16 Maandiko Mapeleteu goti gaandikilwe kwa ulongosi wa Nnu’ngu' na gapwaika kwo yi’gana ukakape, kwi’li’ka no goloya mayi’gano, no longoya bandu batame mumaisa ga aki. 17 Maandiko gano gaapanga bandu ba Nnu’ngu' baibi’ke wiso no timya kwo panga manogau goti.

15 Bu’ka kuunangu’ta, ugatangite Maandiko Mapeleteu. Ago gakupanga utange panga ukosopoli upatikana kwa kumwu’bi’lya Kilisitu Yesu. 16 Maandiko Mapeleteu goti gaandikilwe kwa ulongosi wa Nnu’ngu' na gapwaika kwo yi’gana ukakape, kwi’li’ka no goloya mayi’gano, no longoya bandu batame mumaisa ga aki. 17 Maandiko gano gaapanga bandu ba Nnu’ngu' baibi’ke wiso no timya kwo panga manogau goti.

20 Lakini bu’ka pa ago goti muku’mbu’ki panga ntu’pu' ulondoli wa Maandiko Mapeleteu wa kwapanga alondoli baawanikiye bu’kana na mwabawasa bene. 21 Mwanjaa ntu’pu' liyi’gi’yo lya kilondoli lyalibu’kana na mwapala mundu. Ila bandu babalondwa balongoyelwa na Loo Mpeleteu.

15 Ukasane li’nga wilaye panga uyi’ki’tilwe na Nnu’ngu' kati mpangakasi ywangali kwibona oni, ywayi’gana kwa ukakape liyi’gi’yo lya Nnu’ngu'.

2 Uale liyi’gi’yo lya Nnu’ngu'. Utame wiso munsimu waupwaika na wangali pwaika. Ukalipi, ukwi’li’ke na wakangamaye bandu. Upange nyo ku’no kauyi’gana kwa ukomeyi woti.

13 Paunili’nda mpaka isa kwangu', witoleye kwasomya bandu Maandiko Mapeleteu ku’no kawakangamaya myoyo na kwayi’gana.

12 Liyi’gi’yo lya Nnu’ngu' lyu’mi na libile na makakala. Bwu’gi wake upi’ta lipanga lyalitema ku’no na ku’no. Lipuwana kabisa mpaka paukwembana mwoyo na loo, na paikwembana ili’mbi’li’mbi' ya yi’ga na mauta ga mukyupa. Liyi’gi’yo lyo, lyendapekeseni no tanga mawaso na mabinio ga myoyo ya bandu.

35 Kunani na dunia kwaalu’a pi’ta, lakini mayi’gi’yo gangu' katu gaalu’a pi’tali.

4 Yesu ngannyangwa, "Iandikilwe nyinyo,

‘Mundu akombwali lama kwa likati bai,

ila kwa kila liyi’gi’yo lyaliuma munkano wa Nnu’ngu'.’"

17 Mwabi’ke wiso kwa ukakape, liyi’gi’yo linu nga kakape.

39 Mwenga mupekeseni Maandiko Mapeleteu mukitage nkati yake mulu’a pata ukoto wangayomoka, kumbe Maandiko gogogo nga gaganikong’ondelya nenga.

25 Lakini liyi’gi’yo lya Nnu’ngu' likonda milele."

Liyi’gi’yo lyo nga ayo Abali Inannoga yamualilwe.

11 Bandu ba kwo baai kinannyu’wa muno kuliko balu' ba Tesalonike. Baatigapokya galu' mayi’gi’yo kwa kilu’lu' muno, ngabapekeseni Maandiko Mapeleteu kila lisu’ba li’nga lola kati galu' gaalongei Pauli na Sila gaai ga kakape.

2 Pauli aatiyingya kati mwagaabile mayobelya gake, aalongei nabo ntawalia kwa masu’ba goti gatatu ga Sabato ya Ayahudi katumya Maandiko Mapeleteu. 3 Aatikwaawanikia panga Kilisitu yaapalikwe abe mungu’su’mbu' no yu’ka bu’ka kwa awi’li. Ngaabakia, "Yesu ywanimwala kasinu nga Kilisitu."

