Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Oose ifixxee anni godoba ba’latamma qicishsha
Duuchchi Woddik Goottinna isoo magnoofataakeeri’a ba’lataan.
Ee Dada Duuchchike Goottaa!
Ati kinni araarendatokinna o’wittatok Mageni,
mufe dandeettatoke, ossa atixxinna xuurameessumma atixxi bira saxxe’eeken.
Duuchchi woddixxi atixxi jaalala hedhotenaa’n midde
caaldeexxe kaddeemmaxxee’e afo’i ank atee saada’neen.
Mundeebo’nok ganteenek Duuchchi Woddike Goottixxe lumoxxe jaalalaxxeeten;
mararte isixxinna hara muddabaaxxen.
Isenna gorsa gorsa’ninna haaroxxe;
addatensha isixxinna lumoxxe.
«Ama ununstaaka ifika finna deetaa?
Yookaani ildeexxe anno’aa marartabaa?
Ise deetolenna midde
Ani kinn atee dedhabo’non! Hiyya’nee Duuchchi Woddik Gootti.
Iyyerussaalem ani kinni anxe angake baatani hana borreessedheennen;
dalla’a atikanna duuchchi wodda qaabbatannon.
Duuchchi Woddiki Gootti kinni ha’no’a o’waa ossaan;
mararte ifixxanna ha’no’a leellisho’a ke’aan.
Duuchchi Woddiki Gootti Magen dhugaa muraake kademmaxxee
isoo addatati heqqedhaak eebbisemeeken.
Ifike qadaadixxe hafexxa
cubbo gattowwaal hiyye, walaak,
atishsha hedheek Mageni aate?
Ati duuchchi woddi’a mufataboxxo;
yaane kinni mararte leellishate’ni gammaadatton.
«Ani Yihudaka arda jajjabeessannoni;
Yoossefika ardanna anjirannoni.
Insa’ne’a mararaannaxxee’e
Insa’neexxe bakkabaa insa’nee hiissannoni:
insa’nenna ani gibebe’noke,
manna kandaani;
Ani Duuchchi Woddike Gootta insa’neeke Mageno kadeennaxxee,
soodachcho insa’neexxa laqannoni.
«Lumoki Duuchchi Woddiki Gootti hiyya’nee qici, ‹Dhugaatixxa murte murre; weli’aanni weli marartine ba’latte. Aro’o shi’witeexxa melaalle, yookaani annakanna ama afebaaxxa yookaan alaga, yookaani hiyyeessa rakkissinoqe’e; godoba ha’nooki giddonna mitti mittekee fuggoxxa hedinoqqe’e.›
Yoona ha’noo Mageni fi’leekenna woyyoole, eeyyendineeke kaddinemma qicinni maraarte, arjunte, shaqunte, sigguntenna ossunte oddo’we!
Mageni Kiristoosi darree’n ha’no’aa gattowwaali hiyyemmashshanni ha’noonna weli’anni weli gattowwaali hiyye! Ba’lakenna weli’anni weli owwitinaake kadde!
Udumitaaxxe’n ha’no duuchchiing, mitte yaadinni hedhdhe; mitti mittiinxa rakko ifixxishsha asseexxi uudowwaal; dayyummatixxe jaalalanni weli eeyye; ba’lakenna o’waloke kadde.
Ayyinna karra afeenni hedheexxi dayyi rakkataa wodda afeexxi marara gophoole Mageniinxi jaalala hittata isi giddo hexxaa?
Marartetik anninna dayyesak duuchchike Mageno kade’eek no’oka Gootta Yessuusi Kiristoosike anni’a Mageni’a galati geyowaal. No’o Magenbaa’ni alfinenexxe dayyeesanni rakkoti giddo hedhdheka manna duuchcha dayeesa dandenanoshsha Magen no’o rakko no’oxxe duuchcha’n dayyeesa’neen.
No’o anfeennek umi qeesichchi ifigopha no’oxxe’ni no’aa mararaaken; isi mitte cubbonna hujeba malee’e duuchchiinxe yaanenni no’oshshanni hega uudeme’eeken.
Gammadakern welt gammadde; oodhakerninna oodhdhe.
Yoona anke dayyuwwa nage’iki hedhdhe! Wo’ma manna kadde! Gorisa anka laqqe! Weli’ani weli aage! Nage’iki hedhdhe! Iitta kadinoole eeyyuntetikinna nage’inki Magen ha’noni welti hedhdhaani.