Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Kwundu uwu Ukpo ba ekoko a zɔ: idɛnyi, ɔnyɛ , idu igbomo, idu iyi mo, ari iyeshi, e wo iyeshi, enzu o fulo idu ma wu, e yi egbo mɛzhi mbala ɛnwu iyimo. Ɛrama iyi bɔkɔ i nyi ma te lo wo apula ɛlɛ mo, i yi mo.
Kwuwongwu ɔlɛ, gba lu fya kapa la lu wo iyeshi la enzu lɛɛbi, iyi wa mbwalu Ɔzhizɔsi ba li ka le.
La lu nyama kaa iso iyira li wɔ mu kenzu yi mo. Iso iyi bɔkɔ i mbwa la enzu ma, ii shi mbo o bulɔma gba li wɔ mu kenzu yi le.
La lu zɔ esu ari iyesheshi, la lu kpo lukwu undu esu. Kyamate bɔkɔ, Ukpo a gba la ingbomo yi a kpa yi kwuwongu Okrasi awu, lunyi tete la lu gba yi lu kpa esu.
La lu pwu idɛnyi iyi enzu mu egbo ikpɛnyi. Kiya ingyi bɔkɔ akwu ingyi ira la lu towo ngyi mo, ingyeshi ba la lu kpangyi idu.
La lu nyama kaa ira li ri yi mo mo; la lu ra la iyeshi kaa lu ri ira ma le.
O zɔ tee, <<O nya nzu ma te la ki wo kiya ingyinangyina byi.>> Tegba i yi le, tetete akwu kiya ingyinangyina gba ki shoshi le mo. <<O nya nzu ma te la ki wo kiya ingyinangyina byi,>> tetete akwu kiya ingyinangyina gba kii mbwama laa onzu le mo.
Enzu lo kyoro yi mo mo. <<Imɛza irimo mbala enzu umbira i tutu onzu uweshi mo.>>
Ukpo e do te e shi yi kiya ingyi bɔkɔ lu gyi lɛɛbi kaa la lu yi kiya gyɔɔ kwuyengwunaguna akwɛyi lu wo ɛduma iyesheshi.
Mi gyi te eko tete lo se ekpayi ɔnyɛnyɛ, iyi bɔkɔ i fa mamba akwɛyi ii shi enzu o lo mbo mo, akwu inyi ishimo iyi ari iwomo mo naa egolu ilomo naa esepo iyi alu naa ekpayi iyi abwa gyɔɔ mo. Eko lakwu umba bɔkɔ oo wo ɛduma iyeshi mu idu iyi enzu, ɛlɛ gba ishoshi te lakwu iwomo iyi eko umba bɔkɔ akwu ɛmɛ umba Ukpo le.
Ɔzhizɔsi a ra la ɛnwu wu e shi te kaa la wa nzu ma mu ira lɛɛbi, kaa la ra nzu le wo enzu wa kɛrikɛri lɛnwu umba bɔkɔ o gyi iyeshi iwomo.
Kwuwo ngwɔlɛ la lu kpapyi mu ikwu idu lu fulo yi la lu kyo luzɛ undesheshi, luzɛ undesheshi la lu kyo iyitu; mu iyitu la lu kyo iyɛyi ma, mu iyɛyi ma la lu kyo idu iyimo; mu idu iyimo la lu kyo iyi iyi Ukpo; mu iyi iyi Ukpo la lu kyo igyi esu iyi imɛnɛ; mu igyi esu iyi imɛnɛ la lu kyo idɛnyi ireyi.
Akwiyi gba ŋɔ yi egbo iyi iyeshi iwomo onzu u wo ŋɔ iyira e yi mo.
Tatayi ɔ byi kambwu ɔyi o kpo ngo kiya mo. Oo shi ngo mu kana unga ɔyi kaa onzonzu la ma ɛbɛ mogba. Tegba i fa te ɛbɛ yi li lemo mba enzu le, kaa lo ma ɛduma yi iyeshi akwɛyi ɔɔ du Ete yi uwoshi ma.
La lu kwu enzu wa ma inyashi iyi enzu kyamate Ete yi tayi.