Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Ela kpiri ni yo Okpa wela ko Owuso kweyi aba yoko kpanu ko fo okwokwoshi, oya gbase ni yo oza gyogye lo apwo, oya kya ase ni gbepwo ni yatu, kweyi ya fase ela ko yagye neshi, shini ase ni ya yoko ko Owuso na gye neshi kweyi pyoshu ko yoko neshi owe wonyonya.
kweyi ora bwishi ni owo oyi leke ni, ogyo Okpa ko Owuso, ni gege ko dawo oziyi ni byo go ominyo bwebe ko otuse ipu ko Okristi Oyesu. Ela kpiri ni yo Okpa wela ko Owuso kweyi aba yoko kpanu ko fo okwokwoshi, oya gbase ni yo oza gyogye lo apwo, oya kya ase ni gbepwo ni yatu, kweyi ya fase ela ko yagye neshi, shini ase ni ya yoko ko Owuso na gye neshi kweyi pyoshu ko yoko neshi owe wonyonya.
Oni shojoji ni, nyya yimu shala gye mo ashishe ipu kaha ya gege ko gwikweyi koza ni abane ipu ko Okpa ko Owuso lo. Koni oshu kinobane oyoye wa bwebe kimu kasuse lo, Omaku ko Owuso pini ke ya kpase ogwu ishini aba kyoleho ni wa bwebe ko Owuso ni la.
Takirikwu shini opyabokpa obutu ko Owuso; byino yoko ni ya yiweyi koko nu lo, ni ya fase ela kokwokwoshi gyogye ni.
ala ba gege ko tono kela, (kwi ishi gye kwo ogye lo,) ala kpuwokwunu, ala gbuwapwo kweyi tuwotugbabga byoni ala ba fuwoza kpo otumene ni.
Ome nawa, zishi wo ya kokpa ko Owuso ebe kogbayi kasuse, tono kela nu kyi fuwa.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Ela ko Owuso gbo olayi kpo oshu ko oko. Ore sho okwunu ke ewakpa pepa. Ojije ya re byo ela ko Owuso lo, Oya shoza gipu ko otu kpo omaku, ogo okpokwu kpo omu ki ipunu; ela ni ya kepwo ikweyi koza ni ase ba gbo ipu kotu kpo oza ni aba yimu ni.
Iso kpo okpagye ya shuga, ela hin ke ya shuga lo.
Oyesu ke nyagbo mo, <<Ayitota ipu kokpa ko Owuso mo: <Ozarore kin pini ya dase olayi la lo, ke wela ni yawa bwo okwunu ko Owuso ni la.>>>
Yuwa na ziyiwa dawo bwebe kokwokwoshi; ikweyi koni ela wo pi wokwokwoshi la.
Ala yiyi kwokpa neneshi, ikweyi koni ala yotuse mo oya dala olayi ko gbogbo-gbogbo. Okpa mani ke yolobene ikweyi hin la,
ela ka Adole ke yaba ko gbogbo-gbogbo.>>
Omani pini wo ono ni Oshu Neshi tono dala ni oma.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Ase ko Oberiya wawine kotu mene sha ase ko Otasalonika, ikweyi koni aba yimu ko pwela ni Obulus ya ka ni, kweyi aba gyokpa ko Owuso ishi kpiri shini anama kwe oza ni ofu ni gyogye.
Byoni owodu nu ni, Obulus ya gipu kekpa ebewa kobize eta ya kela kpawa bwipu kokpa ko Owuso. Oya gwikweyi kela bwo Okpa dawa, kweyi ya shawa mo owotiri shini Omezaya na mowe kweyi gekwu, kweyi nyiso bwi ikwu. Obulus ki ka dawa mo, <<Oyesu ni nyya kela nu dala mani, pini wo Omezaya la.>>
Ebeni Ofilibus nyinya gebe ni kweyi opwo ya kokpa kinobane Ishaya. Ofilibus doka mo, <<Ogyikweyi koza ni oya ma mani?>>
Odoka mo, <<Nyya yamoji ya gye, owoni ashe gwikweyi nu dami lo?>> Kweyi omo Ofilibus nawa yagye kpanu ipu koza obyiyo konya nu.
Ebeni oya ma ipu kokpa ni yoma:
<<Ole byo otukpo ni abyo ya ga ko ga yo shoko ni,
byoni oyi kotukpo ya yokwunu gwu ishini aba woya ni.
Ogwokwunu kojije lo.
Ebeni Ofilibus kwotu ko kela; okwotu kpagbabo kokpa noka mani, kweyi otono ko Oshu Neshi ko Oyesu danu.
Oyesu ka da awa mo, <<Ma awikyo de, kwi ikyikye ni ala totuso oza ni awobane ka ni lo! Oshu koni Omezaya na mo owe mani kpiri ime na wa gipu ko igyashi nu lalo?>> Kweyi okyogwu ko oza ni awobane ka ipu ko okpa ko Owuso ikweyi nu ni, bwo okpa ko Omusa ge ena kawo bane kpiri.
