A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Nene mghati mwawo, naghwe mghati mwangu, ili wawe wamwe ghendo ghendo. Aho iwanu wa isi watsomanya kuwa ghweghwe kunituma, na kuwa kuwakunda wawo kama pfaunikundile nene.
Lelo noweng'a laghitso lya sambi, Mwikunde. Ka pfaniwakundile nene, namwe mwikunde pfipfo. Mng'atenda apfo, iwanu wose watsomanya ka mwemwe mwa wanafunzi wangu, hamwitsekunda mwemwe kwa mwemwe."
Iwatoghole wose waghendelela kukala hamwe na kwigholela ipfinu pfawo. Tsawang'ali wohutsa mali tsawo ne ipfinu pfawo na kwigholela sendi ka chila imunu pfayabamile. Waghendelela kwitingana mne ing'anda ye Imulungu chila litsuwa. Lekeni hawang'ali womegha chighate, tsawetingana mne tsing'anda tsawo na ukuja ichijo acho kwa ndeng'elo na ghumoyo mtselu. Tsawamtunitsa Imulungu ne iwanu wose wanoghelesighwa nawo. Na chila litsuwa Imtwatsa yang'ali yowongetsela iwanu iwang'ali wokombolighwa.
Twowapetelani aghala ghatwonile na ghatuhulike, ili namwe pfipfila mwilunge na twetwe. Twetwe twilunga na Aba na Yesu Kiristu, Imwanaghe.
Apfi pfipfo pfatuumanya unoghelo pfauli, Yesu Kiristu katulapfila twetwe ughima wake. Na twetwe tuwalapfile ughima wetu ndughu tsetu.
Lelo mwighume ghumoyo na mwiyapfe, ka pfamtenda sambi.
Chanilonga hano, wose twikanze, mwemwe mnitoghole nene na nene nimtogholeni mwemwe.
Kuya tuleke kuleka kwitingana hamwe, ka wamwenga pfawatendagha, ila twighume ghumoyo na tughendelele kutenda apfo, ghendoghendo ka pfamkona litsuwa lye Mtwatsa lya habehi.
Ichuma chonola chuma chiyaghe, pfipfo na imunu na sale yake pfawenola.
Mwisolele imitsigho, kwa kutenda apfo mtsoghatimitsa ghamalaghitso gha Kiristu.
Lelo chila pfatupata uleghelo, tuwatendele ghanoghile iwanu wose, ghendoghendo iwanu iwamtoghole Yesu.
Ng'apfu kuwa weli kubita kuwa munu yumwe kwaapfila watsolihighwa pfinoghile kwa isang'ano yawo. Haitsolawila yumwe kaghwa, miyaghe katsomwinula. Lekeni katsochona ayula iyaliyeka hayatsakughwa na kuduhu munu wa kumwinula. Pfipfila iwanu weli wang'awasa hamwe wotsumbuka, lekeni imunu yang'awa yaliyeka yodahatse ukutsumbuka? Munu yumwe kodaha kutsidiwa ngupfu, lekeni wang'awa weli ng'awodaha kutsidiwa ngupfu baye. Mitsabi midatu ing'apfoghosighwa hamwe ng'aisumka ukudumka baye.