Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Tɔ Ekwyala na Dɛɛ djas, yɛ ɛ́ Zɛɛb ɛ nadjɛ bot etsoŋ e ɛkwyal ɛ yɛ. Yɛ ɛ́ nɛ boo mɛtaŋ étɛp ɛlyo bot etsɛɛtsɛ, nɛ ɛlyaal ɛ́ mot ɛdjak ɛ lɛ, nɛ ɛbulal ɛ́ bot ɛ nasa ɛbiyo ɔ é ze, dɔɔ nɛ ɛlyaal ɛ mot tsik Zɛɛb di ekwyɛl ɛ. Ekwyala na Dɛɛ binek nakwyalaa ɛ́ etɛɛ mot-mɛsa ɛ Zɛɛb needi mot zedjala nɛ ɛsa ɛ mɛsa ɔ. Nyɛ needi mot di náá, nyɛ ɛ́ nɛ ghwyil ɛsa membi mɛ enɛm esa djas ɔ.
Kana edhɔma bɔ, wɔ nɛ gu Ekwyala na Dɛɛ. Yɛ ɛ́ nɛ ghwyil ɛdjɛ wɔ etsoŋ ee di edjɛ mot tsik tɔ ɛdum ɛ koŋ nɛ Yezu Klisto ɛ. Tɔ Ekwyala na Dɛɛ djas, yɛ ɛ́ Zɛɛb ɛ nadjɛ bot etsoŋ e ɛkwyal ɛ yɛ. Yɛ ɛ́ nɛ boo mɛtaŋ étɛp ɛlyo bot etsɛɛtsɛ, nɛ ɛlyaal ɛ́ mot ɛdjak ɛ lɛ, nɛ ɛbulal ɛ́ bot ɛ nasa ɛbiyo ɔ é ze, dɔɔ nɛ ɛlyaal ɛ mot tsik Zɛɛb di ekwyɛl ɛ. Ekwyala na Dɛɛ binek nakwyalaa ɛ́ etɛɛ mot-mɛsa ɛ Zɛɛb needi mot zedjala nɛ ɛsa ɛ mɛsa ɔ. Nyɛ needi mot di náá, nyɛ ɛ́ nɛ ghwyil ɛsa membi mɛ enɛm esa djas ɔ.
Tin, bi goka ɛ́ nɛ gu náá, mot tok nɛ ghwyil ɛgoola Mɛkpa ɛ Zɛɛb dáa lyem’ɛ kwyɛl ɛ. Ye tok nɛ sa bɛngoolel ɛ Mɛkpa ɛ Zɛɛb nalɛɛ náá, yɛ aasael, di edus nɛ ɛkwosak bɔɔ bɛmet ɛ. Yɛ ɛ́ Sisim na Dɛɛ ɛ nadi edjɛ bɛ ghwyil ɛlii etɛp binek.
Saŋa náá, wɔ di piki é mis ɛ Zɛɛb, dáa mot-mɛsa di ààbɛ nɛ sen é ɛgoola Mbɛɛ Bhaadal etsɛɛtsɛ ɛnyɔɛpe ɛ.
Wa zii tɔ ɛgoola Mɛkpa ɛ Zɛɛb, ye nakoozodi tɔ egwyem nɛghu tɔ ɛtap. Lyaka bot, dula mɛlɔ mɛ bot ɛ di esa ɛbiyo ɔ, djɛ bɛ mɛghaaz, nɛ ɛlyo bɛ tɔ ɛdil ɛ lyem.
Ɛsok nɛ mɛ nɛ kum, wa lyem tɔ ɛlaa Mɛkpa ɛ Zɛɛb é mis mɛ bot djas, djɛ bɛ mɛghaaz, lyoa bɛ.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Mɛkpa mɛ Zɛɛb ɛ́ nɛ tsik, yɛ ɛ́ nɛ ghwyil. Yɛ ɛ́ wol-wol dhaa pɛl. Mɛkpa mɛ Zɛɛb nɛ ni tɔ ɛsuk ɛ elyem, tɔ mɛtii mɛ nyel, kɛkum tɔ mɛsyel mɛ egwyes. Ye nɛ pɛ́ɛ mɛkwosak nɛ esiiza e elyem.
