Casa de Deus
A casa de Deus é lugar de adoração, refúgio e encontro com o Sagrado. A Bíblia exalta o tabernáculo, o templo e a igreja como morada do Altíssimo entre seu povo.
A presença de Deus
Quão amáveis são os teus tabernáculos! Uma coisa pedi ao Senhor: habitar na casa do Senhor todos os dias da minha vida.
O templo
Minha casa será chamada casa de oração. O zelo da tua casa me consumiu. O verdadeiro templo é o corpo do cristão.
ಜೆಜು ದೆವಾಚ್ಯಾ ಗುಡಿತ್ ಜಾತಾ
ಜೆಜು ದೆವಾಚ್ಯಾ ಗುಡಿಚ್ಯಾ ದಾರಾತ್ ಗೆಲೊ ಅನಿ ಇಕ್ತಲೆ, ಇಕಾತ್ ಘೆತಲೆ ಕರ್ತಲ್ಯಾಕ್ನಿ ಭಾಯ್ರ್ ಘಾಟ್ಲ್ಯಾನ್. ಪೈಸ್ಯಾಂಚೊ ಯಾವಾರ್ ಕರ್ತಲ್ಯಾಂಚಿ ಮೆಜಾ ತೆನಿ ಪಾಡ್ವುನ್ ಘಾಟ್ಲ್ಯಾನ್ ಅನಿ ಪಾರಿವಾಳಾ ಇಕ್ತಲ್ಯಾಂಚ್ಯಾ ಕುರ್ಚಿಯಾಬಿ ಪಾಡ್ವುನ್ ಘಾಟ್ಲ್ಯಾನ್. ಅನಿ ತೆಂಕಾ,"ಪವಿತ್ರ್ ಪುಸ್ತಕಾತ್ ದೆವ್ ಮನ್ತಾ, ಮಾಜಿ ಗುಡಿ ಮಾಗ್ನಿ ಕರ್ತಲೆ ಘರ್ ಮನ್ತ್ಯಾತ್. ಮನುನ್ ಲಿವಲ್ಲೆ ಹಾಯ್. ಖರೆ ತುಮಿ ತೆ ಚೊರಾನಿ ನಿಪುನ್ ರ್ಹಾತಲೊ ಜಾಗೊ ಕರುನ್ ಟಾಕ್ಲ್ಯಾಶಿ!" ಮನುನ್ ಸಾಂಗ್ಲ್ಯಾನ್.
ಜೆಜು ದೆವಾಚ್ಯಾ ಗುಡಿಕ್ ಜಾತಾ
ಜುದೆವಾಂಚೊ ಪಾಸ್ಕಾಚೊ ಸನ್ ತೊಂಡಾರ್ ಯೆಲ್ಲೊ, ತಸೆ ಮನುನ್ ಜೆಜು ವೈರ್ ಜೆರುಜಲೆಮಾಕ್ ಗೆಲೊ. ಥೈ ದೆವಾಚ್ಯಾ ಗುಡಿತ್ ಲೊಕಾ, ಗೊರಾ, ಬಕ್ರಿ, ಅನಿ ಪಾರಿವಾಳಾ ಇಕ್ತಲೆ ತೆನಿ ಬಗಟ್ಲ್ಯಾನ್, ಅನಿ ಮೆಜಾ ವರ್ತಿ ಬಸುನ್ ಪೈಶ್ಯಾಂಚಿ ಅದ್ಲಾ-ಬದ್ಲಿ ಕರ್ತಲೊ ಯಾವಾರ್ ಕರ್ತಲಿ ಲೊಕಾಬಿ ಅಪ್ನಾಚ್ಯಾ ಜಾಗ್ಯಾ ವೈನಿ ಬಸಲ್ಲಿ ಹೊತ್ತಿ. ತನ್ನಾ ಜೆಜುನ್ ಬಾರಿಕ್- ಬಾರಿಕ್ ದೊರಿಯಾನಿ ಎಕ್ ಬಾರ್ಕೊಲ್ ಕರ್ಲ್ಯಾನ್, ಅನಿ ಸಗ್ಳ್ಯಾ ಜನಾವರಾಕ್ನಿ, ಬಕ್ರ್ಯಾಕ್ನಿ, ಗೊರಾಕ್ನಿ ಭಾಯ್ರ್ ಹಂಬಡ್ಲ್ಯಾನ್, ಪೈಸ್ಯಾಂಚೊ ಯಾವಾರ್ ಕರ್ತಲ್ಯಾಂಚಿ ಮೆಜಾ ಪಾಡ್ವುನ್ ಘಾಟ್ಲ್ಯಾನ್ ಅನಿ ತೆಂಚೆ ಪೈಸೆ ಮಾಳ್ಬರ್ ಕರ್ಲ್ಯಾನ್. ಅನಿ ಪಾರಿವಾಳಾ ಇಕ್ತಲ್ಯಾಕ್ನಿ, ತೆಂಕಾ ಹಿತ್ನಾ ಭಾಯ್ರ್ ಕಾಡಾ! ಮಾಜ್ಯಾ ಬಾಬಾಚೆ ಘರ್ ಬಾಜಾರ್ ಭರ್ತಲೊ ಜಾಗೊ ಕರುನ್ ಥವ್ನಕಾಶಿ! ಮನುನ್ ಸಾಂಗಟ್ಲ್ಯಾನ್.
