Gênesis 28

1 ಯಾಕೊಬಾನ್ ಇಸಾಕಾಕ್ ಬಲ್ವುನ್ ಆಶಿರ್ವಾದ್ ದಿವ್ನ್, ತೆಕಾ ಕಾನಾನಾಂಚ್ಯಾ ಚೆಡ್ವಾಕ್ನಿ ತಿಯಾ ಲಗಿನ್ ಹೊವ್ನಕ್ಕೊ. 2 ತನ್ನಾ ತಿಯಾ ಹೊ ಜಾಗೊ ಸೊಡುನ್ ಪದ್ದನ್ ಅರಾಮಿತ್ ತುಜ್ಯಾ ಬಾಯ್ಚೊ ಬಾಬಾ, ಅಜ್ಜಾ ಬೆತುವೆಲಾಚ್ಯಾ ಘರಾಕ್ ಜಾವ್ನ್ ತುಜೊ ಮಾಮಾ ಲಾಬಾನಾಚ್ಯಾ ಎಕ್ ಲೆಕಿಕ್ ಲಗಿನ್ ಕರುನ್ ಗೆ. 3 ಸರ್ವೆಸ್ಪರ್ ದೆವ್ ತುಕಾ ಆಶಿರ್ವಾದ್ ದಿವ್ನ್, ತುಕಾ ಲೈ ಪಿಳ್ಗಿ ದಿವ್ನ್ ಲೊಕಾಂಚ್ಯಾ ದೆಶ್ಯಾಕ್ನಿ ಬಾಬಾ ಕರುಂದಿತ್. 4 ಅನಿ ಅಬ್ರಾಹಾಮಾಕ್ ದಿಲ್ಲಿ ಗೊಸ್ಟ್ ಅನಿ ಆಶಿರ್ವಾದ್ ತುಕಾ ತುಜ್ಯಾ ಪಿಳ್ಗಿ ಗಾಂವ್ದಿತ್, ಅನಿ ದೆವಾನ್ ಅಬ್ರಾಹಾಮಾಕ್ ದಿಲ್ಲೊ ಜಾಗೊ ಅನಿ ಅಮಿ ವಸ್ತಿ ಹೊತ್ತೊ ಜಾಗೊ ತುಜ್ಯಾ ತಾಬೆತ್ ಹೊಂವ್ದಿತ್, ಮನುನ್ ಧಾಡುನ್ ದಿಲ್ಯಾನ್. 5 ತಸೆಚ್ ಜಾಕೊಬ್ ಪದ್ದನ್ ಅರಾಮಿಕ್ ಬೆತುವೆಲಾಚೊ ಲೆಕ್ ರೆಬೆಕ್ಕಾಚೊ ಭಾವ್ ಲಾಬಾಚ್ಯಾ ಘರಾಕ್ ಗೆಲೊ, ರೆಬೆಕ್ಕಾ ಜಾಕೊಬಾಚಿ ಅನಿ ಎಸಾವಾಚಿ ಬಾಯ್. 6 ಕಾನಾನಾಚ್ಯಾ ಚೆಡ್ವಾಕ್ನಿ ಲಗಿನ್ ಹೊವ್ವ್ ನ್ಹಯ್ ಮನುನ್ ಅಪ್ಲೊ ಬಾಬಾ ಇಸಾಕಾನ್ ಜಾಕೊಬಾಕ್ ಆಶಿರ್ವಾದ್ ದಿವ್ನ್, ಲಗಿನ್ ಹೊವ್ಕ್ ಮನುನ್ ಪದ್ದನ್ ಅರಾಮಿಕ್ ಧಾಡಲ್ಲೆ, ಅನಿ ಜಾಕೊಬಾಕ್ ಹುಕುಮ್ ದಿಲ್ಲೆ ಎಸಾವಾಕ್ ಕಳುನ್ ಯೆಲೆ. 7 ತಸೆ ರ್‍ಹಾತಾನಾ ಬಾಬಾಚ್ಯಾ ಅನಿ ಬಾಬಾಯಿಚ್ಯಾ ಗೊಸ್ಟಿಕ್ ಮಾನುನ್ ಜಾಕೊಬ್ ಪದ್ದನ್ ಅರಾಮಿಕ್ ಗೆಲೊ. 8 ಅಪ್ನಾಚಿ ಲೆಕಾ ಕಾನಾನಾಚ್ಯಾ ಚೆಡ್ವಾಕ್ನಿ ಲಗಿನ್ ಕರುನ್ ಘೆತಲೆ ಬಾಬಾಕ್ ಮನ್ ನಾ ಮನುನ್ ಎಸಾವಾಕ್ ಕಳ್ಳೆ. 9 ಎಸಾವಾಕ್ ಲಗಿನ್ ಹೊವ್ನ್ ದೊನ್ ಬಾಯ್ಕಾ ಹೊತ್ತಿ, ಹೊಲ್ಯಾರ್ಬಿ ಅಬ್ರಾಹಾಮಾಚೊ ಲೆಕ್ ಇಸ್ಮಾಯೆಲಾಚಿ ಲೆಕ್ ಅನಿ ನೆಬಾಯೊತ್ಯಾಚ್ಯಾ ಭೆನ್ ಮಹಾಲತಾಕ್ ಲಗಿನ್ ಕರುನ್ಗೆತಾ.

