1 Masɔrɛdze gu ma Levise ma losɛ kukpa kukpa gu Zerubabel, Sealtiel ɔbibirɛrɛĩ gu Yesua mɛrɛ̃ ngbe ne:

Seraya, Yeremia, Ezra,

2 Amaria, Maluk, Xatus,

3 Sekania, Rexum, Meremot,

4 Ido, Gineton, Abiya,

5 Miyamin, Moadia, Bilga,

6 Semaya, Yoyarib, Yedaya,

7 Salu, Amok, Xilkia gu Yedaya.

Mmagbe loɖe matɔ̃ɖedze matã masɔrɛdze gu ma manyii i Yesua ɔwi ame ne.

8 Ma Levise loɖe Yesua, Binui, Kadmiel, Serebia, Yuda gu Matania ana. Matania gu ɔ̃ manyii lonyɔ sibaipɛ akaika iso. 9 Bakbukia gu Uni gu ma manyii, ɔya i ma kanɔsɔ̃ i kasumu ame.

10 Yesua loɖe Yoyakim ɔ̃ ɔse, Yoyakim ɔɣe Eliasib, Eliasib ɔɣe Yoyada, 11 Yoyada ɔɣe Yonatan ne Yonatan ɔɣe Yadua.

12 I Yoyakim ɔwi ame ne, masɔrɛdze ma loɖe ayo makpakpa ngbe ne:

Meraya itã Seraya iyomaturi;

Xanania itã Yeremia iyomaturi;

13 Mesulam itã Ezra iyomaturi;

Yexoxanan itã Amaria iyomaturi;

14 Yonatan itã Maluk iyomaturi;

Yosef itã Sekania iyomaturi;

15 Adna itã Xarim iyomaturi;

Xelkai itã Merayot iyomaturi;

16 Zekaria itã Ido iyomaturi;

Mesulam itã Gineton iyomaturi;

17 Zikri itã Abiya iyomaturi;

Piltai itã Miniamin gu Moadia iyomaturi;

18 Samua itã Bilga iyomaturi;

Yexonatan itã Semaya iyomaturi;

19 Matenai itã Yoyarib iyomaturi;

Uzi itã Yedaya iyomaturi;

20 Kalai itã Salu iyomaturi;

Eber itã Amok iyomaturi;

21 Xasabia itã Xilkia iyomaturi;

Netanel itã Yedaya iyomaturi.

22 Matsɛrɛ ma Levise iyomaturi makpakpa ayere i Eliasib, Yoyada, Yoxanan gu Yadua ɔwi ame. Ngbɔ ame matsɛrɛ masɔrɛdze ayere masɛ i Persia igara Dario sigara ɔɖewi ne. 23 Ngbɔ ame matsɛrɛ ayomaturi makpakpa i ma Levise ɔkparɛ ndɛ̃ ayere mapia i arabafetɔ̃me siko ame isɛ iabo Yoxanan, Eliasib ɔbibirɛrɛĩ ɔwi.

24 Ma Levise matɔ̃ɖedze loɖe Xasabia, Serebia gu Kadmiel ɔbibirɛrɛĩ Yesua, gu ma manyii ma loya i ma kanɔsɔ̃ i isɔrɛyo ame. Mala maɔle Ɣaa maɔpɛ siba ana. Mawɛ̃ i ikuri ame sɛ matɔrã ku silɔ masia i mama ɔkpɛ iso lɛ kumɛgɔ i David, Ɣaameturi ɔsɛ sɔ mala maɔbara awe.

25 Matania, Bakbukia, Obadia, Mesulam, Talmon gu Akub ɔɖe kayogodɔ̃madzuɛ̃se. Ma lola maɔdzuɛ̃ ara kakɔlakɔ̃ ayo wa i kuyogodɔ̃ kɔrɛ. 26 Maturi magbe ɔbara karabara i Yoyakim wɔ loɖe Yesua ɔbibirɛrɛĩ gu Yozadak ɔwabirɛrɛĩ ɔwi ame gu i Nexemia karɔ̃ nyoisose ɔwi gu i Ezra wɔ loɖe sɔrɛdze gu ratsɛrɛdze ɔwi ame.

27 Ɔwi wɔ maasekelera Yerusalem abere ne, masɛ maakpedza ma Levise mabɔrɛgu i ma nwekɔ̃ ɔɖuɖu ame mabɔ Yerusalem, si maɖe abere isekelera iyi ku isoɣɔ, sibaipɛ aka gu kumomoi, masango gu siwɛ̃masango. 28 Akamakadze ana ne mabɔrɛgu ma i Yerusalem awo ame maba maasakanya, mawɛ̃ ana ɔbɔrɛ i ma Netofatse kumagɛĩ ame. 29 Mamama ɔbɔrɛ i Bet Gilgal gu Geba gu Azmavet awo ame, ala akamakadze ɔbara nsɛkɔ̃ matã so maki malɔ Yerusalem ɔmagɛ̃siare. 30 Gɔ i masɔrɛdze gu ma Levise ɔɔsekelera so i kubarara kanya kama ne, masekelera iturikuri gu kuyogodɔ̃ gu abere ana.

