Bíblia

16 Kesanglaisiu pelane Tinggwang ne ngngi gaibeu, nah cide keledeu ziemne, mide kehesiu ziemne, mide tei kemzui ziemne, nah mide kecung pwa tei masanglu kera ziemne pe keyi bam, 17 iciu eh Tinggwang gwatei kelabe de peu yicanglu eh bata keyi leune teilu kerane.

15 nah n henane gade nang kesanglaisiu ci luda, cide ne Khrista Jisu da kebam kenlumde gade kelikelu ngaulu kera maci ncu peu lubui. 16 Kesanglaisiu pelane Tinggwang ne ngngi gaibeu, nah cide keledeu ziemne, mide kehesiu ziemne, mide tei kemzui ziemne, nah mide kecung pwa tei masanglu kera ziemne pe keyi bam, 17 iciu eh Tinggwang gwatei kelabe de peu yicanglu eh bata keyi leune teilu kerane.

20 Ma pelane reude, migede pekatei kesanglaisiu ga caihakecisam mina suibe gade gwang eh ranggai kelak nnui cilu maisia. 21 Kedanemene madaude caihakecisam mina lungning gade gwang ma, dede Tinggwang dade Kemci Rabe ne mina lung teigai beu la.

15 Tinggwang de peu ncu yilie lu kerane n laikai tei lulo, kesangsam teu ledeu siakte eh heta teikelame ge ngngamdi kerabe ma.

2 Samliakeyi de ledeulu; peting daude nah peting kemak daude mteilu; helungtie eh mi mau ranglia, kesiu, nah kecung eh ledeulu.

13 Ih gwang kemaktane nang kesanglaisiu pei pwa mide lia kecu, mide kecung nah keledeu gage n ting nggwang bamlu.

12 Kedanemene Tinggwang sam au kering nah kengkieng bam nah kiengtie pemui lule ailam ketei swade yiki. Cide kuipwa teu lampak dila keringria nah rabe de, miking nah misiedung de, nah mikecet nah milung ga cet kebam ci lula.✝

35 Tinggim nah kideu gah dizie, dede a samdung au madaude gah dilak.

4 Dede Jisu pecu keligai eh rangdi, "Kesanglaisiu ga ainzwa rauteula, ‘Mina tangku rünne tyei eh lungh gailak, dede Tinggwang mui gade kepet sam leune gade zie.’"✝

10 RAMPAUBE rangzeu, Israel, "Tingrui nah buising tinggim gade hung kela nzwa

nah penui hangdeu ga jok di kemakne cika cailigwang lama

nah lungh keyi peula nah pwakcuh nah hetaketame de petsi leuh nah ketyeime de taktyeipok peula,*

11 cine a mui gade kepet a sam liede cinzwa zie, cide a da mta mrwa eh cailigwang lak,

dede cide Ih langkegai mariem de teicang luzie.

17 Kesang gade penuide tei mcilu. N sam au kesang.

39 Nnui kesanglaisiudung peei la kedanemene nnui cidung gade kelungta kering ngaulu lalie kecu cet la, nah kesanglaisiudung aidungde ne a zierang teila,

25 dede Rampaube sam au kelungta bamla."✝

Sam aide samliakeyi nnui dage pwa kepeude da.

9 Daiznwa rehangme ge pe teilung teimci pwabam lulai?

N samdung kemzai gade zie.

160 N sam pelane au kesang;

n tutiak kemzuidung leune au kelungta bamla.

SHIN

11 Berea ga minadung Thessalonica ga kebammedung swa penui lung mzuiki, kedanemene penui samliakeyi de penui lung pelane teu eh luulu nah tingnai ramsangne cipau samdungde kesang mi mebi kecu pie kerane kesanglaisiu pei mting bamdi.

2 Paul pe zai kecu nzwa cika lütlwe Sabbath kecum ge kesanglaisiu gade penuide ngngwa mpau. 3 Pa kesanglaisiu letlwe Khrista keherei nah ketsai gade ringcuhdai mai kesia ranglia mci gai. Pa rangdi, "Jisu Ih nnui dage pe ha paulia kebam aipaude Khrista da."