30 Pilipi ngaubutukya wu’lu' mmutuka, ngannyu’wa yu’lu' mundu kasoma kitabu sa Nnondoli ywa Nnu’ngu' Isaya. Pilipi ngannaluya, "Ugatangite buli ago gausoma?"

31 Yu’lu' nng’wambende ngabaya, "Nilu’atangabuli pangali mundu kuniawanikia?" Bu’kapo ngankoka Pilipi li’nga au’bu’ke no tama pamope nakwe. 32 Na kipungu sa Maandiko Mapeleteu sasomage nga si’no,

"Apelekilwe kati ngondolo ywayenda sinjilwa,

kati mwana ngondolo mwatama liki nnu’ngi' yake ywembe ywakata manyoya. Kwa nyo ayu’gwili nkano wake.

35 Bai, Pilipi ngatumbwa tumya pandu papalu’palu' pa Maandiko Mapeleteu, na kumwawanikia Abali Inannoga ya Yesu.

25 Kuundi’la Yesu ngaabakia, "Mboni mwalogeloge nyo, na myoyo yinu ndopau kwo kotoka kugau’bi’lya goti gagalongelilwe na alondoli ba Nnu’ngu'? 26 Buli, yali’nganili Kilisitu ateselwe, li’nga ayingi muutukupu wake?" 27 Ngaawanikia mayi’gi’yo gake goti ga mu Maandiko Mapeleteu tumbulya Musa mpaka alondoli ba Nnu’ngu' boti.

18 Yesu ngaisa papipi nabo, na kwabakia, "Nipeyilwe utawala woti wa kunani na padunia. 19 Bai, mwayendeli bandu boti li’nga bapate panga banamasi' bangu', na kwabatisa kwa lina lya Tati', na Mwana na Loo Mpeleteu, 20 mwayi’gane kugayu’wa makowe goti ganinnagile mwenga. Na mutange panga nenga nibile pamope na mwenga masu’ba goti, ata kuundi’la ya dunia."

7 Pamwaalu’a yenda, mwaali bandu kamubaya, ‘Ukulungwa wa Kunani wegelile.’

18 Ninkwi’li’ka kila mundu ywayu’wa mayi’gi’yo ga ulondoli wa kitabu si', mundu ywoywoti mana ayongiye sosoti mumakowe ga, Nnu’ngu' aalu’a kunnyongeya malanganyiko gagabayilwe mukitabu si'. 19 Na mundu ywoywoti mana apu’ngwiye sosoti mumayi’gi’yo ga ulondoli wa mukitabu si', Nnu’ngu' aalu’a kumpokonywa aki yake yo lya itunda ya nkongo wa ukoti na aki yake yo tama mumuyi mpeleteu yaibayilwe mukitabu si'.

6 Nisangala panga, muyu’ngwiye kunneka Nnu’ngu' ywembe ywaankemite kwa ngu’ngu' ya Kilisitu, na mutumbwa bi’ngi’ya mayi’gano gi’mbi’ke. 7 Kakape panga ntu’pu' Abali yi’ngi' Inannoga, lakini kubile na bandu babannyelenganiya no pala kwialabiya Injili ya Kilisitu. 8 Lakini ata ikatei twenga au malaika ywabu’ka kunani mana aalike Injili yi’ngi' mbali' na yi’lu' yatumwalile twenga, bai mundu ywo apate lasi milele! 9 Kati mu’lu' mwatwayomwike baya patumbu, na nambi’yambi' nendabaya kai', manaitei mundu ywoywoti alu’a kumwalya Injili yi’ngi' yangali landana na yi’lu' yamwaipokile, mundu ywo aapata lasi bu’ka kwa Nnu’ngu'.

15 Mutange panga Bwana witu aakomeya bandu li’nga bapate lipala lyo kosopolelwa, kati mwaamwandikile mpendwa witu Pauli, kwa ikima yaapeyilwe na Nnu’ngu'. 16 Mubalua yake yoti aalongeli makowe go, gabile makowe gambone na gaganonwipe kugatanga. Makowe go bandu alalo na bangali komala muimani, bendagaobeya, kati mu’lu' mwabagaobeya Maandiko Mapeleteu gi’ngi'. Kwa nyo baipalya bene kitumbu so langamiswa.

