5 Kwakuva vanu vala wo vangikala kwa kufwata mbwiniwo tsa muvili vahotsaga ndongwa tsa muvili, ila vala wo vanlongotswa na Muhe va Mulungu vahotsaga ndongwa tso an’gana Muhe va Mulungu. 6 Kwakuva mahotso goganlongotswa na muvili galetaga chifo ng’ani, lechelelo mahotso goganlongotswa na Muhe va Mulungu galetaga wumi wa siku tseka na wusichimafu. 7 Siku tseka mahotso ga munu gatelanaga na Mulungu, kwasawuli munu yo anlongotswa na muvili si ahulikitsaga malajitso ga Mulungu, na kaha si akuvetsa kugahulikitsa. 8 Vanu wo vangikala kwa kulongotswa na mbwiniwo tsa muvili sivafuluche vadite kota fyo an’gana Mulungu.

9 Lechelelo manyi Muhe va Mulungu ave mugati mwenyu henye nambe munlongotswa na muvili, ila mukuva munlongotswa na Muhe va Mulungu. Ihyo munu yoyuve manyi ave alihela Muhe va Chilisito, uyo siyo munu va Chilisito.

1 Lelo kuduhu kuhigwa chifo kwa vanu vala wo vamutumbye Chilisto Yesu. 2 Kwasawuli seliya ya Muhe va Mulungu yo yingutupela wumi kwa kihantsa na Chilisito Yesu, tsing’ulwise na seliya ya ndongwa ntsibi na chifo. 3 Mulungu aludisile lulogwa lula lo lwasumikaga kukoleka kwa malajitso ga Musa kwasawuli ya wutenyanjifu wa wunu wetu. Ihyo Mulungu amutumile Mwanage munya muvili kota hetwe fyotuli ili atsisume ndongwa ntsibi, na kwa muvili ugo akatsanangaje itso ndongwa ntsibi, 4 Mulungu adisile ihyo ili tudite ndongwa tsila tsotsilajitswe na malajitso ga Musa, ili hetwe wosinambe twikale kwa kutsifwata mbwiniwo tsa muvili, tulongotswe na Muhe va Mulungu.

13 Kwasawuli manyi mwikale kwa kufwata ndongwa tsa muvili, mukuva mun’gana kufwa. Lechelelo manyi mukopole ng’olwa tsa mivili kwa Muhe va Mulungu, mukikala. 14 Ihyo vanu vala wo vanlongotswa na Muhe va Mulungu, iwo wo vana va Mulungu.

21 Ihyo ntseliwe chinu chino kuta ho ntsin’gana kudita lulongwa lunofu, ntsinkwegwa kuludita lula lubi lo sinambentsilugane. 22 Munumbula yangu ntsingugasangalila malajitso ga Mulungu. 23 Lechelelo ntseliwe kuta kuna malajitso ganji go gankola katsi mu muvili gwangu, malajitso go gankuva tebe na malajitso na gala mahotso gangu manofu. Ihyo malajitso igo gan’dita ntsive mupogotsi va malajitso ga ndongwa ntsibi tsotsinkola katsi mu muvili gwangu.

5 Kwasawuli hala hotwavaga tungikala kota vanu fyo vikalaga, malagitso ga Musa gatwambutsaga mbwiniwo tsa ndonwa tsibi tsatutifyaga mufilungo fyetu, na hetwe tweka tukakudujila muchifo.

6 Munu alelekaga chimuvili kwa yuve na dade, lechelelo alelekaga chimuhe kwa Muhe va Mulungu.

63 Muhe va Mulungu yo atawulaga wumi, muvili sigufwayaga chinu. Ndongwa itsi tso ntsivalonje go Muhe kaha tso wumi.

16 Ihyo ntsinlonga kuta mwikale kwa kulongotswa na Muhe, na ihyo fyo mufuluche mutsisume mbwiniwo ntsibi tsa mivili jenyu.

19 Duve ng’olwa tsa muvili tsin’tselanika tso itsi, waafu, na kuvasa na mulume awu mudala vanji, na udita ndongwa tsa nyoni, 20 kujifugamila misanamu, na wuhavi, na mabatu, na mbafya, na mbipi, na wupunganitsi, na chitika, na wusongapisi, 21 kuwona mbafya, na wugatsi, na wuhatufu na ndongwa tsinji tsotsihwana na itso. Ntsinguvafunda kanji kota fyo ntsalongwe kuvafunda kuta, vanu wovan’dita ndongwa kota itso, nachene sivakwinjila mu Wuntsajila wa Mulungu.

24 Vala wo vihantsitse na Chilisito Yesu vagavambite mahotso gawo hamwe na mbwiniwo tsawo mu musalaba gwa Chilisito.

13 Henye vanya litumbilo vayangu mwachemilwe na Mulungu ili muve na wuhulu, lechelelo wuhulu uwo mulekaje kuwutumila kwa mbwiniwo tsa ndongwa tsa mu inyi, ila mwitangaje henye kwa henye kwa wugano.

8 Yula yo an’dita ndogwa tsa mbwiniwo tsa muvili gwake akupata mahombo ga wananjifu, lechelelo mwene yo akudita kwa kulongotswa na Muhe va Mulungu, uyo akupata wumi wo wugaya wudugo

41 Muvaje miho hamwe na kusala, muleche kwinjila mumajetso. Numbula yiganaga kudita, lechelelo muvili gulemwaga."

50 Lelo vang’olotsangu, ntsinlonga kuta chila cho chidisilwe kwa muvili na danda si chifuluche chihantse mu wuntsajila wa Mulungu, na chila chinya kwananjika sichifuluche chikale hihyo bila kwananjika.