1 Imi Ɔpɔlu mbala Osalasi mbala Otimoti gba ki ka kwupu kwɔlɛ le laa enzu umba ɔshɔshi uwu Otesalonika umba bɔkɔ akwu enzu umba Ukpo etenzu mbala Ɔkwu nzu Ɔzhizɔsi Okrasi:

2 Ki lɛ Ukpo Etenzu mbala Ɔkwu nzu Ɔzhizɔsi Okrasi te le shi yi esheshi mbala egbo inɔma.

3 Ɛmɛnɛ mi, kinzu ki yi mu Ukpo ɛnyi igbɛlɛma kwuwo ungwu akwu ɛga te la ki gbɛlɛ wu ɛnyi kwuyengwunanguna kwuwo yi. Ki gbɛlɛ Ukpo ɛnyi kwuwo ungwu idu kwu fulo iya yi mu Ɔzhizɔsi mbala idɛnyi iyi esu iyi bɔkɔ i yi mu ikyomo *kwɔfyi kwɔfyi. 4 Kwuwo ngwɔlɛ kinzu ki kwu ɛnwu kwuwo yi mu ɛshɔshi uwu Ukpo lɛɛbi Kwuwongwu bɔkɔ lu rima ngiri mbala idu kwu fulo mbala imondomo iyi bɔkɔ o o mondo yi lɛɛbi ba lu yi idu. 5 Ɛlɛ lɛɛbi i zɔ te ombu uwu Ukpo akwu ongbulolo, kwuwongu inyashi iyi bɔkɔ lu yi mu imama le, ɛlɛ gba i shi o wa yi te lu kwu ɛmɛ umba Ukpo le . 6 Ukpo akwu u zɔ ombu ongbulolo, enzu umba bɔkɔ o lo yi inyashi awu, uwu e lo mbo inyashi tete. 7 Lunyi umba bɔkɔ o ye yi mu inyashi lomo awu ba e shi yi ɛnwu ɛnwu igbomo.Ɛlɛ i wo kwuyengwu bɔkɔ Ɔzhizɔsi a wɔ moshi a nyɔ la kawu imingɔma mbala alɔgbulɔ wu umba ekpasu. 8 Enzu umba bɔkɔ o yitu iyi Ukpo mo ba o na iso iyi Ɔkwu Ɔzhizɔsi mo, e lo mbo inyashi. 9 O lo mbo inyashi iyɔkpɔɔ, akwɛyi a ramba ma mu idu iyi Ɔkwu ba o fya ekpasu wu iyɛkwu ɛnyu mo. 10 Ɔnuwu bɔkɔ Ɔzhizɔsi a ba nyɔ, enzu wu wa kɛrikɛri o du wu akwɛyi wa mbwalu wu o ya kenzu kuwo wu. Ɛlɛ i kyo yi kwuwongu lu nyama mu iso iyi ki so yi le. 11 Kuwo kwɔlɛ gba ki lɛ Ukpo kwuwo yi iyɔkpɔɔ le te, Ukpo le kyo la wa yi te li kwu enzu wu, kaa mu ekpasu wu la nyɔlɔ ɛduma iyeshi lɛɛbi iyi lu gyi te la lu wo mbala iyinayina iyi lu wo kwuwongu lu nyama la Ɔzhizɔsi. awu. 12 Ki lɛ Ukpo te ɛnyi iyi Ɔkwu nzu Ɔzhizɔsi li yi iduma meka yi, lunyi ba lu fya ipwɔma meka wu tete,mate esheshi iyi Ukpo mbala Ɔkwu nzu Ɔzhizɔsi Okrasi bɔ i yi