Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Nambo mundu jwaatandaikwa na Mboomo jwa Annoongo abhii na Upalio, kuhachuka, kuhengwa, kuhimbalila, umbone, ntima gwa kujangatila bhangi, na kuaminika, Kuchitimalika na kuchiibhila kupangana mabohu. Gakwa malagilo gagakombola kukana hikubho heyo.
Henela, tukibha tangu na muda, twatendelange bhandu bhoha gammbone, muno kwa akaajitu bhabhahobhalela Akilisito.
Nkotokulongelanga malobhe gabohu, nambo nnongelange malobhe gammbone ga kwajangatila bhangi, kulandana na henela chibhapalanga, ili gabhajangatile bhangi bhabhanyohanikianga.
Mmangange na ntima gwammbone na gwa kukolelana kiha, kila mundu na annekelele nnyakwe handa Annoongo chibhatekunnekelelanga mwangota, kupetela Akilisito.
Mpalanange panga undendemundu goha gola. Nkanange hikubho yoayela hibohu, kila jumo ammone nnyakwe jwammbone muno.
Nkotokoonda ubohu gukupete, ila mwenga mugupete ubohu kwa kupangana gagabhii gammbone.
Twenga twangatabhikwa kupangana kila chilebhe, nambo ngabha yoa nga yammbone. Hilebhe yoa nga yammbone nambo ngabha yoa hiitendakwaajangatila bhandu.
Nkotokutembwa! Kuchikichana na bhandu akaabohu kutenda kujambukia hikubho hibohu.
Na bhandu ngajaakiha taa na kujibheka pachitombenga. Badala jabhe bhakalubheka lumuli kunani kundepela, na jenejo jikamulikila kwa bhandu bhoa mu nyuumba jela. Hela hela, lumuli lwinu lugumulikile nnoongi ja bhandu, ili bhapate kugabhona mahengo ginu gammbone, bhaalumbalile Atati bhinu jwabhii kunani kwa Annoongo."
Nkolange kiha handa atati bhinu Annoongo chibhabhile na kiha.