Gwoo nɛ bɔs ɛ́ waadum, yɛ kabɛ Mɛkpa ɛ Zɛɛb ɔɔ, yɛ aalik ɛ́ kɔm-kɔm sii nɛ kɔm.»
Yezu eezɛbɔɔza nɛ nɛ náá: «Ekwyala e Zɛɛb lɛɛ ɛ́ náá:
"Ye tok mapa nɛ emapa di esa náá, mot di nɛ tsik.
Mot tsak ɛ́ nɛ mɛkpa djas di edus tɔ nuub Zɛɛb ɛ."»
Lyaala bɛ etsɛɛtsɛ, bɛ needi bot bɔ nɛ lyem wat. Mɛkpa mɔ ɛ́ di etsɛɛtsɛ.
Bi ɛpewa lyem tɔ ɛdjek ɛ mɛkana ɛ Zɛɛb. Bi bwaal ɛ́ náá, tɔ ɛwa ɛ zii é mɛdjek mɛ bi di edjek ɛ, bi ɛ́ waabela tsik na kɔm-kɔm. Tin, guka náá, Ekwyala binek ɛ di elii nɛ ɛlɛɛ nɛ bot, mot mɛ di ɛ, nɛ mɛsa mam.
tin, mɛkpa ɛ Ghɛŋ nɛ bɔya kɔm-kɔm.»
Mɛkpa menek ɛ́ Mbɛɛ Bhaadal, yii bɛ nagoola bin ɛ.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Bɛ nabɛ ɛ́ ààbɛ nɛ embee elyem dáa bot ɛ Tesalonik. Bɛ naagwak Mɛkpa ɛ Zɛɛb nɛ mbɛɛ lyem. Mɛlu djas bɛ nadi esɛɛga étɛp ɛdjek Mɛkpa ɛ Zɛɛb nɛ ɛfyal ɛ etsɛɛtsɛ e Ekwyala ee Pɔl nadi elɛɛ ɛ.
Dáa nyɛ nabela nɛ ɛsesa sok ɛ, Pɔl eezɛtɔ́ é esaba elɛl tɔ mendjaa mɛ mendjaala mɛ eYuda, bɛ nadi elii dum nɛ Ekwyala e Zɛɛb, bɛ nɛ bot ɛ nadi tin ɔ. Nyɛ nadi elyo nɛ ɛlyaal ɛ́ bɛ náá, ye nagoka ɛ́ náá, Mɛsia zukaa, da nyɛ ɛ́ gom bis ɛsyee. Nyɛ nadi eke nɛ nɔɔ ɛ́ náá: «Yɛ ɛ́ Yezu mɛ di elii nɛ nen kɔ ɛsu ɛ lɛ’aak, nyɛy ɛ di Mɛsia.»
Tin, Filip eezɛtɔ́ kaab pɛ mot tak nadi ɛ, nyɛ kagwak ɛ́ mot’enɔk elaa mɛkana mɛ ngoolel-Mɛkpa ɛ Zɛɛb Ezayi. Filip eezɛdji nyɛ náá: «Wɔ nɛ gu sa mɛkpa mɛ wɔ di elaŋ’enek, di ekwyɛl ɛlɛɛ?» Mot’enɔk eezɛbɔɔza náá: «Mɛ aagu yɛ dáa, mot ɛ di ààlyaal mɛ ɔɔ?»
Tin, nyɛ eezɛdjóo Filip nyɛ eezɛdisi é ngwoob’ɛ kɔ mbem yaaga. Pes Ekwyala e Zɛɛb nyɛ nadi elaŋ ɛ, nabɛ ɛ́ yak:
«Nyɛ nadi ɛ́ dáa mɔn bhata di etɔ́aa nɛ nɛ kɛtsakaa ɛ,
dáa mɔɔ bhata di ààtsim sok bhwoob bot ɛ di etsik nyɛ mya ɔ.
Nyɛy nɛ nuub ndiila.
É di’enek, Filip eekan ɛlii nɛ nɛ dum nɛ pes mɛkpa mɛ Ekwyala e Zɛɛb nyɛ laŋ ɛ, nyɛ moo tin egoola nyɛ Mbɛɛ Bhaadal ɛ Yezu.
