41 Dee nu jieren sien Wuat aunneemen, worden jedeept; un doa worden äant aun däm Dach bie dree-dusent Seelen biejedonen. 42 Un see bleewen bestendich en de Apostel Lia un en de Jemeenschoft un em Broot-Bräakjen un em Jebäd. Apj 20:7 43 Dan kjeem äwa jieda Seel eene Forcht, un väle Wunda un Tieekjens passieeden derch de Apostel. 44 Aul dee oba, dee doa jleewent wieren, wieren toop un hauden aule Dinja jemeensom. Apj 4:32-35 45 Un see vekoften äare Jieta un Hab-un-Goot un vedeelden dee unja aulem, doano aus een jiedra Noot haud. 46 Un jieda Dach wieren see emma eenstemmich em Tempel un bruaken daut Broot han un häa en de Hiesa, neemen daut Äten met Freiden un Eenfachheit von Hoaten 47 un lowden Gott un hauden een Jefaulen bie daut gaunze Volkj. De Har oba deed aule Dach doabie, dee doa jerat worden, to de Jemeent. Apj 4:4; 6:7; 11:21; 14:1

24 un lot ons eena dän aundren achten, om ons to de Leew un to goode Woakjen to reizen, 25 nich onse Vesaumlunk veloten, soo aus eenje de Jewanheit haben, oba unjarenaunda ermootjen, un daut soo väl mea, wan jie dän Dach aunkomen seenen. Ree 13:11-12; Heb 13:3

22 Wiels jie june Seelen jereinicht haben derch de Woarheit jehuarsom sennen, derch dän Jeist to de onjeforwne Broodaleew, aulsoo leeft junt unjarenaunda iernstlich ut een reinet Hoat,

9 Siet gaustfrie unjarenaunda onen Murren. Heb 13:2

10 Leeft junt unjarenaunda met de Broodaleew. En de Iea trakjt dän näakjsten väa. Joh 13:4-15; Flp 2:3

1 Wan et nu irjent eene Ermonunk jeft en Christus, wan irjent een Troost von de Leew, wan irjent eene Jemeenschoft vom Jeist, wan irjent een Metjefeel un Erboarmungen, 2 erfelt miene Freid, daut jie äwareen jesonnen sent, deeselwje Leew haben, äwareen-stemment, en eenem Senn.

16 Lot Christus sien Wuat rikjlich en junt wonen en aule Weisheit, junt unjarenaunda lieren un vemonen met Psalmen, Lowleeda un jeistliche Leeda, met Jnod en jun Hoat sinjen fa dän Harn. Efs 5:19

32 Oba siet unjarenaunda frintlich, metliedent, vejäft eenaunda, jrod soo aus uk Gott junt en Christus vejäft haft. Mat 6:14; 18:22-35; Kol 3:13

13 Wiels jie, Breeda, sent to de Frieheit beroopen, bloos, moakt nich de Frieheit to eene Jeläajenheit fa daut Fleesch; oba derch de Leew deent junt unjarenaunda. 1Pe 2:16; 2Pe 2:19

11 Doawäajen treest junt unjarenaunda un but eena dän aundren opp, soo aus jie uk doonen. Heb 3:13

6 Wan wie sajen, daut wie Jemeenschoft met Am haben, un waundlen en de Diestanis, dan lieej wie un doonen nich de Woarheit. 1Joh 2:4 7 Wan wie oba em Licht waundlen, soo aus Hee em Licht es, dan hab wie Jemeenschoft metenaunda, un daut Bloot von Jesus Christus, sien Sän, reinicht ons von aule Sind. Heb 9:14; Opb 1:5

11 Äwajens, Breeda, freit junt! Siet vollkomen, siet jetreest, habt eenen Senn, hoolt Fräd; un de Gott von Leew un Fräd woat met junt sennen. Ree 15:33; Flp 4:4

34 Een nieet Jeboot jäw Ekj junt, daut jie junt unjarenaunda leewen, daut uk, soo aus Ekj junt jeleeft hab, jie junt unjarenaunda leewen. 3Mo 19:18; Joh 15:12-13,17