A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
heni ndiwe mgati mwa hewo, nagwe uwe mgati mwa heni, leka wenele na wawe chinhu chimwe, leka isi ivizele kota nakundajiza na kwanguwagana kota vyoulingungana.
Ndanguwapa mzilo unyale, migane mwemwe, migane kota vyondilinguwagana. Wone migane, wanhu weng’ha wovizela kota hemwe ndo walanguswa wa heni."
Wanhu weng’ha wa Nguluwi nawalutilila kuwa chinhu chimwe na vinhu vya hewo nawegawila. Nawali woguza lufufu lwawo na vinhu vyowawele navyo hamba nawegawila sendi kwa kiwhana na vinhu vyoyalinguganigwa kuwa navyo chila yumwe. Nawalutilila kiting’hana hamwe chila zuwa kuli Ng’handa ya Nguluwi. Ila mhela wa kumogola mibumunda, naweting’hana kuli ng’handa za hewo na nawalya hamwe chilyo acho kwa usangalalo na nhumbula zigoloche. Nawamtogola Nguluwi, nawaganigwa na wanhu weng’ha. Chila zuwa Mkulu nakawonjezela wanhu kuli chilundo cha hewo wawele nawaloholigwa.
Lotuchiwene na kuhulika ndo tulinguwadamlilani hemwe kahi, leka namwe muwe hamwe na hetwe kuli kikala hamwe tuwele nako na Mhaza na Mwanage Yesu Kilistu.
Hetwe tuya kuvizela igano ndo choni, kwa vila Kilistu nakaulavya ukomu wa heye kwa chiwalo cha hetwe. Natwe vivila twanguganigwa kulavya ukomu wa hetwe kwa chiwalo cha wang’holozetu.
Ahyo mikangaze nhumbula mwemwe baho na kitanza kota vyomlingudita sambi.
Gondilingulonga hano, weng’ha heni na hemwe tikangaze. Makundo ga hemwe gong’hangaza heni na makundo ga heni gokukangazani hemwe.
Tuleche kuleka yila mbuli ya kiting’hana hamwe, kota vila wanhu wanji vyowawele ting’hana, kwa vila yanguganigwa titanze, mina zuwa lila lya Mkulu yahabehi.
Kota vila chuma vyochilingunola chuma,
ndo hihyo du munhu vyoyalingulanguswa na myage.
Mitanze kwa kidwika mhomholo za hemwe, kwa kudita ahyo mokweneza malajizo ga Kilistu.
Lelo chila hotupata mhumhu tuwaditile ganojile wala wamkundile Yesu na wanhu wanji weng’ha.
Fola kuwa wanhu weli kusinda yumwe, kwa vila howowa hamwe wokola mijito goya kwa kitanza. Wone yumwe hali hewo kogwa myage komwinula, ila wone munhu kogwa na kayeka, yowa ndo mbuli yihile ng’hatu kwa vila kowa haduhu wa kumtanza kwinuka. Wone kuwe na chipute wanhu weli wowasa hamwe leka kigalila ivuche, ila munhu koweza ndaze kigalila ivuche heye yaliyeka? Munhu yawele yaliyeka koweza kusumigwa na munhu yunji, ila wanhu weli woweza kumtowa na kumsumya munhu ayo. Kahi ng’weso itawigwe goya ng’hatu kwa nyuzi zidatu, haiweza kudumuka himahima.