É di’enek, wɔ gwaa, Yezu zɛke nɛ nɔɔ náá: «Bi tok nɛ etsoŋ, etɛɛ náá, ɛlyel ɛ bin nɛ ɛmyaal etɛp djas ee bɛngoolel ɛ Mɛkpa ɛ Zɛɛb nalɛɛ ɛ! Ye nabɛ ɛ́ ààgoka náá, Mɛsia zuk é, da bhii tak nyɛ ɛ́ kani tɔ duma yɛ?» Bhii tak, nyɛ moo tin ekaada bɛ etɛp ee djas nalɛɛaa dum nɛ nɛ tɔ Ekwyala ɛ. Nyɛ nakan ɛ́, tɔ etsi ɛ Moiiz, zɛnɔɔ Ekwyala e bɛdhiiti bɛngoolel ɛ Mɛkpa ɛ Zɛɛb.
Yezu ɛ́ bootiila pɛ bɛ nadi ɛ, nyɛ ɛ́ booke nɛ nɔɔ náá: «Ye nabɛ ɛ́, Zɛɛb eedjɛ mɛ eghɛŋ nɛ mɛbwala mɛ djas pɛ tɔ gwoo nɛ kɔ bɔs. Deenek, tɔ́ka pɛ daa bot ɛ membyak djas di kɔ ɛko ɛ bɔs ɔ, da bi ɛ́ kɛsa náá, bɔɔ djas liigel, da bɛ ɛ́ di bɛdjekel bam. Duuka bɛ Zɛɛb nɛ din ɛ Sɛɛg, nɛ Mɔn, nɛ Sisim na Dɛɛ. Lyoka bɛ, bɛ kɛlooba nɛ esesɛɛ djas mɛ nalyaal bin ɛ. Tin, bi ɛ́ waabee náá, mena waadika lɔɔg wat mɛlu djas, kɛkum dwoo bɔs’ak aabookɛsi ɛ.»
Ze ɛ ze, gheegoolaka nɛ bot náá: "Ɛyoŋ ɛ di tɔ gwoo ɛ moo ɛ́ ɛkunaaɛpe!"
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Mam Zaŋ, mɛ lɛɛ ɛ́ tsɛɛtsɛ nɛ mot nɛ mot di egwak mɛkpa natelaa tɔ mɛkana mak ɛ náá: Mot ɛ bil dhiiti sonok ɔɔ, Zɛɛb ɛ́ waakɛl egum zekwyalaa tɔ mɛkana mak ɛ kɔ lɛ. É di’enek, mot ɛ dis dhiiti sonok tɔ mɛkpa natelaa di kwyala tɔ mɛkana mak ɔɔ, Zɛɛb ɛ́ waadis yɛ ɛkɛɛ ɛ bhum le di edjɛ tsik ɔ, dɔɔ nɛ tɔ ghaada na dɛɛ di kwyala tɔ mɛkana mak ɛ.
Mɛ ɛpedjoka nɛ dáa bi zeleelum Zɛɛb mot nazedjóo bin kɔ enɛm nɛ embɛɛ ɛ Klisto ɔ koŋ ɛ. Étɛp ɛdu dhiiti mbi mɛlyo mɛ bɛdhiiti bot di eke náá, yɛ ɛ́ Mbɛɛ Bhaadal ɔ. Deenek, ye tok nɛ dhiiti mbi Mbɛɛ Bhaadal! Yɛ ɛ́ bot ɛ di ezɛm bin, bɛ kwyɛl ɛ́ ɛswoola Mbɛɛ Bhaadal ɛ Klisto. Tin, ye nakoozodi bisɔ bɛmet, nɛghu fofop dus tɔ gwoo ɔ, mot ɛ zyɛ zɛgoola bin dhiiti Mbɛɛ Bhaadal di ààbɛ tyee wat nɛ yii bis nagoola bin ɔ, mot tak bela mbee baka! Bis eezelɛɛ yɛ, mɛ ɛpebaabasal bin yɛ nenak. Mot ɛ zɛgoola bin Mbɛɛ Bhaadal sis di ààbɛ tyee wat nɛ yii bi nazegwak ɔ, mot tak goka ɛ́ nɛ ɛbela mbee baka.
