16 Ngma ijɛk Ifɛ̀ Kufumung Adakunom yet nsong Adakunom, i se yɛɛt nek itees atsak, ni igyɔng, ni nye nse, ni itees kusot kutabat, 17 nɔng ngma anet Adakunom bin sɛ ishining, na ma kana nye gyat nek kaakyɛ kuri kutomong kutek.

15 Yiring neme fi ngɔn yet nggon, i mi tsang rēn Ifɛ̀ Kufumung Adakunom kufɛ́ ajɛrɛ. Kufumung e sak i di sot tsɛngtsɛng, i da tonong irèn isheshek fi ines ni irèn inɔɔk atsak na aYeso Kristi. 16 Ngma ijɛk Ifɛ̀ Kufumung Adakunom yet nsong Adakunom, i se yɛɛt nek itees atsak, ni igyɔng, ni nye nse, ni itees kusot kutabat, 17 nɔng ngma anet Adakunom bin sɛ ishining, na ma kana nye gyat nek kaakyɛ kuri kutomong kutek.

20 Agbat icɛɛt e yet fok, i se kpaf ni i rēn yin fok, vit itak ibes ikak fi i se ni fumung ajɛrɛ fi ines ayɛt kuyiring atan e. 21 Nek itak ibes ki mang ne ayɛt kushim anet awe awo, tit banet tas kucɛɛt Adakunom ni irèn fɛ́ Kabik aJɛrɛ ka ba kɔk mo.

15 Te nyɛk nɔng i da bin sɛ ishan nanu shon Adakunom, tɛ anet itomong fɛ́ da a fok nsum kutomong wu awo, na tees Ifɛ̀ atsak kpaf.

2 Te nyɛk ni ishara Ifɛ̀ Adakunom, kɛ na kawat a, ke vit kawat ayi. Ka ba tonong iburuk bá, ka ba gyɔng, ka ba tabak ayɛt kuhwyɛ, ni itees.

13 Ni tsin di tot kubɛ́ hom, nabak ice ngɔn ni ifaa banet kufumung ajɛrɛ, ni ishara ifɛ̀ itek ni itees banet.

12 Nek ifɛ̀ Adakunom yet itsɛt, i bɛ̀ agap ira kutomong. Iwaat kaakyi itsot afak afaa votot. I gosok sak ayɛt irɔm anet, ni kabasa iyɛ na kabik, ngma ni nkap na asisɔrɔng. I tsɛk ishɔt kuyiring ni nggɔn anet.

35 Kazanɛn nɛ kazatse bi gang, awɛt ifɛ̀ hom bi gang awo.

4 AYeso ku bun ni ifɛ̀ yɛ, <<I se ni ijɛk ni ifumung Adakunom yɛ,

<Na nayak na kyɛk

fɛ́ anet di sɛs kutset awo,

tit ni ifɛ̀ fi ines

narɔ Adakunom de.> >>

17 Ka ba te cɛ́l, nɔng ba bin sot bafɔɔn ne atsak e. Nek ifɛ̀ ngɔn de iyet atsak e.

39 Iyɔng i nye yin nyɛk ifá yin* Afumung Adakunom nek iyiring yin fok, i da sɛ yin kutset vit igang ayɛt na. Afumung Adakunom e yɔng cɛɛt naton hom,

25 awɛt ifɛ̀ Adakunom

da nak ayɛ nɛ ayɛ.>>

Ifɛ̀ me deng, fɛ́ ba kin ki shara yin e.

11 Banet iwɔp aBeriya bi nggɔn ntek aza bafɛ́ aTesaloni. Iba shan ifɛ̀ me ni ngash iyɛ makiyi, ba woso itsɛɛm kufumung Adakunom kaakyi izen, nɔng ba di ki di ke ikyɛng e se anɔng e.

2 Ti nggɔn aBulus di se, a tse a nɔ narɔ ba ite kataat atuk aSabat, a te nhwyɛ ni iba naton ifɛ̀ Adakunom, 3 na ka ba tonoso, ne nye fok i se gbing-gbing Anet-Isheshek me na a sɔ mgbang, na te na dorok ni iku. A fɛ̀ ni iba, <<AYeso me yong fi in tsin di shara naton e, iwu wu a yet Anet-Isheshek me.>>

30 Wat aFilibus rumung i tsi sak narɔ kubut-atak itsees ni itsaap e, a tse a fok a se ni ifa kufumung atan aIshaya. AFilibus ku rip ye, <<Ngɔn yɔng i rēn ikyɛng fi i tsin fa me yɛ?>>

31 Agbat anet e fɛ̀ ni wu, <<In da tsa anɛ fi in da rēn ɛ? In fɛ̀ kɛ ma akak di tees mo awɛ?>> Wat a fɛ̀ na aFilibus na ngarak, na a sonong gung ni iwu.

