Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Ntucenu, ntuge fye zhni Shekwoyi aza aknyiknyiyi nu, agyigyiyi njesnu ayeyeyi dəidəi, fye kwu fyehni pwi n snusnugyei, n ɓəmanaizhnii, n tukwogbai, n aɓəzhnii pəceye ɓədo n bwugbaɓwai.
Fye zhni aje shebmyashi njesnu fya wu aje snusnugye, fyei zo aje abwi n ɓwasnu shi, dna n Kirisiti, Shekwoyi ɓə zo fye abwi nyi.
N kpmasnu, əfye vnyanya, fye kwu zhi n bwugbai gbmanyi, fye kwu zhni asnusnugyeyi. Fye ye n ajei, fye ɓwa bwugba n ajei, njesnu na atukwoi gbàgbài.
Ngye n əzaho n anyaɓwai ya zhi lo wa gye əwodo kwo mapwi n dna n anyisnagyi, ama to wa wna wo snusnu m, Shekwoyi yeye dnalo n əza yi n wunanu a?
Cici ga Shekwoyi ɓədo n Dada əyi Dagayi Yeisu Kirisiti nyai, Dada snusnugye nya ɓədo n Shekwoyi atnazhniyii vnyanya, n əwo nu zhni yi atna fyi n əyi azhnìgye vnyanya, nabai n yi ɓa myi ya zhni aza yi atna n ɓa fyilo n azhnìgye dəhodəhoi n bwugbafui, n əyihni yi la gwo n Shekwoyi nyi.
Ntuge yi to n pirisiti dnagbmai nu, n wo taa myi wa kpe əyi akalágba əɓo ye m, ama yi n zaknayii lo, n a ɓə kwu wo mwi n zokwo dəhodəhoi n ɓwasnu ngye əyi; dudulonu wo to ɓə zhni leifyi m.
Fye dagbma n aza yii n ɓa dagbma; fye zhni bwugbazhii n aza yii ń ɓa fyi n bwugbazhii.
N kpmasnu, əmiaje azanugbai n anyikwozai, fye zhni bwugbabwui! Fye yì fyehni fya kwu zè anunui, fye ga aje bwugbamyizhi, fye kwu zhi n bwugbai gbmanyi, fye kwu zhi n bwugbafui. Njesnu Shekwoyi yeyeda n bwugbafui wo ɓa kwnusnu n fyei.