10 Lɛ kumɛgɔ i kado gu sno

sɛ apɛ abɔrɛ i kato ne

aisɛ akpese akɛlɛ kato,

sɔ aipia karɔ̃ ndu.

Isɛ itã sɔ ɔraɖui ɔre ɔmɔ

ɔtã kpɛ̃dze abi gu raɖese araɖea ɔɖe.

11 Ngbɔ i itɔ̃me nɛ lobɔrɛ i wũ kanya ame sɛ ise ne.

Iibakpese iba i wũ kɔrɛ ikunu,

ɣɛɛ iabara iwiri lɛ kumɛgɔ lobie

fiɛ karabara ga ɔso losese ne aaba ne ame fiɛ."

4 Bosate ɔledza Yesaya ika iɖegu sɔ:

1 Bosate Wɔ Nsiguso Siwarã sia me iso,

alasɔ Bosate ɔsɔla me nnɔĩ

sɔ loɖi itɔ̃me bielea loɣere mawɛrɛba.

Ɔsese me sɔ losa mma situ lobiɛ

sɔ lopɛ imomo lotã mafɔrɔĩ sɔ maɔtã ma isɛguso

sɔ loɣere mayorɛdze* sɔ maɔɖi ma i iyorɛ ame.

2 Sɔ lopɛ imomo sɔ Bosate kayiribielea ikɔ ɔɔɣo,

fiɛ bo Ɣaa to ɔ̃ati ma matsirise kuso.

Sɔ lopia mma ɔɖuɖu nto mamararã so kɔrɔ̃ i kayiri.

3 Sɔ lobie ara lotã mma nto mamararã so i Zion -

si lotɔmedza ma aɣɔ̃la ikɛrɛra ikoto

i ndɔ̃ kanya,

loasɔla ma nnɔĩ mɛ loatã mana isoɣɔ,

i imararãso kanya,

loatã iyiɖea arapia wa loaɖe ile

i siwarã dzɛ mpia i isoma ame kanya.

Iyɔ maakpere ma sɔ ara bɔlɔlɔa ibara siɖum,

Bosate adziri wa ɔpia

si ɔsu ɔpia so kuwarɛ.

5 "Ɣaa itɔ̃me biara nɛ ɔɣɛ ɖe ɔnukuare.

Ɔɖe akpiraifɔra ɔtã mma lobara katarikɔ̃ i ɔ̃ kɔrɛ.

6 Daasu itɔ̃me kuiwɛ̃ abua i ɔ̃ are iso.

Si iiɖe ngbɔ ne ɔto ɔ̃anyagalagu-ɔ ɔte-ɔ sɔ ladze aɖe.