Guka náá, lyem bhwood Ghɛŋ’enaka ɛpedjɛ mena ze tsik. Tin, Pɔl mɔn-nyɛɛg’ena mena di ekwyɛl ɔ nakwyal bin mɛkana ɛ́, nɛ etsoŋ djas Zɛɛb nadjɛ nyɛy ɛ. Nyɛ nazolɛɛ ɛ́ sa wat tɔ bɛmɛkana mɛ djas nyɛ di elii tɛp’ak ɛ. Tin, yɛ ɛ́ nɛ mɛlaŋel di náá, bot àànyɔ ɛtiibal ɛ. Bot ɛ di ààgu sonok, ààtɔ́ mɛdjek ɔ, bɛ nɛ dyeebakwyɛl ɛswoola mɛsuk mɛ tak. Deenek, bɛ ɛ́ nɛ mɛfulu mɛ ɛsa yɛ nɛ edhiiti Ekwyala na dɛɛ. Tin, bɛ saab ɛ́ mɛnyel mɔɔ.
Tin, sa djas nakwyalaa tɔ mɛkana mɛ na dɛɛ na mwa ɛ, ye nabɛ ɛ́ étɛp ye neelyo mena, etɛɛ náá, yɛ ɛ́ kɔ ɛsu ɛ zii nɛ mɛghaaz mɛ Ekwyala di edjɛ mena ɛ, mena aabelaka ɛbwaalel.
Haaa bɛ aakodjóo nyɛ dáa, yɛ bɛ náá, bɛ ààpadum koŋ nɛ nɛ ɔɔ? Haaa bɛ aadum koŋ nɛ nɛ dáa, yɛ bɛ náá, bɛ ààpagwak bot elii dum nɛ nɛ ɔɔ? Haaa bɛ aagwak bot elii dum nɛ nɛ ɔ dáa, yɛ bɛ náá, ye tok nɛ bot ɛ di elii dum nɛ nɛ ɔɔ? Tin, bɛ aakogoola yɛ dáa, yɛ bɛ náá, ye tok nɛ mot lwomaa étɛp tak ɔɔ? Yɛ ɛ́ dáa Ekwyala di elɛɛ náá: «Enɛm nɛ mɛbɔ mɛ bot ɛ di egoola embɛɛ mɛbhaadal ɔ!» Tin, bot djas nabɛ ɛ́ ààlooba nɛ Mbɛɛ Bhaadal. Ngoolel-mɛkpa Ezayi naake náá: «Ghɛŋ, ɛzɛ myaal Mbɛɛ Bhaadal bis goola ɛ?» É di’enek, guka náá, ɛdum ɛ koŋ nɛ Zɛɛb dus ɛ́ tɔ ɛgwak ɛ Mbɛɛ Bhaadal nagoolaaa ɛ. Tin, Mbɛɛ Bhaadal tak ɛ́ mɛkpa ɛ Klisto.
Mɛ tok nɛ sen nɛ Mbɛɛ Bhaadal, etɛɛ náá, yɛ ɛ́ mɛbwala mɛ Zɛɛb dyeebasa étɛp ɛtsik ɛ́ bot ɛ di edum koŋ nɛ Zɛɛb ɔ. Bot ɛ nyɛ aatsik sok ɔ, yɛ aadi ɛ́ bot ɛ mbyak eYuda, bhii tak, bot ɛ di ààbɛ bot ɛ mbyak eYuda ɔ. Tin, Mbɛɛ Bhaadal lyaal ɛ́ dhatyee Zɛɛb di enɛɛg mot piki é mis mɛ ɛ. Yɛ ɛ́ kɔ ɛsu ɛdum ɛ koŋ nɛ Zɛɛb, kana mɛkɛn kɛkum pɛ ɛsik dhatyee Ekwyala di elɛɛ ɛ: «Mot di mot epiki kɔ ɛsu ɛ ɛdum ɛ koŋ nɛ Zɛɛb ɔ, nyɛ waatsak.»