ಬೆತೆಲಾತ್ ಜಾಕೊಬಾಚೆ ಸಫಾನ್

10 ಜಾಕೊಬ್ ಬೆರ್ಶೆಬಾಕ್ನಾ ಹಾರಾನಾಕ್ಡೆ ಗೆಲೊ. 11 ತ್ಯಾ ರಾತ್ತಿನ್ ರಾವ್ಕ್ ಎಕ್ ಬರ್‍ಯಾ ಜಾಗ್ಯಾಕ್ ತೊ ಯೆಲೊ, ಪವಿತ್ರ್ ಜಾಗ್ಯಾರ್ ಯೆವ್ನ್ ಝೊಪ್ಡೆ ಭಾಂದುನ್ ಎಕ್ ಗುಂಡ್ಯಾಕ್ ಉಸೆ ಕರುನ್ ಘೆವ್ನ್ ನಿಜ್ಲೊ. 12 ತನ್ನಾ ಜಾಕೊಬಾಕ್ ಎಕ್ ಸಫಾನ್ ಪಡ್ತಾ, ಎಕ್ ನಿಸನ್ ಸರ್ಗಾಕ್ ಲಾವ್ನ್ ಜಿಮ್ನಿ ವರ್‍ತಿ ಇಬೆ ಹೊತ್ತಿ ರ್‍ಹಾತಾ, ತೆಚಿ ತುದಿ ಮಳ್ಬಾಕ್ ಪಾವಲ್ಲಿ ರ್‍ಹಾತಾ, ಜಾಕೊಬ್ ತ್ಯಾ ನಿಸನಿ ವರ್‍ತಿ ದೆವ್ ಧುತಾ ಚಡ್ತಲೆ ಅನಿ ಉತರ್ತಲೆ ಬಗ್ತಾ. 13 ಅನಿ ಥೈ ವಯ್ರ್ ಸರ್ವೆಸ್ಪರ್ ಇಬೆ ಹೊತ್ತೆ ಜಾಕೊಬಾಕ್ ದಿಸ್ತಾ, ತನ್ನಾ ಸರ್ವೆಸ್ಪರ್ ದೆವಾನ್ ತೆಕಾ, "ಮಿಯಾ ತುಜ್ಯಾ ಅಜ್ಜಾ ಅಬ್ರಾಹಾಮಾಚೊ ದೆವ್ ಬಾಬಾ, ಅನಿ ಮಿಯಾ ಇಸಾಕಾಚೊ ದೆವ್, ಅತ್ತಾ ತಿಯಾ ನಿಜಲ್ಲೊ ಜಾಗೊ ಅನಿ ಹ್ಯೊ ದೆಶ್ ತುಕಾ ಅನಿ ತುಜ್ಯಾ ಪಿಳ್ಗಿ ದಿತಾ. 14 ಜಿಮ್ನಿಚ್ಯಾ ವರ್‍ತಿ ಮೆಜುಕ್ ಹೊಯ್ನಾ ತವ್ಡಿ ದುಳ್ ಹಾಯ್ ನೈ ತುಜಿ ಪಿಳ್ಗಿ ತವ್ಡಿ ಲೈ ರ್‍ಹಾತಾ, ತುಜ್ಯಾ ವೈನಾ ಅನಿ ತುಜಾ ಪಿಳ್ಗಿ ವೈನಾ ವೈನಾ ಜಿಮ್ನಿ ವೈರ್ ಹೊತ್ತ್ಯಾ ಸಗ್ಳ್ಯಾ ಕುಲಾಕ್ನಿ ಆಶಿರ್ವಾದ್ ಯೆತಾ, ಅನಿ ಚಾರಿ ದಿಕ್ಕಾಕ್ಬಿ ತುಜಿ ಪಿಳ್ಗಿ ಪಗ್ಳುನ್ ಜಾತಾತ್. 15 ಅನಿ ತಿಯಾ ಜಾತಲ್ಯಾ ಹರ್ ಎಕ್ ಜಾಗ್ಯಾರ್ ಮಿಯಾ ತುಕಾ ರಾಕ್ತಾ; ತುಕಾ ಪರ್‍ತುನ್ ಮಿಯಾ ಹ್ಯಾ ಜಾಗ್ಯಾಕ್ ಬಲ್ವುನ್ ಘೆವ್ನ್ ಹಾನ್ತಾ, ಅನಿ ತುಕಾ ದಿಲ್ಲಿ ಗೊಸ್ಟ್ ಫುರಾ ಕರಿನಸ್ತಾನಾ ಮಿಯಾ ಸೊಡಿನಾ" ಮನುನ್ ಸಾಂಗ್ಲ್ಯಾನ್.

