O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Nguluwi nakona chila chinhu choyaditile kota ndo chinoga ng’hatu. Naiwa matinazo, naiwa mitondo, zuwa lya sita.
Mkulu Nguluwi ka yanojile na yagoloche,
ahyo kanguwalangusaga nzila wawele na gehile.
Ila kwa heni, chondilingugana ndo kuwa habehi na Nguluwi hela.
Mkulu Nguluwi, hegwe ndo honhu ha heni ha kubilimila.
Ndowikula madito geng’ha gouditile.
Lwimbo lwa kumtogola Nguluwi
Inoga kukulonjela, gwa Mkulu Nguluwi malumbo,
kulimbila lutogo itagwa lya hegwe, gwa Nguluwi Yawele Kuchanya.
Inoga kuwikula igano lya kwimilila lya hegwe mitondo,
na kukundigwa kwa hegwe mhela wa nechilo,
kwa muziki wa igombogombo lya ng’weso kumi na ching’weleng’wele,
na kwa lizi linojile lya igombogombo.
Kwa vila Mkulu Nguluwi nakanoga,
igano lya kwimilila lya heye lyangikala mazuwa gose,
kukundigwa kwa heye kwangulutilila hali lulelo lweng’ha.
Uhamwe hali wanhu
Ndo mbuli inojile na ya kunojeza ng’hatu,
wenyelukolo kikala hamwe kwa uhamwe.
Ndanguwapa malajizo ganojile,
ahyo mleche kulema malanguso ga heni.
Munhu kanguwaga na usangalalo wone yedichile goya,
ulonzi unojile kwa mhela wake ndo unoga lukami.
Mwana wa heni, ulye hanombwa kwa vila ndo inoga,
ilala lya hanombwa ndo linona kumlomo.
Ndo vyoluwele luhala kuli nhumbula ya hegwe,
wone ulupate mbuli za hegwe zolutilila goya,
na kitumbila kwa hegwe hakukusigwa hihi hela.
Luhala ndo chinhu chinojile ng’hatu kota uhalizi,
kwa vila lwanguwatanza wala walingikala.
Nguluwi nakakulajila gawele ganojile, gwa munhu.
Choyalingugana Mkulu Nguluwi kwa hegwe ndo achi,
kudita mbuli za hachi,
kuwa na igano lya kwimilila
na kikala kwa kunyenyetela na Nguluwi wa hegwe.
Lelo, malajizo ndo gela na mzilo ndo wela, ndo wa hachi na unoga.
Mleche kwiga chihendo cha isi ayi, leka Nguluwi yawadite muwe mnojile mgati mwenu kwa kugalamla nyhala za hemwe. Aho ndo homvizela kugana kwa Nguluwi na kuvizela mbuli iwele inojile, ilingumnojeza na yenele.
Lelo, mleche kukunda chinhu chomulinguchona chinojile chikovuligwe.
Malanguso galinguwala kulanda.
Mwaluko, ndanguwalonjela kota mumlande Nguluwi kwa gala gomlingugana na mlande kwa chiwalo cha wanhu weng’ha na mlandile kwa chiwalo cha wandewa na weng’ha wawele mli ulongozi, leka tikale kuli ukomu uholile na kikala goya hamwe na kumdumba Nguluwi na kudita ganojile. Mbuli ayi ndo inoga na yangukundigwa na Nguluwi yawele Mlohozi wa hetwe,
Chila chinhu choyachiumbile Nguluwi ndo chinoga, haduhuli chilingulemigwa wone vibocheligwe kwa kulonga malumbo kwa Nguluwi, kwa vila ulonzi wa Nguluwi na kulanda kwanguchidita chinhu acho chikundigwe kwa Nguluwi.
Chila ndolendole inojile na yenele na haipunguche yangudulika kulawa kilanga kwa Mhaza, yalumbile vimulimuli vyeng’ha viwele kuulanga hambe yagaluche na kahela ulajilo woneche wa kulajila kota kogaluka.
Mwino unona, ila wone wajilize unoni wake wononezwa na choni? Muwe na mwino mgati mwenu na kikala goya hali hemwe."