9 Ukpo uwu bɔkɔ a ya yi ma akwɛyi a ngbɛlɛ yi e lomesu mbala Umɛ wu, Ɔkwu nzu, Ɔzhizɔsi Okrasi awu, ee wo iyi bɔkɔ e so lɛɛbi.

16 Lunyi lu yitu te lu kwu Ɔtɛpu uwu Ukpo mbaa bɔkɔ Kwundu uwu Ukpo e yi le mo?

12 Ɛnwu i yi asanga riba; tetete akwu ɛnwu ikpɛnyi. Tegba Okrasi e yi le.yi.

16 Ɔtɛpu uwu Ukpo a kpakya mbala kwunu ungwu eshi mo. Moo kinzu ki yi kyamate Ɔtɛpu uwu Ukpo tayi. Mate bɔkɔ Ukpo e so mekyeki te: <<Imi mi ŋɔ mbala mba, mi gba mi gɔ mbala mba, akwɛyi mi kwu Ukpo mba, umba ba aakwu enzu mi.>>

17 Kwuwo kwɔlɛ, gba onzu akwu uwu Okrasi, onzu awu akwu onzu uwepo ŋa; apula iyeki i ka-a, iyepo ba i bo-o! 18 Ɛlɛ kpɛkpɛyi i ngyi mbaa Ukpo uwu bɔkɔ e lo nzu mesu mbala wu kwuwongu bɔkɔ ki nyama la Ɔzhizɔsi awu. 19 Iyi bɔkɔ mi yi mu isomo gba i yi te, Ukpo e yi mu ɔgwuzɛ iwomo kaa enzu lɛɛbi lo gba lo lomesu mbala wu kwuwongu ɛduma iyi bɔkɔ Okrasi e wo. Kwuwo kwɔlɛ, Ukpo e yi mbo ombu uwu ingbomo fo akwɛyi e shi nzu ɛduma iyi ilɔ izɛma iyi ilomesu mbala wu.

20 Pwa! Imi mi ri ele mu kenzugwu, mi yi mu kwuwo ilama mu riku; onzu uwu bɔkɔ a pwa opwu mi akwɛyi a wu riku ma, mi fyemo akwɛyi mi ri kiya mbala wu akwɛyi uwu tete e ri kiya mbala mi.

3 Mi pwa opwu uwɔkwuu u wɔ mbaa ukpa uwɛsu u yi mu iso isomo tee: <<Kwogba ungwu Ukpo kwu yi mbala enzu kekelele-e! Aa ŋɔ mbala mba, umba ba akwu enzu wu. Ukpo mafyi wu ee yi mbala mba, akwɛyi akwu Ukpo mbo.

20 <<Moo munamuna mbaa bɔkɔ enzu wepo nana wala o kpala ɛlu mu ɛnyi mi, mi yi mbala mba.>>

20 <<Ukpo ilɛma mi akwu kwuwo mbo kɛɛkyi mo. Mi lɛ Ukpo kwuwongu enzu umba bɔkɔ o kwu idu lu fulo ma mi i zɛ mu ilɔ iyesheshi mba. 21 Mi lɛ Ukpo te lɛɛbi mba o kwu wakpɛnyi. Ada, kyamate bɔkɔ uŋɔ ŋɔ yi meka mi, Imi ba mi yi meka ŋa awu, umba tete lo yi meka nzu kaa kwudu kwɔlɛ lakwu kwu idu lu fulo te uŋɔ ŋɔ lɔ mi ma. 22 Mi shi mbo inzumbɛku iyi bɔkɔ ŋɔ shi mi awu, kaa lo kwu wakpɛnyi kyamate bɔkɔ uŋɔ mbala mi ki kwu wakpɛnyi awu: 23 Imi mi yi ma ŋa, uŋɔ ba ŋɔ yi ma mi. Kwuwongwu kaa lo kwu wakpɛnyi kaa kwudu kwɔlɛ lakwu yitu te ŋɔ lɔ mi ma akwɛyi mi pwu idɛnyi mba kyamate bɔkɔ ŋɔ pwu idɛnyi mi tayi.

24 Enzu umba bɔkɔ o mbwalu ɔkpa uwu Ukpo o yi mawu, Ukpo ba e yi mu egbo mbo. Mu ɛlɛ gba ba ki yitu te Ukpo e yi mu egbo nzu le: Ki yitu iyi ɛlɛ kwuwongu Kwundu uwu Ukpo uwu bɔkɔ e shi nzu awu.

20 Kinzu ki yitu kpɔ tee, Umɛ uwu Ukpo e bo mu kwudu kwɔlɛ akwɛyi e shi ki yi iyitu iyi Ukpo ongbulolo. Kinzu ki yi mbala wu kwuwongu Ɔzhizɔsi Okrasi, Umɛ wu. Uwu gba akwu Ukpo ongbulolo uwu bɔkɔ ee shi enzu kwunyɔ ungwɔkpɔ le.

13 Kinzu ki yitu te, ki lo mesu kya mbala Ukpo, uwu tete e lo mesu kya mbala nzu kwuwongu e shi nzu Kwundu wu .

7 Ɛmɛza umba idu mi, la ki pwu idɛnyi iyi esu, kwuwongu idɛnyi i ngyi mbaa Ukpo. Kwuwo kwɔlɛ, gba onzu e pwu idɛnyi iyi enzu, onzu awu akwu umɛ uwu Ukpo, onzu awu e yitu iyi Ukpo.

3 Kinzu ki ta yi anu iyi kiya ingyi ki ma ba ki pwa, kaa lunyi tete la lu kyo mbala nzu mu iyinayina iwomo; moo kinzu tete ki kyo mbala ete nzu Ukpo mbala Ɔzhizɔsi Okrasi Umɛ wu, mu kiya ingyinangyina iwomo.

28 Kekelele ɛmɛ mi, la lu ŋɔ mu Okrasi kaa kwuyengwu bɔkɔ a ba gbama awu, lu fya ɛnwu ɛɛkɔ akwɛyi lovya lu wo yi mo ɔnuwu a ba gbama awu mo.

1 Tabɔkɔ Ukpo e to ombu o sha nzu kwuwongu ikwu idu lu fulo nzu awu, ki yi idigbomo iyi Ukpo mu Ɔkwu nzu Ɔzhizɔsi Okrasi. 2 Ki fya ɔgwuzɛ ma meka wu mu ikwu idu lu fulo nzu akwɛyi ki fye mu esheshi iyi bɔkɔ ki rima ma yi kekelele le. Kinzu ki kwɛnwu mu eyifulomo iyi inzumbɛku iyi Ukpo.

22 Kwuwo kwɔlɛ la ki bo kɛlɛ mbaa Ukpo mu egbo ikpɛnyi mbala ikwu idu lu fulo iyi bɔkɔ i yi aka mo, mbala akɔ iyi bɔkɔ o wulu yi ma mu egbo iyira mbala ɛnwu iyi bɔkɔ o gbɔ yi ma mu embyi wasɛsɛ.

7 Kwuwongwu ɔlɛ, ra la ɛnwu ŋɔ ka shi Ukpo. Uŋɔ ba towo ɔgwuzɛ uwu onzu uwoyi ma akwɛyi a renya e shi ŋɔ. 8 La lu turu gbala Ukpo akwɛyi uwu ba e turu a gbayi lunyi enzu umba ingbomo la lu lafya la kiya ingyira iwomo, la lu nɔngɔ egbo yi ma lunyi umba egbo epo.