5 momentos em que Jesus mostrou como amar ao próximo

44 Mbali nie nowalongeleni weng’heni wende wahasanyi wenu na kuwapulila waja womdununzani,

30 Yesu kedika kalonga, munhu imwe kalawa Yelusalem kuita Yeliko, viyakalile nzila wabavi wamvamila na kumvula vivalo vake na kutoa na kumboka chila chinhu, na wamleka bahaja behi na kudanganika. 31 Labaho mlava nhambiko imwe kakala yobita nzila ija, viyamonile munhu ija yavamiligwe na wabavi kabita kumgwazo. 32 Amala kabita mwanahina wa mlava nhambiko imwe nayo viyamonile munhu ija yavamiligwe na wabavi kabita kumgwazo ivija. 33 Mbali munhu imwe wa isi ya Samalia viyakalile muumwanza, kabita haja hakalile munhu ija na viyamonile kamonela bazi. 34 Kaita kwa munhu ija kamsunha goya vilonda vake amala kamgela divai na kumfunga, baho kamkweza mchihongwe wake amala kamgala muing’anda yakugona nyambenyambe ili wamlole goya. 35 Viivikile igolo, ija munhu wa isi ya Samalia kalava vihande vidi va madini ga sente ng’hulu kamwing’ha mlolezi wa ija ng’anda, na kamlongela, "Mlole goya ino mtamu na kama sente zokongezeka, niye nahabwela nokwiza kukuliha."

36 Labaho Yesu kauza, Vuutonga kwa wanhu waja wadatu yelihi iyo miage munhu ija yatoigwe na Majambazi?"

37 Na mfundaji wa ndagizi za Musa kedika, kalonga "Ija yamonele bazi iyo miage." Yesu kamlongela, "Genda kasang’hane ivoivo."

3 Wafundaji wa ndagizi za Musa na Mafalisayo wamgala kwa Yesu mwanachike imwe yagogigwe ugoni, wamwika haulongozi wao.

4 Baho wamuuza, "Mfundaji, mwanachike ino kagogigwa muugoni. 5 Mzindagizi zetu za Musa yochilagiza kwa mbuli kama ino, mwanachike ino yatoigwe mabwe mbaka yadanganike, na gweye kolongaze? 6 Nao wamuuza mbuli iyo kuno womgeza ili wadahe kumlongeleza. Mbali Yesu kainamila hasi na kwandika kwa chidole haja hasi. 7 Viwagendelele kumuuza ng’hani, nayo Yesu kenuka na kuwalongela, "Kama hana munhu yoyose mmwenu yabule malozo yalongole kumpigisila dibwe." 8 Kainamila kaidi, na kwandika muiisi. 9 Viwahulike mbuli iyo, wasonga kusegela imwe imwe, walongola wavele mbaka Yesu kakala yasigale yaiyeka, na ija mwanachike kema haulongozi hake. 10 Yesu viyenuke kamuuza ija mwanachike, "Mama wakulihi waja wanhu wakulongeleze kumwangu? Ivo, habule hata munhu imwe yakulongele?"

11 Ija mwanachike kalonga, Muhenga habule hata munhu imwe. Nayo Yesu kamlongela, ivija niye sikulamula. Genda zako, na kulawa sambi sekeutende malozo kaidi.

Yesu komhonya mutumigwa wa mmilizi mkulu wa chi Loma

5 Zua dimwe Yesu viyakalile yokwingila muikae ya Kapelinaumu, mkulu imwe wa wamilizi kamuwinza na kumpula 6 kalonga, Mndewa, mtumigwa wangu kawasa ukae, mtamu wa kuholola na kolumwa ng’hani."

7 Yesu kamulongela, "Nokwiza kumuhonya."

8 Mbali iyo mwamilizi mkulu wa Loma kamulongela, "Mndewa, nie silondeka wingile muing’anda yangu. Mbali longa mbuli yoyose tu ya udaho na mtumigwa wangu kohona. 9 Kwavija hata nie nili haulongozi mwa wakulu wangu, nanie nina wamilizi iniwalongoza. Nihamlongela imwe ‘Genda!’ Nayo koita, na nihamulongela imwenga ‘Izo!’ Nayo kokwiza, na kwamtumigwa wangu, ‘Tenda vino!’ Nayo kotenda." 10 Yesu viyahulike mbuli hizo, kakanganyika kawalongela wanhu waja wakalile womwinza, "Nowalongela kweli, sinaona munhu yoyose muiisi ya Izilaeli yeli na nhogola kama ino. 11 Ivo, nowalongeleni kua wanhu wengi wokwiza kulawa kuusimbukilo wa zua na uswelo wa zua, nawo wokala muindia hamwe na Ibulahimu na Isaka na Yakobo muufaume wa kuulanga kwa Mulungu. 12 Mbali waja walondeke kua mu uo ufaume wa Mungu wokwasigwa kunze, mdiziza, uko wolila na kuluma meno." 13 Amala Yesu kamulongela iyo mkulu wa wamilizi wa chi Loma, "Genda ukae na viwe kumwako kama vuutogole." Na saa iija mtumigwa wake kahona.

13 Habule wende mkulu kubita wende wa munhu yolava ugima wake kwa mbuli ya mbwiga zake.