Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Akini mkaongoewa na Muye yee endaawatende muwe na ukundiso, nyemi na uivanisi, na uzizimizi, na wedi na kuwagosoea yekuwayo yedi watuhu, na kuzumiiwa na watuhu, uhuhusi na kwekindia mbui. Khahana miagiiyo idahayo kugombeka mbui izo ni fyaimi.
Tiwaho na phasi ya kumgosoea yedi kia mntu, tigosoe ivyo. Akini takundigwa kuwagosoea yedi wada wandugu wazumiiyao Klistu inga swie.
Mwesekugombeka mbui za ufyaimi, iya mgombeke mbui zifaazo za kuwaambiza watuhu kwa yada wakundayo ambao wawategeeza.
Mgosoeyane yekuwayo yedi na yenye kuoneana mbazi na kia yumwe na amuekee mweziwe inga nae Muungu ekuwaekeavyo nywie kwa sia ya Klistu.
Wakundiseni wezwenu kwa moyo ung’aao na mbade kugosoa mavigaviga iya mkagosoa yedi kisingi chose.
Wesekuvotwa na ufyaimi, akini uuvote kwa kugosoa yedi.
Wantu watuhu gatigati yenu wagombeka vintu vyose viekewa, akini khio vintu vyose vyaambiza, akini miye nagombeka etiho vintu vyose viekewa akini khio vintu vyose vyawaambiza kutintimaza uzumizi.
Mwesekwetiiwa na wantu wagombekao ivyo, kwaviya wambuya wafyaimi wabananga khachu yedi.
Muungu adaha kuwekha nywie vintu vitendesavyo kusima viya mkundavyo, ili mdahe kuwa na kia kintu mkundacho, ivyo muwe wantu wa kugosoa yedi mwe kuwaambiiza watuhu.
Viyaviya nakunda wavyee wehambe kwa kuvaa nguo za ishima na wawe na khacho ntana, waoneke vikundigwavyo na khio kwa kusuka fii zenu na kuvaa heleni za zahabu na vishaufu na nguo zitamazo vitana iya kwa kugosoa yada yamtamiayo Muungu, iya kwa ntendwa mgosoazo yawe yedi inga wakundigwavyo kugosoa wavyee wamtegeezao Muungu.
Yee Klistu kelavya mwenye kwaajii yetu ili atiohoe kulawa mwe makwasukwasu yose na kutigosoa tikundigwvyo hemeso yakwe, wantu wakundao kugosoa yedi.
Kwaajii iyo, fundana kugenyeza uzumizi wenu kwa fazii, fazii yenu kwa umanyi, mwe umanyi wenu genyeza kuikindia mioyo, na kwa kuikindia mioyo kwenu genyeza uzizimizi na kwa uzizimizi wenu genyeza kumtongea Muungu. Kumtongea Muungu kwenu kwa umbuya wa kiundugu na umbuya wenu wa kiundugu mgenyeze ukundiso.
Nindai mwenda awazuu nywinywi inga mkagosoa mbui zekuwazo zedi?
Naho wantu khawawasha taa na kuigubika na nyungu iya waiika uwanga ya kintu cha kuikia taa iyo, ili iwamuikie wantu wose weumo mwe nyumba. Viyaviya mng’ao wenu na uwamuike wantu, naho waone ntendwa zenu ntana, wamtogoe Tati yenu ekuwaye uwanga uko kwa Muungu.
Kuwani na mbazi inga Tate yenu ekuwavyo na mbazi.