ತ್ಯೆಚ್ಯಾ ಶಿಸಾಕ್ನಿ ಪವಿತ್ರ್ ಪುಸ್ತಕ್, "ಮಾಜ್ಯಾ ದೆವಾ ತುಜ್ಯಾ ಘರಾಸಾಟ್ನಿ ಮನುನ್ ಹೊತ್ತಿ ಮಾಜಿ ಉರ್ಬಾ ಎಕ್ ಆಗಿ ಸರ್ಕೆ ಮಾಜ್ಯಾ ಭುತ್ತುರ್ ಜಳುಲಾ" ಮನ್ತಲ್ಯಾ ಗೊಸ್ಟಿಯಾಂಚಿ ಯಾದ್ ಯೆಲಿ.
ತುಮ್ಚಿ ಆಂಗಾ ಪವಿತ್ರ್ ಆತ್ಮ್ಯಾಚಿ ಗುಡಿಯಾ ಮನುನ್ ತುಮ್ಕಾ ಗೊತ್ತ್ ನಾ ಕಾಯ್? ತೊಚ್ ಆತ್ಮೊ ತುಮ್ಚ್ಯಾ ಭುತ್ತುರ್ ವಸ್ತಿ ಕರ್ತಾ ಹೊಯ್ ಕಾಯ್ ನಾ? ದೆವಾನುಚ್ ತೆಕಾ ತುಮ್ಕಾ ದಿಲ್ಯಾನಾಯ್, ತುಮಿ ತುಮ್ಚಿಚ್ ಆಸ್ತಿ ನ್ಹಯ್.
ಅಕಾಸ್ಮಾತ್ ಮಿಯಾ ಯೆವ್ಕ್ ಎಳ್ ಹೊಲ್ಯಾರ್ಬಿ ದೆವಾಚ್ಯಾ ಸಂಸಾರಾತ್ ತೆ ಝಿತ್ತ್ಯಾ ದೆವಾಚೊ ಲೊಕಾಂಚೊ ತಾಂಡೊ ಹೊವ್ನ್ ಅಸಲ್ಲ್ಯಾ ಘರಾಕ್ ಎಕ್ ಖಾಂಬೊ ಅನಿ ಖರ್ಯಾಚೊ ಆದಾರ್ ಕಸೆ ಹೊವ್ನ್ ರ್ಹಾವ್ಚೆ ಮನುನ್ ಹಿ ಚಿಟಿ ತುಕಾ ಕಳ್ವುತಾ.
ಖರೆ ಕ್ರಿಸ್ತ್ ಲೆಕಾಚ್ಯಾ ಸಾರ್ಕೊ ದೆವಾಚ್ಯಾ ಘರ್ಚೊ ವಿಶ್ವಾಸಾಚೊ ಅದಿಕಾರಿ ಅನಿ ಅಮ್ಕಾ ಗೌರವ್ ಹಾನ್ತಲೊ ವಿಶ್ವಾಸ್ ಅನಿ ಬರೊಸೊ ಅಮಿ ಘಟ್ ಸಂಬಾಳುನ್ ಘೆವ್ನ್ ರಾಲಾಂವ್ ತರ್ ಅಮಿಚ್ ತೆಚೆ ಘರ್ ಹೊತಾಂವ್.
