-bəchî-hə.

47 "Nduɔ ndə LyʉʉhəNyiikə nɔʼ shíʼ ndəŋ bɔŋ haʼ ndə ɔ kə shíʼ ndəŋ bʉʼʉ nɔ, bəkɔ wo leʼ tɛ́ŋ mbɔ bɔ̂ŋ mə fí muu fɛ mɛ?"

4 Bɔɔ bə̀ŋhə mbɔ, "Jɔŋ nɔ nə kə́ kɔ́ muu bə haʼ mbɔ bʉə shìe liɛŋ hə ndəŋ bʉ̂ʼtə-ʉə, kə́ shyíi bʉə mbɔ bɔ̂ŋ la mɔ̀ʼfyiihə-ʉə ndəŋ wo ndə ɔ bu gwè hə bɔ̌ŋ, kə́ bɛ Jiso."

5 Bɔ̂ŋ kʉ̂ʉ yʉ́ yɔ̄ŋ-yə, fí muu yie-Jiso Tiekətʉ. 6 Ndʉʉ ndə Bɔɔ mɔ̀ʼ ghɔkə-i ndəŋ bɔŋ, LyʉʉhəNyiikə shíʼ ndəŋ bɔŋ, bɔ̂ŋ kə́ kwə́ʼ ŋgie-bətə̂ŋ-bədɔŋ-bə bɔŋleʼ kə́ téʼ ntəŋ ndə i gwè hə kəghɔ-Nyii.

5 Bɔ̂ŋ kʉ̂ʉ yʉ́ yɔ̄ŋ-yə, fí muu yie-Jiso Tiekətʉ.

6 Ndʉʉ ndə Bɔɔ mɔ̀ʼ ghɔkə-i ndəŋ bɔŋ, LyʉʉhəNyiikə shíʼ ndəŋ bɔŋ, bɔ̂ŋ kə́ kwə́ʼ ŋgie-bətə̂ŋ-bədɔŋ-bə bɔŋleʼ kə́ téʼ ntəŋ ndə i gwè hə kəghɔ-Nyii.

16 A tʉʼ kʉ̀ʼ ka nduɔ? Lɔ̀ hə sê tə́nə, fí muu, bɔŋleʼ sʉ̀ bʉ̂ʼʉ-a ndə a tʉʼ tíi yie-Tiekətʉ.’

5 Bʉʼka, bii nɔ kə fí muu hə kəghɔ-Jɔŋ bɔŋ mbyu-bəchî-hə məniʼ bii bu fí LyʉʉhəNyiikə."

8 Bɔŋ bə bu kɔ́ ghʉəʼkə tʉ bii, ndʉʉ ndə LyʉʉhəNyiikə bu shíʼ ndəŋ bii, ndʉʉmɛ bii bu lɔ̀ʼ wo ndə mɔ bɛ yɔŋ tʉ bʉə mu Jɛlosalɛŋ, mu Judia inchəŋ ghɔŋbə mu Samalia tə gɛ̀ dàa liʼ mbi."

31 Ndʉʉ ndə bɔ̂ŋ gháaNyii liʼ, mbʉ kəyəŋ ndə bɔ̂ŋ tə́nə chɔ ŋʉ̀ʼnə. LyʉʉhəNyiikə ŋíi mu bɔŋ tə lə́ŋ, bɔ̂ŋ jyʉ́ʉ kəghɔ-ɔ, bɔ̂ŋ chʉ́ʉhə məkwə́ʼ ŋgieNyiikə nə fyii shʉ́əshʉ́ə.

Ntɛ ndə Jiso kə fí muu

21 Bə kɔ́ muu tʉ Jiso ghɔ mu vɛʼ ndə bə kə kə́ kɔ́ tʉ bʉə bənchəŋ. Ndʉʉ ndə ɔ nə kə́ gháaNyii, yúotə ŋɔ́ʼnə, 22 LyʉʉhəNyiikə shíʼ gwè ndəŋ ɔŋ, kie mbʉə bɛ nə tambʉətə, gyʉʉ gwè hə yuo kə́ ghɔ̀ŋ mbɔ, "A nɔ bɛ vaa-ɔŋ ndə mɔ kʉ̀ʉ daa, tʉʉ-ɔ nɔ bʉ̀ʉ ndəŋ aŋ jyujyu."

13 Kaʼ mbəŋ-yii ndʉʉmɛ, ndə bii bɛ bʉə-bʉ̂ʼʉ, kínə məkɔ́ yʉʼ kəkɔ tʉ vâa-bii, ndʉʉmɛ i kɛŋ dʉ̀ʼ mbɔ Tie-yii ndə ɔ bɛ yuo bu kɔ́ LyʉʉhəNyiikə tʉ bʉə ndə bɔ̂ŋ bíʼtə tʉ ɔŋ!"

