A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Deenek, bot ɛ di ekɛ tɔ ghwyil epuud ɔ, bɛ sa ɛ́ mɛkwosak mɛ epuud. Tin, bot ɛ di ekɛ tɔ ghwyil Sisim ɔ, bɛ sa ɛ́ mɛkwosak mɛ Sisim. Mot ɛ di ekɛ si ghwyil epuud ɔɔ, ye dul nyɛ ɛ́ é ze ɛsyee. Tin, mot ɛ di ekɛ si ghwyil Sisim ɔɔ, ye djɛ nyɛ ɛ́ tsik nɛ egwyem. Etɛɛ náá, bot ɛ di ekɛ si ghwyil ɛkwosak ɛ epuud ɔ, bɛ ɛ́ bot ɛ mɛbhuka ɛ Zɛɛb, bɛ ààlooba nɛ etsi e Zɛɛb, bɛ tok nɛ ghwyil ɛlooba nɛ etsi e tak. Bot ɛ di ekɛ si ghwyil epuud ɔ, Zɛɛb tok nɛ ghwyil ɛmyaala nɛ nɔɔ.
Yɛ kabɛ biyɔ ɔɔ, bi ààkɛ si ghwyil epuud, bi kɛ ɛ́ si ghwyil Sisim, etɛɛ náá, Sisim Zɛɛb eebe di tɔ len. Tin, mot di ààbɛ nɛ Sisim ɛ Klisto ɔ, nyɛ tok ngbɛ Klisto.
Étɛp tak ɛ di náá, bot ɛ di mos sama nɛ Yezu Klisto ɔ, bɛ tokapɛ nɛ ndjɛ sɔs. Etɛɛ náá, dum nɛ Yezu Klisto, tsi Sisim di edjɛ tsik ɛ, naazepɛk mɛ tɔ ekwom e etsi e mesyem nɛ ɛsyee. Zɛɛb naasa esa ee di náá, etsi ɛ Moiiz nabɛ ɛ́ ààbɛ nɛ ghwyil ɛsa ɛ, etɛɛ náá, epuud nɛ sa elɛtɛ. Nyɛ naadhis mɔn’ɛ nɛ nyel epuud dáa menabɛlka bot ɛ mesyem, etɛɛ náá, nyɛ neepɛk mena tɔ mesyem. Yɛ ɛ́ deenek ɛ́ Zɛɛb nawa é feŋ mesyem mɛ nadi tɔ mɛnyel mɛ bot ɛ. Zɛɛb sa deenek ɛ́, etɛɛ náá, mena needika nɛ ghwyil ɛkɛ dáa etsi di elɛɛ ɛ. Deenek, mena aanàkabaakɛ tɔ ghwyil epuud, tin, mena aakakɛka ɛ́ tɔ ghwyil Sisim.
Etɛɛ náá, bi ɛ́ di tɔ mɛkwosak mɛ epuud ɔɔ, bi ɛ́ waagwyɛ. Tin, dum nɛ ghwyil Sisim di edjɛ bin ɛ, bi ɛ́ waakwak embee mɛfulu di tɔ mɛnyel men ɛ, bi aadi ɛ́ nɛ tsik. Bot djas di edjɛɛdel nɛ Sisim Zɛɛb ɔ, bɛ ɛ́ bɔn ɛ Zɛɛb.
Tin, mam mot di ekwyɛl ɛsa enɛm esa ɔ, mɛ nɛ dyeebabee náá, mɛ zobela ghwyil ɛ́ yii ɛsa embee mɛsa. Bela náá, tɔ bum lyem’am, mɛ nɛ dyeebamyaala nɛ etsi ɛ Zɛɛb. É di’enek, mɛ ɛpebee náá, pɛ tɔ nyel’am, yɛ ɛ́ nɛ dhiiti etsi sis di tɔ zyaala nɛ etsi ee esiiza bam. Etsi tak ɛ di esa náá, mɛ di kwom etsi e mesyem di tɔ lam ɛ.
Etɛɛ náá, é ghɛŋ mena nadika mena dinaa ekɛka tɔ mɛkwosak mɛ epuud ɛ, etsi nadi esa náá, embee mɛkwosak mɛ esyem sa mɛsa tɔ mɛnyel mena. Etɛɛ náá, ye needul mena tɔ ɛsyee.
