Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Kota vila mhaza vyoyalingumonela isungu mwanage,
ndo Mkulu Nguluwi vyoyalinguwonela isungu wanhu walingumdumba.
Ila hegwe Mkulu, ndo Nguluwi wa kunoga na isungu,
hulinguzudila himahima, kuna winji wa igano lya kwimilila na kukundigwa.
Igano lya hegwe lya kwimilila linoga kusinda ukomu,
nani ndokutogola kwa mlomo wa heni.
Ila Mkulu Nguluwi kanguwidichila muji wa Yelusalemu,
"Ndaze, mamo koweza kumsemwa mwanage yalingong’ha,
yaleche kumonela isungu mwana yawele nakamponda?
Hanga mamo koweza kumsemwa mwanage,
ila heni sikusemwa.
Lole, nanyandika itagwa lyako kuli viganza vya heni,
ndangijesa kuwala ng’hanzi za hegwe chila zuwa.
Mkulu Nguluwi kowatanza wanhu wa heye
Mkulu Nguluwi kangubeteza kuwalajila hemwe isungu,
nakewika goya kuwalechela kwa vila mazuwa gose kanguditaga gawele ga hachi.
Nawatambichizwa wala weng’ha walingitumbila kwa heye.
Gwa, Nguluwi, whaani yawele kota hegwe?
Hegwe kwangugalechela gehile ga wanhu wa hegwe wasigale,
ne kulola nongwa za hewo.
Ng’halazi ya hegwe hailingikala mazuwa gose,
ila kwangusangalala ng’hatu kutulajila igano lya kwimilila lya hegwe.
"Ndowadita wanhu wa Yuda weme nzinzili,
na kuwalohola walelwa wa Yusufu.
Ndowahilula hali haluga ha hewo, kwa vila ndanguwonela isungu.
Wowa kota wanhu wawele siwalemile aho hamwande,
kwa vila heni ndo Mkulu Nguluwi, Nguluwi wa hewo, ndowedichila.
"Heni Mkulu Nguluwi Mbele na Mong’ho ndangulonga, ‘Ndikomya mwamule kwa hachi, milajile igano lya kwimilila na isungu hali hemwe. Mleche kuwabunza wafililwe na walume wawo ne walekwa ne wajenzi ne wazunwa. Mleche kunuwila kudita gehile hali hemwe.’
Hemwe mwa wanhu wa Nguluwi, heye nakawagana na kuwahagula muwe wa heye. Ahyo, lelo mvale nhumbula ya isungu na nhumbula inojile na uliholile na kunyenyetela na kwimilila.
Ila muwe na isungu na mitanze, chila yumwe wa hemwe yalechele gehile ga miyage, kota Nguluwi vyoyalingulechela gehile ga hemwe kwa kukolela Kilistu.
Kugazika kwa chiwalo cha kudita ganojile
Hemwe mwengha mwanguganigwa muwe na nhumbula imwe na majesa gamwe na mwanguganigwa kigana chilukolo na muwe waliholile na chila munhu yawe yalingumgana myage.
Lelo, munhu wone yawe na lufufu lwa aha muisi, hamba yamone mng’holoze yawele na nongwa, ila heye yawe na nhumbula igagadale, koweza ndaze kulonga kota kangumgana Nguluwi?
Paoli kangulonga malumbo Nguluwi
Yatogoligwe Nguluwi yawele ndo Mhaza wa Mkulu wa hetwe Yesu Kilistu, Mhaza wa isungu na Nguluwi yalingigala uhembulizo wa vyeng’ha. Heye kangutuhembulizaga hetwe kuli magazo ga hetwe geng’ha, leka natwe tuwahembulize wanji kuli chila magazo kwa uhembulizo uwele natuubochela kulawa kwa Nguluwi.
Ayu Mtambika Mkulu wa hetwe yoweza kutonela isungu kwa ung’hochele wa hetwe, heye yuye nakajezigwa kwa chila mbuli kota hetwe ila haditile gehile.
Msangalale hamwe na wawele ngusangalala, mlile hamwe na wala walingulila.
Lelo, wang’holozangu, ndaguwalaga! Muwe mwenele na mibatilile malajizo ga heni na muwe na kunuwila kumwe na mikale goya, naye Nguluwi wa igano na kikala goya kowa hamwe na hemwe.