9 Nnu’ngu' ywau’bi’li’ka ngaywaankemite mwenga mutame mukiselele pamope na Mwana wake Yesu Kilisitu Bwana witu.

16 Buli, mutangiteli panga mwenga mwa nyumba ya Nnu’ngu' na Loo wa Nnu’ngu' atama nkati yinu?

12 Mundu ai na yi’ga yimo na nkati yake kubile ili’mbi’li’mbi' yambone, nyinyonyo ngamwaibile muyi’ga ya Kilisitu.

16 Kubile na masikisano gaku' kati ya Nyumba ya Nnu’ngu' na inyago? Kwa mwanjaa twenga nga twanyumba ya Nnu’ngu' ywai nkoti. Kati mwabaite Nnu’ngu' mwene,

"Kitamo sangu' salu’a panga kasabe,

no tyanga pamope nabo,

Nalu’a panga na Nnu’ngu' wabe,

nabembe baapanga bandu bangu'."

17 Mundu ywoywoti mana alu’mbine na Kilisitu, apanga kyumbe sayambi', makowe ga kwai’mbu' gabu’i, lingulya, gapangite gayambi'! 18 Lyoti lyengo lya Nnu’ngu' ywatuawaniye twenga na mwene kwa ndi’la ya Kilisitu, na kutupeya lyengo lya kwaawana bandu na ywembe mwene. 19 Ngo baya panga, Nnu’ngu' aabile kaiawana dunia na ywembe mwene kwa ndi’la ya Kilisitu, pangali balanga masambi gababile nago bandu. Ywembe aatulagi tuale liyi’gi’yo lya kwaawana bandu na ywembe mwene.

20 Pi’kaniange! Nenga niyi’ma paniango no panga u’li. Mana mwaayu’wa lilobe lyangu' na kuuyu’wa nniango, naalu’a yingya mumayumba ginu no lya pamope namwenga, namwenga mwalya pamope na nenga.

3 Na nenga nganiyu’wa lilobe liku’lu' bu’ka musi’lu' kiti’gu' sa lenji kalibaya, "Nambi’yambi' potamo wa Nnu’ngu' nga pamope na bandu, na ywembe alu’a tama pamope nabo. Bembe baalu’a panga bandu bake, na Nnu’ngu' mwene aapanga pamope nabo, na aalu’a panga Nnu’ngu' wabe.

20 Kwa mwanjaa popoti palu' pabakongolekana bandu abi’li' au atatu kwa lina lyangu', nenga nibile pakati yabe."

20 "Nalu’byali abo bai, ila nalu’bya boti babalu’a niu’bi’lya bu’kana na abali yabe. 21 Nilu’ba boti babe kili’be simo, Tati'! Nilu’ba babe nkati yitu kati mwenga mwamubile nkati yangu' nanenga nkati yinu. Nilu’ba babe kili’be simo li’nga dunia iu’bi’li panga mwenga nga mwamunitumike. 22 Nenga napei utukupu gu’gu’lu’gu’lu' wamwanipeile, li’nga babe kili’be simo kati twenga mwatubile twabamo, 23 nenga nibe nkati yabe, na mwenga mube nkati yangu', nilu’ba babi’ki’lwe wiso no ba kili’be simo, li’nga dunia itange panga mwenga ngamwamunitumike na mwapendi bembe kati mwamunipendi nenga.

24 Bandu boti babaiyu’wa salya ya Nnu’ngu' batama nkati yake na ywembe nkati yabe, na tutangite panga atama nkati yitu kwa kitumbu sa Loo Mpeleteu ywatupeile.

20 Kai' tutangite panga Mwana wa Nnu’ngu' aisile, na atupei ilimu li’nga tuntange Nnu’ngu' wa kakape. Tubile na umope na Nnu’ngu' wa kakape kwo baa na umope na Mwana wake Yesu Kilisitu. Ayu' nga Nnu’ngu' wa kakape na nga ukoti wangayomoka.

13 Tutangite panga twenga tutama nkati ya Nnu’ngu' na Nnu’ngu' atama nkati yitu, kwa mwanjaa atupei Loo wake.

7 Mwaapendwa bangu', tupendane, kwa mwanjaa upendo ubu’ka kwa Nnu’ngu'. Kila mundu ywabile na upendo, aywo abelekwi kwa Nnu’ngu' na antangite Nnu’ngu'.

3 Satukibweni na kukiyu’wa nga satukinwaya kasinu kai', li’nga na mwenga mupange kiselele na twenga muumope watubile nawo na Tati' na Mwana wabe Yesu Kilisitu.

28 Nambi’yambi' mwabana bangu' mwamupendilwe, mutame nkati yake li’nga paalu’a umukulilwa, twabe twaakangamala li’nga twakaneisika nnu’ngi' yake nsimu wo isa kwake.

1 Kwa nyo, kwa mwanjaa tuyomwike balangilwa aki kwa imani, tubile na amani na Nnu’ngu' kwa ndi’la ya Bwana witu Yesu Kilisitu. 2 Kwo pi’tya imani yitu, Kilisitu atuyu’gu’li nniango wo yingya mungu’ngu' ya Nnu’ngu' yatutama nambi’yambi', na tuu’pi’la kwa kitumbu sa liu’bi’lyo lyo panga kiselele muutukupu wa Nnu’ngu'.

22 Kwa nyo tumwegeli Nnu’ngu' tubile na myoyo ya kweli na kumwu’bi’lya kwo timilika, kwa mwanjaa Nnu’ngu' aapeletiye myoyo yitu milau kwa ndi’la ya myai ya Yesu na yi’ga yitu yaapeleteyilwe na masi' malengebau.

7 Bai, munnyu’we Nnu’ngu', muyi’me kwo kangamala kunkana Ibilisi na ywembe aalu’a kuntila. 8 Mumwegeleli Nnu’ngu', naywembe alu’a kumwegelelya. Mupeleteye maboko ginu, mwenga mwabene sambi. Mwiipeleteye myoyo yinu mwenga mwamubile na mabinio gabi’li'.