30 Cine Philip peda pakmie, nah pa Isaiah caihakecisam peibam eh siulwe keteu, "Nang pei kebam de nang ci kesang bam deni?" 31 Pa keligai, "Dainzwa Ih cide ci lulai, mige acu sauliabeu mecai?" Cine pa Philip de pe taiga nghang bagi ga bam kera qu. 32 Cu Ethopiame pei kebam kesanglaisiu samria de ainzwa,

"Pecu meurün gede daptset zielie ngngwa kegwang nzwa teuswa gwang,

nah meurünna ge pemai kebitbe dwade mlei la kemak nzwa,

cine pa pe mui ngkei ma.*

35 Cine Philip pemui ngkeilwe kesanglaisiu gade ndeu eh pa pe dage Jisu samliakeyi ha zierang teigai.

10 Kedanemene Ezra RAMPAUBE hezai kai kebeude peei kera ntip bam, nah cide teilu kera, nah Israel ga zaisiedung nah hezaidung ge ledeu kera.

25 Ge pa penaide keteudi, "Nnai dai miemie no, nah caihakecime ma pelane rangkebeudung de daikenzwage de nlum pa dino! 26 Khrista ma aidung de ziemne keherei maisia meni, delwe pe kendu ga lütlu kera?" 27 Pecai pa Moses gade gwang caihakecime peciakne, pe ha raupwa keladungde penai dage ranglia Kesanglaisiu pelane gade.

18 Jisu gwang eh penui dage ranggai, "Tinggim nah kideu reu kengkieng pelane acu peu dida. 19 Ciziemne mie delwe heleuh leune de peu a caisuime tei lulo. Peibe, Nabe, nah kemci Rabe zi gade penuide duipum teibeu lu. 20 Nah Ih nnui dage rang kebeudung leune mzai lulo ledeu beu lulo. Ainie, Ih au nnuida lamui zie, tingkideu kegah benai kecang de."

7 Nah nnui kemie dau, ‘Tinggim hegwangram gwang nna ladi delie,’ de ledeu eh ranglo.

8 RAMPAUBE sam peda, ainzwa rang gwang,

Tangrim Gwakelüt ge

1 Aide RAMPAUBE sam, Pethuel napei Caihakecibe Joel da kegwangbe.

19 RAMPAUBE sam Jeremiah da ainzwa rang gwang,

Jacob de Hung, Esau de Nseu

1 Sam aide RAMPAUBE Israelme dage rang beulo caihakecibe Malachi dage kaibeu*.

8 RAMPAUBE sam Zechariah da gwang eh ranggai,

4 Pecai RAMPAUBE sam Isaiah da gwang eh ranggai,

Tinggwang Suiyi Mmi

1 Caihakecibe Isaiah rangla, "RAMPAUBE Tinggwang Rabe a da bam, kedanemene RAMPAUBE ne acu keniaklu

keherei kebamme dage sam keyi ranglia kerane. Pelung ceu kelame de teingkei beu kerane pa acu langgai,

hebaangme dage lungkempet ranglia kera, nah hebaangme kangpwa kebamme de ngkei beu kera.*

2 RAMPAUBE pesuiyi kela tingkum de ranglia kera pa acu langgai,

anui Tinggwang hekum peei kera tingba,

nah hap kela leune lung taumla kera.*

3 Pa acu langgai, Zion ga hap kebamme de peu kerane, penuide mimüt mene peuzui ge peu kerane,

kehap mene suiyi ca, keregui kegah rabe be mene hetwa cwatie be,

penuide mhu masangbe qulu kerane, RAMPAUBE ling kebam de, peu pecu twa zie.*

5 Tinggwang sam leune kedei pie dida;

pe dage nsiu kegai leune de pa au gum beula.

6 Tinggwang samdung gage kai si so,

mecai pa ncu ledeu gai zie,

nah nang kenretme gelie kecu keu lia zie.*

18 Ih caihakeci samdung kesiume leune dage zierang tei gaila: Keheibe de aidung gage kaisi cai, laisiukwak aide gage raupwa kela kehereidung de Tinggwang ne pecu kaibeu si zie.✝ 19 Nah keheibe de caihakeci sam laisiukwak aide gade keugi dicai, laisiukwak aide ga raupwa kela kering tsingbang nah kemci namdi gade Tinggwang ne pe qwa keugi dizie.*

Samliakeyi keda gah

6 Khrista ngaugia gade nnuide qu kelube dade nzet süt eh nreupwa samlia kedabe ga gwang dizeu kecune Ih a swagah lie, 7 samliakeyi keda gede gah, dede cika midungge ne nnuide kebwak nah Khrista samliakeyi de tei nreudi neula. 8 Dede anui liede mede tinggim gade tinggimgwame ge samliakeyi anui nnui dage ledeu beu kemakbe nnuide rang ledeu cai, peu pecu reset pung lulo. 9 Anui pedwa kerangde nzwa, cu Ih rang daila, "Keheibe de nnui dage samliakeyi nnui luu kelude kemak samlia kedage rang ledeu lacai, peu pecu reset pung lulo."