16 ತನ್ನಾ ಜಾಕೊಬ್ ನಿಜೆತ್ನಾ ಜಾಗೊ ಹೊವ್ನ್ "ಖರೆಚ್ ಸರ್ವೆಸ್ಪರ್ ದೆವ್ ಹ್ಯಾ ಜಾಗ್ಯಾರ್ ಹಾಯ್ ಮನುನ್ ಮಾಕಾ ಗೊತ್ತ್ ನತ್ತೆ" ಮಟ್ಲ್ಯಾನ್. 17 ತನ್ನಾ ಜಾಕೊಬ್ ಭಿಂವ್ಲೊ, ಅನಿ "ಹ್ಯೊ ಪವಿತ್ರ್ ಜಾಗೊ, ಹೊಯ್ ಕರೆಚ್ ದೆವಾಚೆ ಘರ್, ಅನಿ ಸರ್ಗಾಚೆ ದಾರ್" ಮಟ್ಲ್ಯಾನ್.

18 ಮಾನಾ ದುಸ್ರೆ ದಿಸಿ ಸಕ್ಕಳಿ ಜಾಕೊಬ್ ಉಟುನ್, ಅಪ್ನಿ ಟಕ್ಲ್ಯಾಚ್ಯಾ ಖಾಲ್ತಿ ಘೆಟಲ್ಯಾ ಗುಂಡ್ಯಾಕ್ ಯಾದೆಚೊ ಖಾಂಬ್ಯಾ ಸಾರ್ಕೆ ನಿಟ್ಟ ಜಿಮ್ನಿತ್ ಇಬೆ ಕರುನ್ ತ್ಯಾ ಗುಂಡ್ಯಾ ವರ್‍ತಿ ಆಲಿವ್ ತೆಲ್ ವೊತ್ಲ್ಯಾನ್ . 19 ಮಾನಾ ತ್ಯಾ ಜಾಗ್ಯಾಕ್ ಜಾಕೊಬಾನ್ ಬೆತೆಲ್ ಮನುನ್ ನಾವ್ ಥವ್ಲ್ಯಾನ್, ಅದ್ದಿ ತ್ಯಾ ಜಾಗ್ಯಾಕ್ ಲುಜ್ ಮನುನ್ ನಾವ್ ಹೊತ್ತೆ.

20 ತನ್ನಾ ಜಾಕೊಬಾನ್ ಸರ್ವೆಸ್ಪರಾಕ್ ಪ್ರಯಾನ್ ಕರುನ್: ಅನಿ ದೆವ್ ಮಾಜ್ಯಾ ವಾಂಗ್ಡಾ ರ್‍ಹಾವ್ನ್ ಮಾಕಾ ರಾಕುನ್ ಜೆವಾನ್ ಅನಿ, ನೆಸುಕ್ ಕಪ್ಡೆ ದಿವ್ನ್, 21 ತಿಯಾ ಮಾಜೊ ದೆವ್ ಮನುನ್ ಮಿಯಾ ಮಾಜ್ಯಾ ಬಾಬಾಚ್ಯಾ ಘರಾಕ್ ಆರಾಮಾನ್ ಜಾವ್ನ್ ಪಾವ್ತಾ. 22 ಅನಿ ಮಿಯಾ ಗೊಂಡೊ ಪುರಲ್ಲೊ ಜಾಗೊ ಪವಿತ್ರ್ ಹೊವ್ನ್ ಆರಾದನ್ ಕರ್ತಲೊ ಜಾಗೊ ಹೊವ್ನ್ ರಾಂವ್ದಿತ್, ಅನಿ ದೆವಾನ್ ದಿಲ್ಲ್ಯಾ ಧಾತ್ಲೊ ಎಕ್ ಭಾಗ್, ಮಿಯಾ ದೆವಾಕ್ ದಿತಾ ಮಟ್ಲ್ಯಾನ್.