ದೆವ್ ಹಾಜಿರ್ ರ್ಹಾತಲೆ ಬಿರಾಡಾರುಚ್ ಅಮ್ಚ್ಯಾ ಪುರ್ವಜ್ ಲೊಕಾಂಚ್ಯಾ ವಾಂಗ್ಡಾ ಡಂಗ್ಳಿತ್ ಹೊತ್ತೆ, ಹೆ ಬಿಡಾರ್ ತಯಾರ್ ಕರ್ತಲೆ ಕಶೆ ಮನುನ್ ದೆವಾನ್ ಮೊಯ್ಜೆಕ್ ಸಾಂಗಲ್ಯಾನ್, ದೆವಾನ್ ಅಪ್ನಾಕ್ ದಾಕ್ವಲ್ಯಾ ಸಾರ್ಕೆಚ್ ತಯಾರ್ ಕರುಕ್ ಮೊಯ್ಜೆಕ್ ಸಾಂಗ್ಲ್ಯಾನ್. ತೆ ಬಿಡಾರ್ ಅಮ್ಚ್ಯಾ ಪುರ್ವಜ್ಯಾಕ್ನಿ ತೆಂಚ್ಯಾ ಬಾಬಾಂಚ್ಯಾಕ್ನಾ ಗಾವ್ಲೆ ಅನಿ ತೆನಿ ಜೊಶ್ವಾಚ್ಯಾ ಫುಡಾರ್ಕಿತ್ ಹ್ಯಾ ದೆಶಾಕ್ ಹಾನ್ಲ್ಯಾನಿ,ತ್ಯಾ ಯೆಳಾತ್ ಹ್ಯೊ ದೆಶ್ ಅನ್ಯಾ ಲೊಕಾಂಚ್ಯಾ ಹಾತಿತ್ ಹೊತ್ತೊ, ಖರೆ ದೆವಾನ್ ತೆಂಕಾ ಅಮ್ಚ್ಯಾ ಪುರ್ವಜಾಂಚ್ಯಾ ಇದ್ರಾಕುಚ್ ಭಾಯ್ರ್ ಘಾಟ್ಲ್ಯಾನ್ ಅನಿ ದಾವಿದಾಚ್ಯಾ ಯೆಳ್ ಪತರ್ಬಿ ಹೆ ಬಿಡಾರ್ ಥೈಚ್ ಹೊತ್ತೆ. ದಾವಿದಾಚ್ಯಾ ವರ್ತಿ ದೆವಾಚಿ ಕುರ್ಪಾ ಹೊತ್ತಿ, "ಮಿಯಾ ಜಾಕೊಬಾಚ್ಯಾ ದೆವಾಕ್ ವಸ್ತಿ ಕರುಕ್ ಮಾಗ್ನಿ ಕರ್ತಲೊ ಜಾಗೊ ಬಾಂದುಕ್ ಮಾಕಾ ಅವ್ಕಾಸ್ ಕರುನ್ ದಿ ಮನುನ್ ದಾವಿದಾನ್ ದೆವಾಕ್ಡೆ ಮಾಗುನ್ ಘೆಟ್ಲ್ಯಾನ್. ಖರೆ ದಾವಿದಾಚೊ ಲೆಕ್ ಸೊಲೊಮೊನಾನುಚ್ ದೆವಾ ಸಾಟ್ನಿ ವಸ್ತಿ ಕರ್ತಲೊ ಜಾಗೊ ಭಾಂದ್ಲ್ಯಾನ್".
ಖರೆ ಪ್ರವಾದಿನಿ ಸಾಂಗಲ್ಲ್ಯಾ ಸಾರ್ಕೆ ಸಗ್ಳ್ಯಾತ್ ಮೊಟೊ ದೆವ್ ಮಾನ್ಸಾನಿ ಅಪ್ಲ್ಯಾ ಹಾತಿನ್ ಬಾಂದಲ್ಯಾ ಘರಾತ್ನಿ ವಸ್ತಿ ರ್ಹಾಯ್ನಾ, ಮನುನ್ ಲಿವಲ್ಲೆ ಹಾಯ್:
ಸರ್ಗ್ ಮಾಜೊ ಸಿವಾಸನ್, ಅನಿ
ಜಿಮಿನ್ ಮಾಜೆ ಪಾಯ್ ಥವ್ತಲಿ ಮ್ಹನಿ
ತುಮಿ ಮಾಜ್ಯಾ ಸಾಟ್ನಿ ಕಸ್ಲೆ ಘರ್ ಬಾಂದುಕ್ ಹೊತಾ?
ಮಿಯಾ ಆರಾಮ್ ಕರ್ತಲೊ ಜಾಗೊ ಖೈ ಹಾಯ್?
ಹೆ ಸಗ್ಳ್ಯೆ ಮಿಯಾಚ್ ರಚಲ್ಲೆ ನ್ಹಯ್ ಕಾಯ್!
ತನ್ನಾ ಜಾಕೊಬ್ ನಿಜೆತ್ನಾ ಜಾಗೊ ಹೊವ್ನ್ "ಖರೆಚ್ ಸರ್ವೆಸ್ಪರ್ ದೆವ್ ಹ್ಯಾ ಜಾಗ್ಯಾರ್ ಹಾಯ್ ಮನುನ್ ಮಾಕಾ ಗೊತ್ತ್ ನತ್ತೆ" ಮಟ್ಲ್ಯಾನ್. ತನ್ನಾ ಜಾಕೊಬ್ ಭಿಂವ್ಲೊ, ಅನಿ "ಹ್ಯೊ ಪವಿತ್ರ್ ಜಾಗೊ, ಹೊಯ್ ಕರೆಚ್ ದೆವಾಚೆ ಘರ್, ಅನಿ ಸರ್ಗಾಚೆ ದಾರ್" ಮಟ್ಲ್ಯಾನ್.