É di’enek, mena nabɛ ɛ́ ààbelaka sisim bot ɛ bɔs. Tin, mena nabelaka ɛ́ Sisim di edus pɛ daa Zɛɛb ɛ, etɛɛ náá, mena neegu mɛkɛɛ mɛ Zɛɛb nazedjɛ mena yii toto ɛ. Tin, mena ààlyoka bot nɛ etsoŋ e bot ɛ bɔs, mena lyoka bot ɛ́ nɛ etsoŋ ee Sisim Zɛɛb di elyaal mena ɛ. Yɛ ɛ́ deenek ɛ́ mena di ekaada etsɛɛtsɛ e Sisim nɛ bot ɛ di nɛ Sisim tak ɔ. Tin, mot di ebun mɛtselal mɛ ɔ, nyɛ tok nɛ ghwyil ɛmyaal etsɛɛtsɛ ee Sisim Zɛɛb di elyaal ɛ. É di’enek, etsɛɛtsɛ e Sisim Zɛɛb ɛ́ pɛ daa yenɔk mot ɛ́, dhatyee mɛlyet. Nyɛ aanàbela etsoŋ ɛtiibal ɛ yɛ, etɛɛ náá, yɛ ɛ́ nɛ Sisim Zɛɛb ɛ mot di nɛ ghwyil ɛtiibal etɛp e Zɛɛb.
Tin, Zɛɛb tɔ etsoŋ bɛ, nyɛ nɛ gu náá, bot ɛ di kɔ bɔs ɔ, tok nɛ ghwyil ɛgu nyɛ nɛ etsoŋ bɔɔ bɛmet. Dum nɛ tɛp tak ɛ, Zɛɛb namyam ɛtsik ɛ bot ɛ di emyaal mɛlyo mɛ ɛsyee ɛ Klisto kɔ mɛlaaba, yii bis di egoola ɛ. Mɛlyo mɛ tak ɛ́ nɛ bɛdhiiti bot ɛ dáa mɛlyet.
Deenek, bot ɛ mbyak eYuda saŋ ɛ́ mɛvyɛkɛlɛ. Yɛ kabɛ bot ɛ mbyak eGhɛlɛk ɔɔ, bɔɔ kasaŋ ɛ́ etsoŋ. Yɛ kabɛ bisɔ ɔɔ, bis lyo bot ɛ́ ɛsyee ɛ Klisto kɔ mɛlaaba. Tin, yɛ ɛ́ nɛ bot ɛ mbyak eYuda ɛ mɛlee, ye kadi ɛ́ dáa mɛlyet pɛ daa bot ɛ membyak mɛ sis. Tin, dum nɛ bot ɛ Zɛɛb nazedjóo ɔ, ye nakoozodi bot ɛ mbyak eYuda nɛghu bot ɛ di ààbɛ bot ɛ mbyak eYuda ɔ, Klisto ɛ́ di nɛ mɛbwala nɛ etsoŋ e Zɛɛb.
Etɛɛ náá, Klisto nabɛ ɛ́ ààlwom mɛ náá, mɛ kɛduu bot Zɛɛb. Tin, nyɛ nalwom mɛ ɛ́ náá, mɛ kɛgoola Mbɛɛ Bhaadal. Deenek, sa mɛ ààgoola yɛ nɛ etsoŋ e bot ɛ bɔs, yɛ ɛpedi ɛ́ di deenek ɔɔ, ɛsyee ɛ Klisto kɔ mɛlaaba kadi ɛ́ ààbɛ nɛ mɛbwala.
Yɛ kabɛ biyo ɔɔ, bi ɛ́ bot ɛ mbyak Zɛɛb natɔ ɔ, zɛɛga bɛghaa-Zɛɛb ɛ Mɛkoozi, mbyak na dɛɛ. Deenek, bi ɛ́ mbyak Zɛɛb naazesɛ́ɛ étɛp ɛlɛɛ eboo esa ee nyɛ nasa ɛ. Tin, nyɛ nawyisal bin tɔ ghooghom ɛ́, étɛp ɛdjɛɛd ɛ́ bin pɛ gwyɛ yɛ di ɛ.