31 Lotã Yuda matɔ̃ɖedze ɔya makɛlɛ ibere kato iso. Loɣɛ akamakadze lopia akuri anyɔ wa lomɔ ame si maka sibaipɛ aka. Ika iwɛ̃ ɔki i kuɖearɔ̃ iso i ibere kato matsue iti Aku Kayogodɔ̃ kɔrɛ. 32 Mma losiai ma loɖe Xosaya gu Yuda matɔ̃ɖedze kasɛ, 33 ibua ku Azaria, Ezra gu Mesulam, 34 Yuda, Benyamin, Semaya gu Yeremia. 35 Ana ne masɔrɛdze mawɛ̃ ɔla kudadã masiai ma. Ma loɖe Zekaria, Yonatan ɔbibirɛrɛĩ, Yonatan wɔ nɖe Semaya ɔbibrɛrɛĩ, Semaya wɔ nɖe Matania ɔbibirɛrɛĩ, Matania wɔ nɖe Mikaya ɔbibirɛrɛĩ, Mikaya wɔ nɖe Zakur ɔbibirɛrɛĩ, Zakur wɔ nɖe Asaf ɔbibirɛrɛĩ. 36 Zekaria manyii loɖe - Semaya, Azarel, Milalai, Gilalai, Maai, Netanel, Yuda gu Xanani. Ma ɔbiara ɔmɔɛ̃ David Ɣaameturi kuka ara wa ɔsɛ mato. Ezra ratsɛrɛdze loɖe iturikuri ɔsɛ katɔ̃. 37 Gɔ mabo i Ibiɔ Kayogodɔ̃ ne, masɛ siĩ maya asɛtiĩ wa lokɛlɛ David Ɔmagɛ̃siare ame. Maya makɛlɛ ibere kato ne maki i David iyo kato makɛlɛ Ndu Kayogodɔ̃ kɔrɛ i ɔmagɛ̃ kuɣɛ̃kabɔrɛkɔ̃ isɛ.

38 Akamakadze ikuri nyɔare ɔki i kubena iso. Losiai ma wũ mɔmɔ gu Yuda matɔ̃ɖedze kasɛ nyɔare i ibere kato. Boki bofe Ɔkpo Adzarara kɔrɛ bokɛlɛ Ibere Bɛbɛɛbɛa kɔrɛ. 39 Ne ka boki i Efrayim Kayogodɔ̃ kato iki i Yesana Kayogodɔ̃ kato, iki i Ikpɛ Kayogodɔ̃ kato, iki i Xananel Adzarara gu Kulafa Adzarara kɔrɛ isɛ iabo ta Sɛrɛrerɔ̃ Kayogodɔ̃ kɔrɛ. Ne matuĩ i Madzuɛ̃se Kayogodɔ̃ kɔrɛ.

40 Ne Sibaipɛ akamakadze akuri anyɔ ɔɖuɖu ɔba maaya i ma nsɛkɔ̃ i Ɣaa iyo ame ne. Ngbɔ ame lobara gu makpakpa kasɛ ma nsɛgu me ana ne. 41 Ngbɔ ame i masɔrɛdze - mma ku ma kudadã i bo ikuri ame ma loɖe: Eliakim, Maaseya, Miniamin, Mikaya, Elioenai, Zekaria gu Xanania ana ɔbara ne. 42 Ana ne Maaseya, Semaya, Eleazar, Uzi, Yexoxanan, Malkiya, Elam gu Ezer ana ɔwe i ikuri ame. Akamakadze akuri ɔka aka i ma tɔ̃ɖedze Yezraxia isɔ̃ra kayirinɔ. 43 Ne masɔrɛ ara gbodzoo ku ikpɛnɛ nɛmɔ, ku kaɣiɖu ifa alasɔ Ɣaa ɔtã ma isoɣɔ gbaã. Marɔ̃go gu mabiɛtɛ ana ɔfa kaɣiɖu ku isoɣɔ. Kaɣiɖu ifa ku isoɣɔ kulu wa lowe i Yerusalem ɔre gɔ maawo ɔnɔ dzoroo.

44 Ɔwi wɔmɔ ame ne maɖi marɛrɛ̃ mawɛ̃ sɔ manyɔ ara kakɔlakɔ̃ iso, itã ara ito, ɔraɖui ɖeakatɔ̃ gu ara ikaweova. Mmagbe karabara kaɖe sɔ maafɔ ɔraɖui kasɛ ga nɖe masɔrɛdze gu ma Levise ɔkpɛ i mmara kanya i nkpɛkɔ̃ mɛ loki milɔ simagɛ̃ ame, makɔla i arakakɔlakɔ̃ ayo ame. Ala Yuda kaɖe ɔna isoɣɔ i masɔrɛdze gu ma Levise kasumu iso ɔso. 45 Mabara ma Ɣaa kasumu karabara gu isekelera karabara, lɛ kumɛgɔ i akamakadze gu kayogodɔ̃madzuɛ̃se ana sɛ mabara, i asɛra wa i David gu ɔ̃ ɔbi Solomon ɔbara masɛ kanya. 46 Ta kokowi, i David gu Asaf ɔwi ame ne, akamakadze ɔwe matɔ̃ɖedze gɔ mala maɔɖe ma katɔ̃, si mato maka ile gu sibaipɛ aka matã Ɣaa. 47 Ne ɔso i Zerubabel gu Nexemia ɔwi ame ne, Israel mabi ɔɖuɖu ɔla maɔto ara ikpɛnɛ biara ɔkpɛ maɔtã akamakadze gu kayogodɔ̃madzuɛ̃se isoinyɔ. Masɛ maɖi ara sekelea wa nɖe ma Levise ɔkpɛ masɛ ise fiɛ ma Levise ana sɛ maɖi kasɛ ga nɖe Aron ɔkparɛ ɔkpɛ masɛ ise.