Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Mayandiko hyogha yayandikwa kwa kulongoswa na Sapanga na yamaha kwa mavulo, na kukanisa wandu mahakili ghao, na kuwalongosa na kuwavula ku ndyangilo apalili Sapanga, ili mundu wa Sapanga aweli katimila, na kayandalwa kwa kughola kila lihengu maha.
kangi kuhuma ununguna ghako ungumanya Mayandiko yala yanguwesa kukupatila luhala lukani ulokolwi kwa njila gha kumkwinila Kilisito Yesu. Mayandiko hyogha yayandikwa kwa kulongoswa na Sapanga na yamaha kwa mavulo, na kukanisa wandu mahakili ghao, na kuwalongosa na kuwavula ku ndyangilo apalili Sapanga, ili mundu wa Sapanga aweli katimila, na kayandalwa kwa kughola kila lihengu maha.
Pamonga na hagha hyogha mngupalwa mmanyi yiwa kwahela ulota ku Mayandiko gha Sapanga uhika kwa kughalambulwa handa aipalile mlota mweni, kwaikiva kwahela ulota wowosi uyeghilwi kwa mapalo gha kimundu, ila wandu walongili habali zya Sapanga handa walongosilwi na Mpumulo wa Sapanga.
Uyangalai nesu kughola maha ili upati kujumilwa kuulongolo gha Sapanga handa mghola lihengu awesili ng’ogha kuwela na honi akivula kwa kiuchakaka ujumbi wa uchakaka.
utangasi lilando lya Sapanga. Kwa lipindi lya maheli au lipindi lya maheli ng’ogha kwa njila gha ufumilifu, kalipila, na uwakanisi na kuwataya moyu na kwa mavulo maheli.
Utumili lipindi lyako na uyangalai ghako kusoma paluagha Mayandiko, kutangasa na kuvula, mbaka panitehika.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Kwaikiva lilando lya Sapanga ni lyeni ukomu na makakala, ni likalipa kupiti lipanga lila lyeni kudumula mbandi ivili haku na haku, linguyingila hata kuwesa kulekanisa moyu na mpumulo na hata vikongonu na uloto wa kumihupa. Hilahila lingumanya lukani na mawachilo gha mundu.
Kundumba na mlima wogha viteyenda, ila milando hai iteyenda ng’ogha.
Yesu akamyanga, "Iyandikwa kumayandiko gha Sapanga, Mundu kanguwesa ng’ogha kulama kwa libumunda hela, ila kwa kila lilando lyeni kuhuma kwa Sapanga."
Ningukuluwa uwagholi kuwela wandu ghako chakaka, kuuchakaka ghako, kwaikiva lilando lyako ndiwa chakaka.
Mwenga mnguyangala kuyalolesa Mayandiko gha Sapanga mkiwachila yiwa mghati ghaki mtepokela ukomu wa machuwa hyogha bila mwihu, na mayandiko hagha yangunilongelela nenga.
Ila lilando lya Bambu lingutama machuwa yayendelela." Lilando hali ni lila Habali Maha mtangasilwi.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Wandu wa kula ku Beloya wawelili wanguyoghanila nesu wapiti wala wa Tesaloniki. Waupokelili hula ujumbi kwa kuupala nesu, wakiva wanguyalolesa mayandiko makwilikihi kila lichuwa, ili kulola yiwa wayalongelili Paulo na Sila yawelili ni uchakaka.
Paulo akayingila na weni handa aigholili machuwa hyogha, akalongelana na weni machuwa gha kupumulila maitatu yakovekelanili akitumila Mayandiko gha Sapanga. Awalongelili kwa kulaghiha lipalalipala yiwa impalili Kilisito kuhakilwa na kuhinduka kuhuma kukihu. Akawalongela, "Yesu yula nenga ningumlongela kwa mwenga ndiwa Kilisito."
Filipo akabhutuka mbilo kusohelela hila mbutuka, akamhyoghanila hayu mundu angusoma kihitabu kya mlota wa Sapanga Isaya. Filipo akamkonya, "Ghuli, ungumanya hagha unguyasoma?"
