O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Mulungu kalola chila chinhu chiyatendile, kawona kweli vinoga ng’hani. Iwa imitondo iwa ichigulogulo, siku yesita.
Mndewa Mulungu kanoga na kolonga ukweli,
ivo kowafunza wahasanyi nzila zake.
Mbali niye nowona vinoga niwe habehi na Mulungu,
nimtenda Mndewa Mulungu kimbililo jangu,
nizazigong’onda sang’hano zake zose.
Wila wa kumtogoza Mulungu
Vinoga kumtogoza Mndewa Mulungu,
na kwimba wila wa kuditogoza zina jako, weye Mndewa Mulungu Wili Uchanyha Ng’hani.
Vinoga kugong’onda ulondo wako imitondo,
na uwaminika wako ichilo,
kwa chia cha nyila chili na singija longo,
kwa ulilaji wa bango.
Kwaviya Mndewa Mulungu kanoga,
ulondo wake wa kufunya umoyo wokala siku zose,
uwaminika wake wokala kwa nyelesi zose.
Kuilumba kunoga
Ni mbuli inogile ng’hani na ya kudeng’heleza ndugu kukala hamwe na kuilumba.
Kwaviya nomfunzani vinogile,
sekemuzimize mbuli zangu.
Kwidika kunogile kowadeng’heleza wanhu,
na mbuli inogile ng’hani yolongigwa lusita lufaya.
Simwe 26
Mwanangu, diya uki kwaviya unoga,
uki ulawa muna dilala wamulile.
Iviya uvimanye kuwa ubala unoga fana uki kumwako.
One uhapata ubala kuna huwilo da siku zikwiza,
na huwilo jako hadizalemigwa.
Kuwa na ubala kulinga fana uhazi,
chinhu chiwafaya ng’hani wanhu weli wagima.
Mweye wanhu, Mulungu kamulagusani mbuli zimulondeka kutenda,
Mndewa Mulungu kolonga mutende vinhu vinogile,
muhumize voilondeka,
mulonde kuwa na ubazi,
na mukale kwa kuinyendanyenda kwa Mulungu wenu.
Ivo, Malagilizo ya Mulungu yoyamwing’hile Musa kela na lagilizo jela, dinoga haulongozi ha Mulungu.
Sekemwige migenzi ya isi ino yose, mbali Mulungu yagaluse magesa yenu, muladi muyamanye yaja yoyolonda Mulungu, chilihi chinogile, chilihi chimnogela yeye na chitimilike.
Ivo uwo unovu wenu sekeulongigwe kwa yehile.
Nhambiko ya bumbila da wahuwila wa Chilisito
Mbuli ya mwanduso, nomulambani mulongeleni Mulungu vinhu vomuvilonda na tambikeni kwa Mulungu na watambikileni wanhu wamwenga, na mumwing’he hewela Mulungu kwa ichimu cha wanhu wose. Wapulileni wafalume kwa Mulungu na wanhu wose weli muna ulangulizi, muladi chidahe kukala kwa uhupi na tindiwalo hamwe na kumdumba Mulungu na ugenzi unogile. Kutambika kwa Mulungu fana ivo kunoga na kotogoleka haulongozi ha Mulungu Mulopozi wetu,
Chila chinhu chiyalumbile Mulungu chinoga, habule chinhu cha kulemigwa, mbali vinhu vose vihokeligwe kwa kumwing’ha hewela Mulungu. Kwaviya Mbuli ya Mulungu na nhambiko yochitendeza chinhu icho chisafywigwe.
Chila chitumetume chinogile na hachihunguke chochose cholawa kuulanga kwa Mulungu, volawa kwa Tata, mulumbaji wa mabung’hulo, hahinduka wala kabule chilaguso chochose chochilagusa kuwa yeye kogaluka galuka.
"Munyu unoga, mbali one wahagiza umunyu wake, wizagumigwa choni mbaka ukolele?
"Muwe na umunyu wa umbwiya mgati yenu, mukale kwa tindiwalo."