32 Amaring e kin se ni ifa karɔ ka,

<<Ba kin ku ta ashon ti kitsamang

fɛ́ ba tse ba tsɛɛt,

a di wey yuu tɛ katuruk

ni bɔk anet ikot akwyi ka

a sot yuu anɔng,

vit itarak kanu.

35 Wat aFilibus sok nkum kufumung kuyɔng e, a di kpa ku shara mo ifɛ̀ itek naton aYeso.

18 Wat aYeso bang serek bakat ni iba, a fɛ̀ ni iba, <<Ba mi di nɔk ngma ice azanɛn nɛ kazatse. 19 Nek anɔng, tseng yin, tsi tsɛt yin bafi imɛɛs ayɛt ícɛ́n azatse ngma kusum, ka ba ras yin abatisma ayɛt iyerek Ada, nɛ Arim e, nɛ Kabik aJɛrɛ, 20 ka ba tees yin na ba nye ngma ikyɛng fi in ki tak yin. Rēn yin fok, imi se gung ni iyin kaakyi izen, sak igang azatse.>>

7 Izen fi i tse yin, shara yin ifɛ̀ deng: <Igwɔm azanɛn mi bɛ́ bakat.>

18 In tsin kɔrɔk ngma ayɔng fɛ́ a foos kucɛɛt Adakunom fi i se ni kufumung kang ato: Ngma ayɔng fɛ́ a di barang ikikak ni na, Adakunom da ku barang izot fɛ́ ba jɛk ni kufumung kang. 19 Ngma ayɔng fɛ́ a kyɛk ikikak ni kufumung ifɛ́ Adakunom kang, Adakunom da shan kanu kafuu ne kakon fɛ́ ka nesek kutset, ni nfi kuwɔp ajɛrɛ, fi ba tonong ni kufumung kang.

6 A di te yɔɔt makiyi, fi i mi wat itirik yin ayɔng fɛ́ a ki yes yin nek itek fi ines na Anet-Isheshek, ni tirik yin sak ni ifɛ̀ ikak iduk e, 7 idɔng fi da iyet ifɛ̀ itek awo. I se wɛshɛk fok banet bakak tsin ki boroso yin na ba shim ba ki tes natse ni ifɛ̀ itek ifɛ́ Anet-Isheshek. 8 Awɛt in shim in fɛ̀, ke iyit kɛ na ayɛt atomaza ayi fɛ́ a ne azanɛn, a bɛ́ a ki shara yin ifɛ̀ itek ikak zɛɛt ni idɔng fi iyit man ki shara yin ne, won itsɛɛt ishɔt iku ifi ayɛ na ayɛ ni i ku ya! 9 Kyɔn ti fi in mi di fɛ̀ yit, won in tin bang fɛ̀ ane: kɛ akak tsin tɛ ki shara yin Ifɛ̀ ikak zɛɛt ni idɔng fi i mi shan yin, won itsɛɛt ishɔt iku ifi ayɛ na ayɛ ni i ku ya!

15 Rēn yin fok, akabɔk aTisa yet kawat isheshek, kyɔn tɛ icɛk iyɛ yit aBulus ayɛt kutsitsɛng fɛ́ Adakunom ku nɔk, a kin ki jɛk yin ne. 16 A kin jɛk kpaf anɔng ayɛt afumung wu, azaton nkyɔrɔk e nang. Afumung wu bi nkyɔrɔk in kak fi in bi mgbang irēn, nkyɔrɔk nang fɛ́ bafi vit irēn nɛ ba buk-buk nabik, mi shesheng ace icɛɛt e kpaf tɛ fɛ́ ba mi nye ne afumung ajɛrɛ akak, ba di kɔk ice bá kawɛy.

4 Nek ngma nkyɔrɔk yɔng fɛ́ ba man jɛk neme, ba kin jɛk ina nek ba ki tees yit mo, nɔng in di bin sot yit na anyɛk ni isot gbagba fi i ki nesek yit ite iyɛ.