Yula mundu mvika hindu akamyanga, "Ghuli niwesa kumanya ikiva kwahela mundu wa kunighalambulila?" Kangi akamlongela Filipo ahiki kunani gha mbutuka, atami pamonga na mweni. Hinu, mahala gha mayandiko mambuletenesu awelili angusoma pawelili nagha,
"Awelili handa kondolu anguyeghwa kuhinjwa,
nuu handa mwanakondolu anguputulilwa mipuku,
kawesa ng’ogha kulonga.
Hinu, Filipo akatumbula kutumila mahala pala pamayandiko Mambuletenesu, akamlongela Habali Maha gha Yesu.
Hinu Yesu akawalongela, "Mwenga muwasihisihi wa nagha, na mvile na utopehu wa mioyu kwa nagha kuyikwinila mighalu hyogha yalongilwi na walota wa Sapanga! Ghuli, impala ng’ogha Kilisito kuhakilwa kwa njila hazi, ili ayingile kuukulu ghaki?" Akawalongela lipalalipala mighalu hyogha impalili kumuhumila mweni ku Mayandiko gha Musa apeghilwi na Sapanga na walota wa Sapanga yayandikilwi kwa kumlongela mweni.
Yesu akahika pabehi, akawalongela, "Mbokela uweso wogha kundumba na kumlimawogha. Hinu myendi, mkawaghole wandu wa mlima wogha waweli wavulwa, mkiwabatisa kwa lihina lya Tati, na lya Mwana, na lya Mpumulo wa Sapanga. Muwavuli kukola malaghililo hyogha niwapeghili. Na nenga niwela pamonga na mwenga machuwa hyogha, ena mbaka mwihu wa lipindi lyogha."
Pamyenda mkatangasi nagha, "Unkosi wa Kundumba wa pabehi."
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Kuyomolela
Nenga Yohananinguwalemesa wandu wogha wenikuhyoghanila milando gha ulota gha kihitabu haki, mundu yeyosi pakayongesa kindu chochosi kumighalu hai Sapanga atemuyongesela matovu yenikuyandikwa kukihitabu haki. Mundu yeyosi pakapungula chochosi kumilando gha ulota gha kihitabu haki Sapanga atemuhumisila mbandi ghaki kulila libiki lya ukomu na kuhula mmbwani wa Sapanga wenikuwela milando ghaki iyandikwa kukihitabu haki.
Habali Maha ni imonga hela
Nenga ningulikangasa kwa mwenga kumleka Sapanga kwa kuloposela kulipindi lihupi, hayu mweni kuwakema mwenga kwa kupitila Kilisito, na kuhyukila habali gha njila ghangi, kwahela Habali Maha ighangi, ila kunguwoneka kuwela na wandu weni kuwahanganya, wakipala kubyodosa Habali Maha gha Kilisito. Twenga tuwatangasilile mwenga ujumbi wa Habali Maha weka. Hinu Sapanga amnyokoli yeyosi mweni kuwatangasila mwenga ujumbi mghangi, hata paiwela mmonga paghati gha twenga au mtumikila wa kundumba wa Sapanga! Tulilongela kala hali, ila hinaa nitelongela kangi. Mkotoho kujumila ujumbi wowosi kihyetu na hula tuwavulile. Paikawela yeyosi kawavula ujumbi mghangi, Ningumyupa Sapanga amnyokoli nesu!
Mngupalwa kulola ufumilifu wa Bambu yiwa ni fwasi ingutughola tulokoki, handa Paulo mlongo wa twenga mpalwa vila kawayandikila kwa kutumila luhala apeghilwi na Sapanga, handa ailongile ku lihamba zyaki zyogha. Mighalu mighangi kulihamba hazi ni ikamala kumanya mighalu hai wandyungi na wala wandu wa kuyumbilayumbila wangubyodosa handa vila wangubyodosa mayandiko maghangi makwilikihi. Hinu wanguyambusa mayalamiso ghao wenibaha.