13 Yɔ̄ŋ-yə nɔ bɛ nɔ bʉʼka bʉʼʉ bənchəŋ nɔ kə fí ntɛ muu imɔʼ kə́ bɛ LyʉʉhəNyiikə. Bə chìi bʉʼʉ ndə məbɛ mbyu mbʉə imɔʼ, kə bʉʼʉ bɛ bʉə-Juu, kə bʉʼʉ gòʼ təmə bɛ bʉə-Juu fɛ, kə bʉʼʉ bɛ fʉəhə, kə bʉʼʉ gòʼ təmə bɛ fʉəhə fɛ, Nyii nɔʼ kɔ́ ntɛ-kəLyʉʉhə-hə imɔʼ tʉ bʉʼʉ ndə fɔkə ndə mənú ndə ɔ nɔʼ véʼ, bʉʼʉ nú.

13 Yɔ̄ŋ-yə nɔ bɛ nɔ bʉʼka bʉʼʉ bənchəŋ nɔ kə fí ntɛ muu imɔʼ kə́ bɛ LyʉʉhəNyiikə. Bə chìi bʉʼʉ ndə məbɛ mbyu mbʉə imɔʼ, kə bʉʼʉ bɛ bʉə-Juu, kə bʉʼʉ gòʼ təmə bɛ bʉə-Juu fɛ, kə bʉʼʉ bɛ fʉəhə, kə bʉʼʉ gòʼ təmə bɛ fʉəhə fɛ, Nyii nɔʼ kɔ́ ntɛ-kəLyʉʉhə-hə imɔʼ tʉ bʉʼʉ ndə fɔkə ndə mənú ndə ɔ nɔʼ véʼ, bʉʼʉ nú.

13 Bə nɔ̂ʼ gyʉ̀əhə Klai mɛ? Bə kə kwɛ̀ŋ Bɔɔ yi, bʉʼka bii mɛ? Byuunɔ, bə kə kɔ́ muu tʉ bii yie-e Bɔɔ mɛ? 14 Mɔ nɔ kɔ́ ndɔ tʉ Nyii mbɔ mɔ kə kɔ́ muu tʉ wo hə mu bii fɛ, yaʼkɛŋ Kilisɛbu ghɔŋ Gayo. 15 Bʉʼka wo mu bii mə yi ghɔ̀ŋ mbɔ bə nɔ kə kɔ́ muu tʉ bii ndə məgwè hə bɔ̌ŋ mɔ. 16 Mɔ nɔ kwɛ́nə ghɔ mbɔ mɔ nɔ kə kɔ́ muu tʉ Sitifana ghɔŋbə nchinjaa-ɛ. Mɔ bɔŋleʼ laa ibɛʼ-yə wo ndə mɔ kə kɔ́ muu tʉ ɔŋ fɛ. 17 Bʉʼka Klai kə tə́ŋ mɔ mbɔ m̈ɔ gwè kə́ kɔ́ muu fɛ, bɔŋ mbɔ m̈ɔ kə́ lɔ̀ʼ ntəŋjyujyu, kaa bə nə ŋgie-mukətʉ-súunə-bʉəməsʉʉ-bə fɛ, byuunɔ təmə tyʉntɔɔnə-Klai-kə bu bɛ́ ghʉəʼkə-i.

33 Mbəŋ-ɔŋ nə mbəŋ-ɔŋ, kə chèʼnə ɔŋ fɛ, bɔŋ wo ndə ɔ kə tə́ŋ mɔ ndə məgwè kɔ́ bə muumə-ɔ̄ŋ tʉ bʉə nɔ nə ghɔ̀ŋ tʉ mɔ mbɔ, ‘Wo ndə a bu nyíɛ mbʉ kəLyʉʉhə shíʼ gwè dùʼ ndəŋ ɔŋ káa chɔ, nɔ bɛ wo ndɔ ɔ bu kɔ́ muu ndə bɛ LyʉʉhəNyiikə tʉ bʉə.’

33 Mbəŋ-ɔŋ nə mbəŋ-ɔŋ, kə chèʼnə ɔŋ fɛ, bɔŋ wo ndə ɔ kə tə́ŋ mɔ ndə məgwè kɔ́ bə muumə-ɔ̄ŋ tʉ bʉə nɔ nə ghɔ̀ŋ tʉ mɔ mbɔ, ‘Wo ndə a bu nyíɛ mbʉ kəLyʉʉhə shíʼ gwè dùʼ ndəŋ ɔŋ káa chɔ, nɔ bɛ wo ndɔ ɔ bu kɔ́ muu ndə bɛ LyʉʉhəNyiikə tʉ bʉə.’