4 Kwa mwanjaa kila kili’be sasaandikilwe kwai’mbu' mu Maandiko Mapeleteu, saandikilwe kwa kitumbu sa kutuyi’gana twenga. Maandiko go gatuyangatia komeya tabu yitu na gatukamwamboko, li’nga tube na liu’bi’lyo.

14 Bai, balu’a kunkema buli yu’lu' ywabakotwike kumwu’bi’lya? Kai' balu’a kumwu’bi’lya buli manaitei banaiyu’wali abali yake? Na balu’a kwiyu’wa buli abali yake manaitei ntu’pu' ywa kwaalya? 15 Na balu’a ala buli mana banatumilwali? Kati mwagabaya Maandiko Mapeleteu, "Lola, mwagagolwike magu’lu' gabe balu' babaala Abali Inannoga." 16 Lakini bandu botili babapoki Abali yo Inannoga. Na aso nga kitumbu sa Isaya baya panga, "Bwana, nyai ywagau’bi’li galu' gatwaawanikiye?" 17 Kwa nyo imani ipatikana kwo yu’wa Abali Inannoga. Na bandu baiyu’wa Abali Inannoga pansimu waala mundu bu’kana na Kilisitu.

16 Nenga niibonali oni kwiala Abali Inannoga ya Yesu Kilisitu, kwa mwanjaa nga makakala ga Nnu’ngu' gagaakosopolya bandu kwa kila ywau’bi’lya, tumbulya kwa Ayahudi na kwa bangali Ayahudi. 17 Kwa mwanjaa, Abali Inannoga ilaya mu’lu' Nnu’ngu' mwaabalangilya aki bandu nnu’ngi' yake. Likowe lyo liwesekanali ila kwa ndi’la ya imani bai. Kati mu’lu' mwaiandikilwe mu Maandiko Mapeleteu gagabaya panga, "Mwene aki aalama kwa ndi’la ya imani."

12 Kwa nyo, twenga tupokili loo wa padunia, ila tupoki Loo ywabu’ka kwa Nnu’ngu' li’nga tupate kugatanga galu' gatuyali Nnu’ngu'.

13 Bai, twenga tulongelali kwa mayi’gi’yo gatuyi’ganilwe kwa ikima ya kimundu, ila gatuyi’ganilwe na Loo mpeleteu. Tugalongela mayi’gi’yo ga kiloo kwa bandu bababile na aywo Loo. 14 Mundu ywa dunia apokyali makowe ga Loo wa Nnu’ngu' kwa mwanjaa kwake ywembe makowe go ga kilalo bai. Malango gake gawesali kwipwa makowe go, ila gawesa kwipulwa kwo yangatiyilwa na Loo bai.

21 Nnu’ngu' muikima yake, aabini kwakosopolya balu' babau’bi’lya kwa ndi’la ya maalo gatuala, gagabonekana kwabe panga ga kilogeloge. Aapangite nyalu' kwa mwanjaa kwa ndi’la ya ikima ya kimundu, bandu baakombwili kuntanga Nnu’ngu'.

22 Ayahudi bapala mwasu li’nga bau’bi’li, na Ayunani bapala ikima. 23 Lakini twenga tuala abali ya Kilisitu ywabambilwe munsalaba, likowe li' kwa Ayahudi kiku’balo na kwa Ayunani ibonekana ulalo. 24 Lakini kwa balu' babakemilwe na Nnu’ngu', babe Ayahudi au Ayunani, Kilisitu nga makakala ga Nnu’ngu' na kai' nga ikima ya Nnu’ngu'.

17 Kwa mwanjaa, Kilisitu aanitumikeli li’nga nibatise, ila niale Abali Inannoga, kai' niale pangali u’bi’lya ikima ya bandu, li’nga kiwo sa Kilisitu munsalaba sakane obeya makakala gake.

9 Lakini mwenga mwabandu mwamusaulilwe na Nnu’ngu' na upi’ndo nku’lu' wa dini ya kikulungwa. Mwenga mwa taipwa lyalipeletike na mwabandu baa kisake mwamubaulilwe na Nnu’ngu'. Musaulilwe li’nga mwiale iyendo ngu’lu' ya yu’lu' ywankemite bu’ka kulubi’ndu' na kunnyingiya ku bweya wake wa ayabu.