Kwaikiva hyogha yaandikililwi haku dahile yaandikilwi kutuvula. Mayandiko hagha yangututanga kufumilila na kutughola tukamali ili tupati kuwela na litumaini.
Hinu, watemyupaghuli yula avile wamkwinila ng’ogha? Kangi, watemkwinilaghuli ikiva wayoghanilili ng’ogha habali zyaki? Na wateyoghanilaghuli habali zyaki ikiva kwahela mtangasa? Na wandu watetangasaghuli handa wayeghwa ng’ogha? Handa ingulongwa ku Mayandiko gha Sapanga, "Ulolayi vila ivile maha kuhika kwa wala weni kuyegha Habali Maha." Ila ng’ogha wogha wayitikilili hila Habali Maha. Kwaikiva Isaya mlota wa Sapanga mweni ailongile, "Bambu, ni ghani avile kakwinila ujumbi wa twenga?" Hinu, mtumbulo wa kukola ukwinila ni kuhyoghanila Habali Maha hila imlongela Kilisito.
Habali Maha gha Kilisito iwela na makakala
Nenga nivile ng’ogha na honi kutangasa Habali Maha, kwaikiva hai ivile na uwesa wa Sapanga weni kuyegha ulokola kwa kila mweni kukwinila, kwa Myahudi mtumbulo na kwa Mgiliki hila hila. Kwaikiva Habali Maha ingulangiha lipala yiwa Sapanga anguwaghola wajumiliki kuulongolo ghaki kwa njila gha kukwinila, kuhuma mtumbulo mbaka kumwihu, handa iyandikwa ku Mayandiko, "Mweni kujumilwa na Sapanga atelikala kwa ukwinila."
Hinu tupokela ng’ogha mpumulo wa mlima mighalu hyogha ila tumpokela Mpumulo kuhuma kwa Sapanga ili tumanyi zyogha atupeghili Sapanga.
Kwa nagha tulonga ng’ogha milando kwa luhala tunguvulwa na wandu ila tungulonga milando inguvulwa na luhala lwa Sapanga. Twenga tungulongelela mighalu gha Mpumulo wa chakaka kwa wala weni kuwela na Mpumulo wa Sapanga. Ila mundu mweni kuwela kahela hayu Mpumulo wa Sapanga kawesa ng’ogha kupokela hagha mighalu yeni kuhuma kwa Mpumulo wa Sapanga, kwaikiva ni mpughanyo kwa mweni, na mweni kawesa ng’ogha kuyamanya kwaikiva hagha yangumanyika hela kwa mtanga wa Mpumulo.
Kwaikiva kuluhala lwa Sapanga wandu wanguwesa ng’ogha kummanya Sapanga kwa luhala lwau weni baha ila Sapanga kapala kuwalokola wala weni kukwinila kwa njila gha ujumbi hau tunguutangasa na hau ndiwa hula wala wandu weni luhala wanguulola yiwa ni undyungi.
Wayahudi wanguhakula vilangihi na Wayunani wanguhakula luhala ili wakwinili, ila twenga tunguwatangasila mwenga Habali zya Kilisito yula mwenikuvambwa kulipingika. Habali yenikuwoneka inguwahoma moyu Wayahudi na undyungi kwa wandu wawela ng’ogha Wayahudi. Ila kwa wala weni kukemwa na Sapanga, Wayahudi na wandu wawela ng’ogha Wayahudi, Kilisito ni makakala gha Sapanga na luhala lwa Sapanga.
Kwaikiva Kilisito kanilaghila ng’ogha nenga niwabatisi wandu ila niwatangasili wandu Habali Maha, na nigholi nagha ng’ogha kwa milando gha ukambenga ukambenga lukani makakala gha kihu kya Kilisito kulipingika ikotoho kuwela yaghi yaghi.
IIa mwenga ni ukolu uhaghulilwi, watambika wa lighuta lya unkosi, mlima mkwilikihi, wandu ghaki Sapanga mwenibaha, mhaghulilwi kutangasa matendu maheli gha yula awakemili mhuki kulwiha, akawayingisa kumhana ghaki wa kukangasa.