23 Mini escu tu elji sh-tini tu mini, tra s-hibã ntreagã tu unã. Atumtsea lumea va s-cunoascã tsi tini mi pitricushi shi lji vrushi atselji, ashã cum mi vrushi sh-mini.

34 Ma vã dau unã dimãndari noauã: s-vã vrets cu un-alantu! Ashã cum mini vã am vrut, ashã sh-voi s-vã vrets cu un-alantu. 35 Di aestã va vã cunoascã tuts cã hits ucenitsilji a melji, macã avets vreari unu cu-alantu."

44 Tuts atselji tsi pistipsea eara deadun sh-itsido lu avea deadun. 45 Elji vindea ciuflichili sh-averili sh-lã-u mpãrtsa a tutulor dupã ananghea a cathiunui. 46 Cathi dzuã stãtea deadun tu templu, frãndzea pãnea prit cãsi, loa hranã cu harauã sh-cu inima discljisã. 47 Elji alãvda Dumnidzãlu avãnda bunãtati nãintea a tut popului. Domnul lji-adãvga a bisearicãljei cathi dzuã atselji tsi eara ascãpats.

3 atsea tsi vidzumã shi avdzãmã, tsi sh-voi s-hitsã deadun cu noi, shi comunitatea a noastrã easti cu Tatãlu shi cu Hiljilu a lui, Isus Hristos.

16 Di aestã lu avem cunuscut vrearea: elu deadi bana a lui trã noi, trã atsea sh-noi prindi s-dãm bana a noastrã trã fratslji.

11 Trã atsea, inimusits sh-agiutats un-alantu ashã di cum fãtsets.

12 tra s-nã inimusim deadun cu voi, prit pistea a unui-alantu, pistea a voastrã sh-a mea.

25 fãrã s-apãrãtsim adunãrili, ashã cum u-au adetea niscãntsã, ma dãnda curaiu a unui-alantu, sh-ahãntu ma multu cã tora videts Dzua a Domnului tsi ma s-aproachi.

2 Tsãnets sartsinili a unui-alantu, sh-ashãtsi voi mplinits legea a Hristolui.

10 Trã atsea, cãt s-putem s-fãtsem ghini a tutulor, ma multu a oaminjlor pistimenji.