1 Maturi ma lopia kɔrɔ̃ i ndamu kayirinɔ loɖe:

Abã karɔ̃ nyɔisose Nexemia, Xakalia ɔbibirɛrɛĩ.

Zedekia, 2 Seraya, Azaria, Yeremia,

3 Pasxur, Amaria, Malkiya,

4 Xatus, Sebania, Maluk,

5 Xarim, Meremot, Obadia,

6 Daniel, Gineton, Baruk,

7 Mesulam, Abiya, Miyamin,

8 Maazia, Bilgai gu Semaya.

Ma loɖe masɔrɛdze ne.

9 Ma Levise loɖe:

Azania ɔbibirɛrɛĩ Yesua, Binui wɔ lobɔrɛ i Xenadad ɔkparɛ ame gu Kadmiel,

10 ma maturi mama loɖe: Sebania,

Xodia, Kelita, Pelaya, Xanan,

11 Mika, Rexob, Xasabia,

12 Zakur, Serebia, Sebania,

13 Xodia, Bani gu Beninu.

14 Kaɖe matɔ̃ɖedze loɖe:

Paros, Paxat-Moab, Elam, Zatu, Bani

15 Buni, Azgad, Bebai,

16 Adoniya, Bigvai, Adin,

17 Ater, Xezekia, Azur,

18 Xodia, Xasum, Bezai,

19 Xarif, Anatot, Nebai,

20 Magpias, Mesulam, Xezir,

21 Mesezabel, Zadok, Yadua,

22 Pelatia, Xanan, Anaya

23 Xosea, Xanania, Xasub,

24 Xaloxes, Pilxa, Sobek,

25 Rexum, Xasabna, Maaseya,

26 Axiya, Xanan, Anan,

27 Maluk, Xarim gu Baana.

28 "Maturi tsɔra - masɔrɛdze, ma Levise, kayogodɔ̃madzuɛ̃se, akamakadze, isɔrɛyo maɖabo gu maturi ɔɖuɖu ma loɖi so ise mabɔrɛgu i nɖebi mama mɛ i karɔ̃ iso ame i Ɣaa Mmara iti, ɔbara atɔ̃menyia. Ma mare gu ma mabirɛrɛĩ i mabirɔ̃gomi ɔɖuɖu ma nsɛ mawo ara karɔ̃ ɔnɔ ana ɔwe i ne ame. 29 Mmagbe ɔɖuɖu ɔbua i ma manyii makpakpaturi, ne makã ndamu gu sigbarĩ manyi so sɔ maasɛ i Ɣaa Mmara mɛ ɔtã ɔkigu i ɔ̃ ɔɖabo Mose iso kukaakɔ. Ibua ne sɔ maamɔɛ̃ Bosate bo Ɣaa, mmaraisi, asɛra, gu asɛ̃ra ɔɖuɖu bola.

30 "Boɣɛ bosɛ sɔ boibasu bo mabibirɔ̃gomi botã nɖebi mɛ loki milɔ bo maturi sɔ mayiri fiɛ ngbɔ ame boibatã bo mabibirɛrɛĩ ɔyiri ma mabibirɔ̃gomi ana ne.

31 "Si nɖebi mɛ loki milɔ bo maturi ɔsu ma kuɣaiɖe ara ɣee ɔraɖui mabɔ ku iwarãyi ɣee iyi sekelea iso gɔ maarɔdɛ̃ ne, boibaɣa wã. Ikɔ kɔdzɛva biara ame ne, boibakpɛ̃ karɔ̃ fiɛ boasu aso ɔɖuɖu botsɛ.

32 "Boɔsu bosia so iso sɔ ikɔ biara ne, boatã sikãfudza gram ina masu mabara ara itã kasumu i bo Ɣaa iyo ame. 33 Boatã isɔrɛyo boɖoboɖo wɔ nsɛ masia i ɔpɔrɔ̃ iso, itã iyi biara geɖebu asɔrɛ gu araifɛ̃ asɔrɛ gu asɔrɛ ku Iwarã ayi, Ɔgbaleti Ɣɛtɛ asɔrɛ gu ayiɖea wa masɛ, asɔrɛ sekelea; itã ikpi asɔrɛ si masu mabara ikpikusoisɔrɛ itã Israel mabi akpi gu itã bo Ɣaa iyo karabara ɔɖuɖu.

34 "Bo masɔrɛdze, ma Levise gu maturi - ɔɔbara kareremi si botsue ɔwi wɔ i bo iyomaturi biara aasu ndɔrɛ̃ mabɔ i Bosate bo Ɣaa iyo ku ikɔ biara. Bobara kumɛɔ gɔ maasɔrɛ ara i isɔrɛkasege iso, lɛ matsɛrɛ mapia i Mmara ame.

35 "Boto bosu bosia so iso sɔ bo ɔraɖui ɖeakatɔ̃ gu bo aɖedziribi ɖeakatɔ̃ ku ikɔ biara ame ne, boasu wã bobɔ i Bosate iyo ame.

36 "Lɛ kumɛgɔ matsɛrɛ masɛ i Mmara ame ana awe ne, boasu bo abiete gu bo manantsuĩ abi ɖeakatɔ̃ gu bo masɛrɛrerɔ̃ abi ɖeakatɔ̃ gu bo kutepui abi ɖeakatɔ̃ bobɔ i bo Ɣaa iyo. Iaɖe masɔrɛdze ma nto mabara kasumu karabara i mmɔ ɔkpɛ. 37 "Ngbɔ ame boto boasu siraũ ɖeakatɔ̃, bo geɖebu asɔrɛ ɖeakatɔ̃, bo aɖedziribi igbã biara, bo wain gu bo nnɔĩ ɖeakatɔ̃ bosu bokɛlɛgu masɔrɛdze i bo Ɣaa iyo ame. Boto boatã ma Levise bo ɔraɖui ikaweova, mma nsɛ mafɔ ara ikaweova i bo simagɛ̃ ɔɖuɖu dzɛ ame bosɛ bobara karabara. 38 Si ma Levise to mafɔ ara ikaweova ne, ikote sɔ sɔrɛdze wɔ nɖe Aron ɔkparɛ aawe i ma ndɛ̃. Ma Levise aasu ara ikaweova ɔɖuɖu wa mafɔ ikaweova makɛlɛgu i arakakɔlakɔ̃ ayo ame i bo Ɣaa iyo ame. 39 Israel maturi ibua i ma Levise aasu karatã wa mato, geɖebu, wain ɣɛtɛ gu nnɔĩ makɛlɛgu i arakakɔlakɔ̃ ngbegɔ masɛ isɔrɛyo ara. Ana ne maasɛ wã i ayo wa ame i masɔrɛdze ma nto mabara kasumu karabara gu kayogodɔ̃madzuɛ̃se gu akamakadze sɛ mawe ame.

"Boibanyua bo Ɣaa iyo bosɛ."