15 Anui Rampaube helungketie kelilu kera peting keyi peu aulie kecu cet lulo, anui hungkelabe sinabe Paul de pecu kepeu maci de gade nnui dage pe laisiu gade raugai kecude nzwa eh, 16 pa pe laisiu pelane gade aipau hade ainzwa rangla. Pe laisiudung ga maci kepadung gede la, cide maci kemakme nah ntip kemakme rang neula la, penui kesanglaisiu kedabedung tei kela nzwa penui kekap teugwang luda.

4 Kedanemene pedwa Kesanglaisiu ga raupwa kelade au anuide ledeulu kera ziemne raupwala, iciu eh Kesanglaisiu ga helungketie nah teikengkuu gade anui keregui ge bamlu kerane.

14 Cine dainzwa eh penui nlum kemakbe de penui qu lulai? Nah dainzwa eh penui siu kemakbe de penui nlum lulai? Nah dainzwa eh rang keliame gahcai penui siu lulai? 15 Nah dainzwa eh, penuide langgai meliecai penui ledeu lai?, Kesanglaisiu ga rauteukela nzwa, "Samliakeyi paulia kelame pi au daikenzwa gede hezuyi no!"✝

16 Dede Israelme pelane samliakeyi de mzai luma. Kedanemene Isaiah rangla, "Rampaubo, cau anui samde nlumlu dino?"✝ 17 Cine kenlum au siukelu gade gwangla, nah Khrista sam siu kelude gade.

16 Kedanemene Ih samliakeyi de ziemne ngngam lama, kedanemene cide Tinggwang kengkieng gade keheibe de nlum kelume de kelilu kerabe kecune, keraibe Jewme ziemne nah pecai Jewme kemakme ziemne de.✝ 17 Kedanemene cikade Tinggwang masangbe kenlum ge gade kenlum ge eh keulia kecune, Kesanglaisiu ga ainzwa rauteu kelanzwa, "Dede makesangme kenlum gade ring luzie."✝

12 Nah anui kideube rabe ngau luma, dede Tinggwang dade kegwang Rabe de ngaulu, iciu eh Tinggwang anuide mta kepeudungde anui cilu kerane. 13 Nah anui ma aidungde, mina ne ledeu kebeu maci samdung gade rangla ma, dede Rabe ne ledeu kebeu sam gade rangla, rabe samdung teu rabe kesang hadung rang mcigai kerane. 14 Dede Rabe peda kegahme Tinggwang Rabe mapeudung ngaulu lama, kedanemene pe ziemne cidungde au kemta ge. Pa cidungde ci gailak kedanemene cidungde au rabe kilamde cilu kela lu.

21 Tinggwang pe maci gade kideube mina maci gade pecu cigai kelak ngau delwe pa anui kemie samkerang de teu nlum kelume de kelilu kera cetlu.

22 Kedanemene Jewme miswakegah bata rehidung kiela nah Greekme maci peeila. 23 Dede anui au Khrista de gwak kedibe ha rangla, cide Jewme ziemne puikaam ge nah Gentileme ziemne kemie sam ge. 24 Dede Jewme de nah Greekme de, kelikelu gage qukelumedung ziemne au, Khrista au Tinggwang kengkieng nah Tinggwang maci lie.

17 Kedanemene Khrista acu duipum tei kerane langgai ma, dede samliakeyibe rang kerane—nah maci sam teu ranglo ma, mecai Khrista krus de pe kengkieng kemta teidi zielu.

9 Dede nnui au kedetkelume, hegwang cingkuleuh ge, heleuh kemci ge, Tinggwang minadung, iciu eh Tinggwang ne nnuide kemui gade qu mpet mimakecangh pe kebaa gage kai kelube bata keyidung nnui mi dage ranglialu kerane.✝