22 Ozani Omaku ke ya ma ni yoma: imu yoya, otunehe, omene, otuzoze, oneshi yoya, oza neshi, okwokwoshi, 23 otumene, kpo yase kwiyinu; ono yikweyi kawoza mani lo.

10 Ishini aha pyebe ko yoza, an yananoho oneshi, kayi ki ipwoma ko otuse na shoshe.

29 Ela bibi naka bose bwo okwunu kala lo, na wela ni ya tase abo ni kin, ko tase otugbagba shana gye, shini oza ni oya ka ni na yase ni ya pwo ni oneshi.

32 Abishi koni, ala yi iyikala oneshi ki gbotumene kpi iyikala, kweyi ala yepwo labi gbi iyikala, byoni Owuso rigbala bwebe ko Okristi ni.

9 Imu na wako tata. Tela koza ni wo bibi ni, yabo byoza ni wo neshi ni,

21 Alaka kyogwu obibi na kpala gwalagye lo, ala ke kpefu kpo obibi kpo neshi.

23 Awa kamo, <<Oshahata ko yojoji.>> Owokwokwoshi, oza kpiri pini ke woneshi lalo. <<Oshahata koyoza kpiri.>> Oza kpiri pini ke ya ya tahabo lalo.

33 Ala ka shashishe bita na gyala egya lo, <<Oya bibi ya pyase neshi wase bibi.>>

8 Kweyi Owuso ya gege ko dala shoza ni ala ba doka ni, kweyi ipu kishi kpiri ala ba gbojoji ni ala ba doka ni, kiyikala kpako yoko neshi kpiri.

9 Nkyi ya yimu shini anya na sho oshiye wa gyogye, ana gwagya neshi, wako teyi kyarigada, kwo ozinariya, kwe ekye, kwiyo ni gbakwekye ni lalo, 10 ake na yoko neshi, ni shoshi kpanya ni gyo Owuso ni.

14 Anu ni gekwu ikweyi kaha ni, ko ngmaha sho owe koza bibi shini an wase neshi kweyi ba showu ko yoza ni shoshi ni.

5 Mani oni, takirikwu shini oyo oneshi mi ikweyi kotuse wo; ipu koneshi wo yo ogyogye manu; 6 ipu ko ogyogye byi kwiyo manu, ipu ko kwiyo byi zotu manu, ipu ko zotu yo oshi ko Owuso manu; 7 ipu ko oshi ko Owuso wo yo otumene kawogboso Okristi manu, ipu ko otumene kawogboso Okristi, yi imu manu.

13 Anoho ya yofo owoni oya takirikwu ko yoza neshi?

15 Ase ya kwola ikwomu aheye ko ogwugwu lo. Aba hikweyi ko oka la shini onayu dananoho ipu ko ole. 16 Mamani oni, oyoyu kala na gebe kasuse, shini ana moko neshi kala shini ana shiye ka Ada kala ni yiso ni.

36 Miyinyinyi ka asuse, byoni Ada kala wine ki iyinyinyi ni.