Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
तो जिने लोके पतरसो रा वचन सुणी की मानेया, तिने बपतिस्मा लया और तेसी दिने तीन ह्जार माणूंआ रे तकरीबन विश्वासिया साथे मिली गे।
तेबे ये सब विश्वासी प्रेरिता ते शिक्षा पाणे और संगति राखणे रे और रोटी तोड़ने रे और प्रार्थना करने रे लगे रे रये
और यरूशलेमो रे सबी लोका खे डर ऊईगा और बऊत अचम्बे रे काम और चिह्न् प्रेरित करो थे। और सेयो सब विश्वास करने वाल़े कट्ठे रओ थे और तिना री सब चीजा साजिया थिया। और सेयो आपणी-आपणी सम्पति और सामान बेची-बेची की जेड़ी जेसरी जरूरत ओ थी, बांडी देओ थे। और सेयो हर रोज एक मन ऊई की मन्दरो रे कट्ठे ओ थे और कअरे-कअरे रोटी तोड़ी की खुश और मन लगाई की रोटी खाया करो थे और परमेशरो री स्तुति करो थे और सब लोक तिना ते खुश थे और जो उद्धार पाओ थे तिना खे प्रभु हर रोज तिना बीचे मिलाई देओ था।
आसे ये बी खास त्यान राखिए कि आसे आपू बीचे प्यार और खरे कामो खे करने खे एकी-दूजे खे औंसला देया करो। और आराधना रे एकी-दूजे साथे कट्ठा ऊणा नि छाडो, जेड़ी की बऊत जणेया री रवाज ए, पर एकी-दूजे खे समजयांदे रओ और जिंयाँ-जिंयाँ प्रभुए रे वापस आऊणे रे दिनो खे नेड़े आऊँदे देखो, तिंयाँ-तिंयाँ ओर बी जादा एड़ा करेया करो।
देखो, केड़ी उत्तम ओर पली गल्ल ए कि
यहोवे री प्रजा आपू बीचे मिली-जुली की रओई!
ये तो तेस किमती तेलो जेड़ा ए, जो हारूण पुरोईतो रे सिरो पाँदे लटेया था
ओर तेसरिया दाड़िया पाँदिए बह्यी की, तेसरे टाल्लेया रे कूणे तक पऊँची गा।
से हेर्मोन पाह्ड़ो रे तेस पाल़े जेड़ा ए, जो सिय्योनो रे पाह्ड़ा पाँदे पड़ोई!
प्रभुए तो तेती सदा री जिन्दगिया री आशीष ठराई राखी।
जेस साथे आसे दोनो जणे आपू बीचे
मीठिया-मीठिया गल्ला करदे आराधना करने वाल़ेया रे चूण्डो साथे परमेशरो रे मन्दरो रे जाऊँ थे।
कले रणे ते दो माणूं साथे रणे अच्छे ए, कऊँकि सेयो एकी दूजे री मताद करी सकोए सफल ऊणे रिया तँईं। कऊँकि जे तिना बीचा ते कोई एक जणा रूड़ो, तो दूजे से चकणा, पर हाय तेस पाँदे, जो कल्ला ऊई की रूड़ो ओर तेसखे कोई चकणे वाल़ा नि ओ। जेबे दो जणे कट्ठे सऊणे, तो सेयो गर्म रणे, पर कल्ला माणूं किंयाँ आपू खे गर्म राखी सकोआ? जे कोई कल्ले पाँदे अमला करो तो करो, पर दो जणे तेसरा सामणा करी सकोए। जो डोरी तीऊँ तागेया साथे बाटी री ओ से चट नि टूटदी।
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
कऊँकि तुसे सच्चाईया खे मानणे रे जरिए पापो ते पवित्र करी राखे तेबेई एबे तुसे निष्कपटो ते और तन-मन लगाई की एकी-दूजे साथे प्यार करो।
बिना कुड़कुड़ाए एकी-दूजे री आओ-बैठ करो।
पाईचारे रे प्यारो ते एकी-दूजे ते प्यार करो, आपू बीचे आदर करने रे एकी-दूजे ते जादा बढ़ो।
तेबेई जे तुसा लोका बीचे मसीह रे कुछ बी औंसला, प्यारो रे जरिए पैदा ईम्मत, आत्मा री सहभागिता और कुछ करूणा और दया ए, तो मेरी ये खुशी पूरी करो कि एकी दूजे ते सहमत रओ और एक जेड़ा प्यार राखो, एकी दूजे ते मेलजोल राखो और एक ई इच्छा राखो।
मसीह रे वचनो खे आपणे दिलो रे बऊत जादा बसणे देओ। सिद्ध ज्ञानो समेत एकी-दूजे खे सिखाओ और चिताओ। आपणे-आपणे मनो रे धन्यावादो साथे परमेशरो खे पजन, स्तुतिगान और आत्मिक गीत गाओ।
एकी दूजे-पाँदे कृपा करने वाल़े और दयालु बणो। जिंयाँ परमेशरे मसीह रे तुसा रे पाप माफ कित्ते, तिंयाँ ई तुसे बी एकी-दूजे रे पाप माफ करो।
ओ साथी विश्वासियो, तुसे परमेशरो रे जरिए आजाद ऊणे खे बुलाई राखे, पर एड़ा नि ओ कि ये आजादी शरीरो रे पापी सबाओ री इच्छा खे पूरा करने रा मौका बणो, बल्कि प्यारो साथे एकी-दूजे रे दास बणो।
इजी बजअ ते एकी-दूजे खे औंसला देओ और एकी-दूजे री विश्वासो रे मजबूत ऊणे खे मताद करो, बल्कि तुसे एड़ा करो बीए।
जे आसे बोलिये कि परमेशरो साथे आसा री संगति ए और फेर न्हेरे रे चलूँ, तो आसे चूठे ए और सच्चो पाँदे नि चलदे। पर जेड़ा परमेशर जोतिया रे ए, तिंयाँ ई आसे बी जोतिया रे चलिए, तो आसे एकी-दूजे री संगतिया रे शामिल ए और तेसरे पुत्र प्रभु यीशु मसीह रा खून आसा खे सारे पापो ते शुद्ध करोआ।
ओ साथी विश्वासियो, आँऊ इना शब्दा साथे आपणी चिट्ठी बन्द करूँआ। खुश रओ, सिद्ध बणदे जाओ, एकी दूजे खे औंसला देंदे रओ, एक ई मन राखो, मेल-मिलापो साथे रओ। तेबे प्यार और शान्तिया रा परमेशर तुसा साथे रणा।
आऊँ तुसा खे एक नयी आज्ञा देऊँआ कि एकी-दूजे साथे प्यार राखो, जेड़ा मैं तुसा साथे प्यार राखी राखेया। तेड़ा ई तुसे बी एकी-दूजे साथे प्यार राखो।