Oyesu webe wa kweyi wa kamo <<Kpiri ko oshu ki iso kpo okpagye ayi dami la. Ni olemani, ala ga ya ase kese mani kpiri na wa awo gbosun, ala ga yuwo obatisma ipu ki iye ka Ada kpa ko Oyi, kpa ko Omaku ko Owuso, kweyi ala fuwoza ni nka dala kpiri ni. Ko kwokwoshi, nyyo kpala kpiri ki ishi, go okweyi kese mani.>>
Ishini ala gebe ni, ala tono dawa kamo, <Obula kiso yo pee.>
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Ami, Oyohana, nyya pya nanoho ni pwela ko bane ko okpa mani akpaha: ase ni foje manu, Owuso ya fowe ke ebi ni aka ipu ko okpa mani manu dawa. Ase ni ngmo oje bwipu kela ko okpa kobane mani, Owuso ya ngma bwipu ko gwogwa kefu ko olayi ni aba gbingbo ni kpo Ogya ko Owuso, ni akela nu ipu ko okpa mani.
Igbashi kwun kotata koni ipu kishi gbayayi ala ba yimu ko shase ni yala ogwu bwebe ko oneshi ko Okristi ni bita, kweyi ba kyogwu kposhu neshi oye hoha. Kokwokwoshi, oshu neshi oye hoha yaba lo. Nke ka mani ikweyi koni agbawase ni ba gyalegya, kweyi ba takirikwu ko yo oshu neshi ko Okristi yi pya ni. Owoni aha kwe oyoleho oye bwi iso wa tono koshu neshi oye gogo kpo olamu ni aha ka dala ni, ona gole kola! Byoni aha kwobonu ka dala ni, nki ya ka dala anani mo: owoni ashe tono koshu neshi oye gogo kpo olamu ni ala kwobonu ze ni, ona gole kola!
Nyya yimu shala gye mo otumene ka Adole mani daha ishi ko pyo olayi, byoni oyene ka ko Obulus ta dala ni, kpo oziyi ni Owuso danu ni. Oza ni okela ikweyi wa ipu ka awokpa nu kpiri ni oma. Agba awoza shishini ni oka ipu ko okpa nu ni lono ko gyikweyi nu ni, kweyi awase ni gyoza lo ke hagye loshu ipu ko Okristi lo ni ba koye hoha, byoni aba ya kpo Okpa ka Awobane shishini ni. Mani oni abyebi wa yiyiwa re.
Oza ni ata ipu kokpa kpiri ni ata koni aba faha, shini an gbiyitagye bwebe ko zotu kpo otugbagba ni okpa daha ni.
Oke ya lemoji, ome, ni aba yiye nu ogwu ni akyogwu kpa nu lo ni? Okiya lemoji ni aba kyogwu kpase ni apwelanu lo ni? Aki ba pwo moji owoni akela ko Owuso dawa lo? Aba kela ko Owuso moji, owoni otuwoleho lo? Byoni okpa ko Owuso kani, <<Ikpo kawase ni byoshu neshi wani shoshi moji!>> kpiri ko Ase ki Izrayila pini ke zela neshi ko Okristi lalo. Koni Ishaya inobane kamo, <<Adole, anoho kyogwu kpela ka?>> Mamani otuse bwebe kela pwopwo la, kweyi ela pwopwo bwebe kela ko Okristi la,
Nyya yiweyi ko oshu neshi mani lo, ikweyi koni owoshu ko Owuso la ko ngmase kpiri ni kyogwu kpanu ni; do Oyahuda ikyikyo, ome awase ko yahuda lo. Koni ipu ko oshu neshi ayoza neshi ni bwebe ko Owuso ni gwa tese, oza neshi ni bwebe kotuse bwikyikyo gogwejeji ni. Byoni ayitota mo, <<Aseneshi ya yagye kpotuse la.>>
Aha zo Omaku kese mani lalo; aha ke nyo Omaku ni bwebe ko Owuso ni la, shini ahan gyoza kpiri ni Owuso yi daha yeye ni. Ni ole mani, Aha ba kela ni oziyi ka asuse ka ni lalo, aha ke ba koza ni Omaku ko Owuso faha ni la, aba kokwokwoshi ko Omaku dawase ni gbo Omaku ni. Ase ni gbo Omaku lo oya zoshi ni wa bwebe ko Omaku ko Owuso ni lo. Ko kwokwoshi ase mani ya gyikweyi wa lo, ikweyi koni ebe nu awela yeye la, koni ase ni yipu ko Omaku pini ya gyikweyi nu la.
Mani oni Owuso bwebe koziyi nu yo lono dase ko gyo bwebe ko ziyi wa. Abishi koni ke Owuso ngmawase ni kyogwu ni bwebe koshu ki ikyo ni aba tono nu ni, Owuso gbo otu nu ko ngmase ni kyogwu.
Ase ko Yahuda ba yimu mo ana sayi koza ki igbashi ko gyokwokwoshi kweyi ase ni ke wo Oyahuda lo ni ba tikpo ko ziyi. Ebe kaha ke, aba tono ko Okristi mo ayo poshi, oleho ni wepo labi ebe ka Ase ko Yahuda oki wikyo ebe kase ni wase ko Yahuda lo ni; ebe kawase ni Owuso ke yuwogwu ni, ka Ase ko Yahuda ka Ase no wase ko Yahuda lo ni, Okristi woshu ko Owuso kpo oziyi ko Owuso.
Okristi tumoleho ko yose Obatisima lalo. Otumoleho ko tono koshu neshi la, ke wako tono koziyi kasuse lalo, shini ikwu ko Okristi oshi naka woyeye lo.
Ala ke wa ase ni Owuso shu, ayose ko Owuso ose, agye ni gbi igyashi, awase ko Owuso, ni oshuwa shini ana ko oza ki igbashi ni Owuso ya ni, oyaha ogwu shipu kebe dibu wipu kebe yoyu ki igbashi nu.