A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
Worede su meyi zunwa a siki arinya nki nsu lepi, su ma sa tunani su a siki mbode nki yaa bila; sede worede su meyi zunwa a siki Aworo Mirikisi sua sa dishiya su a siki mbode Aworo Mirikisi ma bila. Dishiya ni nsu lepi yaa ema mumuntu; sede worede meyi zunwa a siki Aworo Mirikisi sua mani leyi nja selema. Ntani su ma oboki geba Mirikisi nde su bila arinya dishiya ni nsebeki shakiya su; sobon sua taba biya doka Mirikisi ba, gaskye naka sua taba biya doka Mirikisi ba. Worede su mayi zunwa a siki arinya nki sua taba jima Mirikisi ba.
Sede oku ku mayi zunwa a siki arinya nki yiride e sa ku naba; sede kuma yi zunwa yiride Aworo sa ku de ku yi, nde ma gaskye, Aworo Mirikisi ma a siki ku. Du nsude mani Aworo ni Kiristi ba, e mani Kiristi ba.
Nkaayom, poro ma a kiya worede su ma ni Yesu Kiristi gagaba. Sobon doka ni Aworo, de ba mu leyi a siki Kiristi Yesu, butu ni dege doka lepi nja muntu. Sobon mbode doka yi yaa ba, sobon arinya nki nsebeki yi sori de yaa yi ba, Mirikisi yi. E juru lepi a siki nki nsebeki te anya saka Yaa yi, de zo ni nki kankye ni nsebeki, de e bebeta sori ni lepi. Mirikisi yi yomu na sobon guru mbo gangasi de doka yaa bila yaa e sika asikimu, omu de muma yi zunwa a siki arinya ni nki nsu lepi ba sede a siki Aworo Mirikisi.
Sobon nde ku mayi zunwa a siki arinya nki, kua muntu; sede nde e ma te anya sori Aworo na ku sa nki nsu lepi mu de muntu, kwa mani leyi. Sobon worede su mayi zunwa a siki Aworo Mirikisi su ma yaya Mirikisi.
Se Ni geni nkye doka mu yaa yi ANKI: de Na bila yi mbo kyakyawu, se ngeni mbo mumungu na ma dishiya na. Sobon a siki dishiya na Ni yeda ni doka Mirikisi. Sede Ni geni doka daa mbom yaa yi ANKI a siki nki na, doka de yaa yi geba ni mbode dishiya na sani. E sa ni ma yaa jaru ni lepi a siki doka de yaa yi ANKI a siki nki na.
Sobon de mua yi zunwa a siki arinya nsebeki, mungu memeri meyi ANKI a siki nkimu te anya kokoyi doka Musa, sobon ANKI mu guru e muntu.
Mbode nsebeki yapu e ma nsebeki, sede mbode Aworo ni Mirikisi yapu e ma Aworo la.
Mbode yaa beyi leyi e shi ma Aworo Mirikisi; sori nsebeki e mani moriya ba ko piri. Kelima de Ni gye ku e ma aworo la e kwa ma leyi adu.
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
Mbode Mma bila de ku shina e shiya ma, ku bila de Aworo Mirikisi e nana ku yiri de kwa yi zunwa, nde ku yi yomu kwa taba yi zunwa yiri ali nsebeki ba.
Zunwa ni ali nsebeki e ma a pili: Osu na ma kwana nja mase ko ni minzi de su yi amere ba, nja ali nungwe sususu, kazanta nja so zunwa dadi de man kyawu ba, nja bowuta boka, nja ali ni dobo nja ali geba nja nkyiaku, yi rikishi nja nkyiaku, ni kishi ni nkyiaku, nja anwashi, nja so kiya ku, ni lalaba nkyiaku, nja dege ankeli, nja ali sha bugu, ni yi buki ni sha mbo yiri yiri, yiri mbo worosu mu. Ni ma ja ku kuni, kankye yiride ni ja ku kuni dege pari, nkye guru worede su ma yi yiri zunwa mu sua mani gado solota gizi Mirikisi ba.
Yomuna guru worede su ma ni Yesu su gidiri zunwa ni ali ni nsebeki nja mumungu mbo yiri, yiri de nki mayi memeri asu.
Oku, yayuwa na, Mirikisi sukwa ku de ku samu yenshi la. Sede kede ku yi anpani ni yenshi aku mu de ku yi zunwa ni lepi a siki nki ku; nde e ma yomu, ku bowuta nkyiaku a siki so.
Yayuwa nsude nunkwa mbode nki yaa bila, yaa butu mbode ma muntu; nsude nunkwa mbode yi Aworo Mirikisi kyawu, yaa mani leyi ni gbogbo dege anya ni Aworo Mirikisi.
Sobon guru mbode e ma a durinya mu, ema memeri nki nsebeki na, nja memeri ndani nja dukwa geba ni banza a kiya mbode e manshi nja mbode yaa yi, ba e butu anya ni Mirikisi Adaa mu na ba sede e butu a durinya la.
A siki zumunshi ku nja Kiristi la kuma su yi ku yanka, ba yiri yanka nani nsebeki naba, sede yanka de su yi te anya Kiristi, de e butu ku dege yiko ni ali nsebeki.
<<Ku kone nja de ku yi lepa sobon kede ku puari a siki ni gwada ba. Aworo e yeda sede nki seni.>>
Yayuwa, mbode ma bila de ku shina e shiya ma nkye, nki nja zini yaa taba yuru a solota gizi Mirikisi ba, mbode yaa rubu yaa taba si mbode be rubu ba.