14 Na anɛ fɛ́ ba da yes ayɔng fɛ́ da ba di nɔɔk atsak ni wu awɛ? Na anɛ fɛ́ ba di ki nɔɔk atsak na ayɔng fɛ́ ba man fok ikyi ikak naton wu awɛ? Na anɛ fɛ́ ba da fok dang akak na ka ba shara ifɛ̀ me yɛ? 15 Na anɛ fɛ́ ba da shara ifɛ̀ me ke da ba tom akak ni ba awɛ? Ti i di se ni ijɛk, <<Di yin fɛ́ atak bafi ishara ifɛ̀ itek di sas makiyi!>>

16 Awɛt i ni se fok da ngma bafi aIsrela ba, ba nɔɔk atsak ni ifɛ̀ itek e me awo. Nek aIshaya jɛk fok, <<ATisa, angan nɔɔk atsak ni itom yit ɛ?>> 17 Nek anɔng, inɔɔk atsak nes nek ifoos itom e, ba foos itom e ni irèn ishara ifɛ̀ Anet-Isheshek.

16 Nek imi fok nsum ishara ifɛ̀ itek awo, nek ide yet kukyem Adakunom fi ku nesek isheshek sak na kaangan fɛ́ a nɔɔk atsak, ba tun tumung ne baYahuda ni Ícɛn-iduk di kuus. 17 Nek ayɛt de fɛ́ ba di tonoso kusot kutabat fi ku nes na Adakunom, nek ba sɛs kusot kutabat e ni irèn inɔɔk atsak, nkum itumung e sak ni igang e, kyɔn ti i se ni ijɛk, <<Anet kusot kutabat, da sɛ kutset nek inɔɔk atsak wu.>>

12 Iyit shan yit kabik azatse awo, tit Kabik fɛ́ a ne na Adakunom, nɔng in di ki rēn yit ikyɛng fɛ́ Adakunom nɔɔk ni mbɔk washak. 13 Ikyɛng deng fi in di cɛɛt yit naton e, da ni ncɛɛt fɛ́ banet ki tees yit awo tit ncɛɛt fɛ́ Kabik ki tees yit, in cɛɛt yit atsak abik sak na bayɔng fɛ́ ba se na abik. 14 Anet fɛ́ a se vit Kabik, a shashang nkyɔrɔk fi in nes na Kabik Adakunom awo, nek in yet nkyɔrɔk abap ni wu, ama anɔng, da a kyɛm a rēn ina awo, nek a yɛrɛ ina na ayisi abik.

21 Nek ayɛt kutsitsɛng Adakunom, a di fok da kazatse da kyem ka ku rēn ni ikyɛng fɛ́ ka yes kutsitsɛng awo, nek anɔng, Adakunom ayɛt ite iyɛ wu, a sheshek ngma bayɔng fɛ́ ba nɔɔk atsak, ngma ni kucɛɛt fɛ́ ba nye fok, <<Ishara ifɛ̀ me yet kucɛɛt abap.>>

22 BaYahuda tsɛsɛk ntomong abes, nɛ BaGirik tsɛsɛk kutsitsɛng, 23 awɛt iyit, shara yit ifɛ̀ itekak Anet-Isheshek ni kum; ifɛ́ fi i yet ikyɛng itu atak na baYahuda, i yet kucɛɛt abap na BaGirik, i yet agap ni kutsitsɛng Anet-Isheshek. 24 Awɛt bayɔng fɛ́ Adakunom mi ka ba yes, kɛ na ba yet baYahuda, kɛ bafɛ́ BaGirik ayi, ifɛ̀ me yet Anet-Isheshek, iwu wu a yet ízɔk ni kutsitsɛng Adakunom.

17 Nek da Anet-Isheshek di tom ni imɛsɛng nek iras abatisma kyɛk awo, igbat e yet ni ishara ifɛ̀ itek, da ni kutsitsɛng banet awe awo, kɔng itekak Anet-Isheshek bi sot vit agap.

9 Awɛt iyin yet yin banet fɛ́ ba mi kasa, bafɛ́ ari baware, banet ajɛrɛ, banet fɛ́ ba yet bafɛ́ Adakunom, nɔng i da taas yin itere ayɔng fɛ́ a ki tun yin ni nhwyi sak ni mgbey abes.