Mot ɛ byel-byelak tɔ epuud ɔɔ, nyɛ ɛ́ mot epuud. Mot ɛ byel-byelak tɔ Sisim na Dɛɛ ɔɔ, nyɛ ɛ́ mot sisim.
Yɛ ɛ́ Sisim Zɛɛb ɛ di edjɛ tsik. Epuud e mot ààval dhiiti sonok. Etɛp ee mɛ di elɛɛ bin ɛ́, yɛ ɛ́ etɛp e Sisim. Yɛ ɛ́ etɛp di edjɛ bot tsik ɛ.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Tin, mɛ lɛɛ bin ɛ́ náá: Betka náá, Sisim na Dɛɛ djɛɛd bin, é di’enek, bi aanàkabaasa ɛkwosak ɛ epuud.
Bela náá, mɛsa mɛ epuud nyen ɛ́ tɔ mɛzɔ, tɔ dɔɔb, tɔ embee mɛfulu, tɔ ɛduwal ɛ bɛnaghisɛ, tɔ ɛlyeeb, tɔ mbee lyem, tɔ mɛwɔ, tɔ zok, tɔ ɛbuk, tɔ bhyen ɛdi ɛ́ sama nɛ bɔɔ bɛsɔ, tɔ swaka, tɔ embee egwyes, tɔ elangi, tɔ mɛbyoŋ mbɛs zɛnɔɔ edhiiti mesyem di enɔŋel nɛ yenek ɛ. Nenak, mɛ ɛpedul bin mɛlɔ, dáa mɛ nadul bin yɛ sok ɛ: Bot ɛ di esa deenek ɔ, bɛ aanàkwaabela di tɔ Ɛyoŋ ɛ Zɛɛb.
Bot ɛ di bot ɛ Yezu Klisto ɔ, naazebem epuud bɔɔ nɛ mɛkwosak mɔɔ, zɛnɔɔ embee egwyes bɔɔ kɔ mɛlaaba.
Bɔn-nyɛɛg bam, bi nadjóoaa ɛ́ étɛp bi needi ààbaadi é ekwom. É di’enek, sa bi ààkasa náá, mɛpɛka mɛ bi zepɛkaa ɛ, di nɛ nen tyee gham étɛp ɛlooba nɛ ɛkwosak ɛ epuud. É di’enek, ye goka ɛ́ náá, bi bet náá, kwyɛl djɛɛd bin, étɛp bi neekwyeel pak’en.
Mot ɛ bɛ sonok étɛp ɛkwosak ɛ epuud bɛ ɔɔ, nyɛ aabela ɛ́, esa e puud, yɛ ɛ́ ɛsyee. Tin, mot ɛ kabɛ esa e Sisim ɔɔ, nyɛ aabela ɛ́, esa e Sisim, yɛ ɛ́ tsik na kɔm-kɔm.
Beeka esa ee di náá, yɛ ɛ́ yii tsik bɔs ɛ: Egwyes ɛsa sa lyem di ekwos ɛ, nɛghu gwyes ɛbela esa djas di ebeeaa nɛ mis ɛ, zɛnɔɔ ɛbet kɔ ɛsu ɛ esa e bɔs. Deenek, etɛp binek djas ààdus pɛ daa Zɛɛb Sɛɛg, ye dus ɛ́ tɔ embee esesɛɛ e bɔs.
Dáa bi moo tɔ ɛgwakel nɛ Klisto ɛ, Zɛɛb eewa geka tɔ len. Geka tak ɛ́ ɛni ɛ beka, ye tok beka epuud bot ɛ bɔs di esa ɛ. Tin, yɛ ɛ́ beka di edus pɛ daa Klisto ɛ, étɛp ɛpɛk mena tɔ nyel epuud e syem bot di nɛ yɛ’aak.
Dika ndjem, djaalaka Zɛɛb, etɛɛ náá, bi ɛ́ zɛkɛkwyɛ tɔ mɛbhowal. Sisim ɛ́ nɛ ghwyil ɛlooba, kabela ɛ́ náá, epuud nɛ sa elɛtɛ.»
Bɔn-nyɛɛg, gwakeka sa mɛ di ekwyɛl ɛlɛɛ ɛ. Sa nakusaa nɛ epuud nɛ ghiya ɛ, ye tok nɛ ghwyil ɛ́ bela di tɔ Ɛyoŋ ɛ Zɛɛb. Tin, sa di náá, yɛ waagwyɛ ɛ, ye tok nɛ ghwyil ɛ́ bela tsik na kɔm-kɔm.