A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Miye ninde mndani mwawe nawe mndani mwangu, nalombeza wakint'hizwe kunda kint'hu kimwenga, vileke isi imanye kugamba ni weye wanisigiile. Naho wawaungisa woho enga viya ukuniungisa miye.
Naho ivi haluse nawenk'hani sigilizi mp'hya, ‘Muungane enga viya miye niwaungile, kila yumwenga amuunge miyawe.’ Mnaungana, kila yumwenga naamanye kugamba muwanamp'hina wangu."
Wahuwila wose wagendeelaga kunda hamwenga na kuhangila vint'hu vawe kwa kila yumwenga. Na wakataga vint'hu, no ugoli wawe na kukepangila matundu kuligana na viya kila yumwenga naakaviunga. Kila zuwa dikutimila na wakadugana enga viya fyo mwe Nyumba ya Mnungu, naho nawakadya ndala, wakadya kwa kinyemi na mioyo ya ukise, wakamtogola Mnungu no kuwatende want'hu wose welelwe. Naho kila zuwa Zumbe naakawagenyeza kwe difyo dyawe, kwa wadya nawakayokolwa.
Kiya kikione no kukiva nicho kikuwagambilani vileke nyuwe iviyaiviya mnde hamwenga na suwe mwo uhamwenga kinanao na Tate na mwanawe Yesu Kilisito.
Kwaivo chalumanya lukunde ivo lwili kwaviya Kilisito nakaulava ugima wakwe kwajili yetu kukikombola suwe, suwe naswe kikelave kwa kuwambiza wandugu zetu.
Ivo duganeni, naho mwambizane nyuwe kwa nyuwe enga ivo mkudamanya ivi haluse.
Icho hulonga ni iki, miye nigelwe moyo kwa sila yo mhuwi wenyu name niwageleni moyo kwa sila yo mhuwi wangu.
Naho kisekuleka kudugana hamwenga, enga ivo watuhu wazoele kutenda. Mna kigelane moyo, vitendese kikadikaula Zuwa dya Zumbe ivo dili hagihi.
Kilama chanola kilama, iviya iviya mnt'hu ahinizwa ni miyawe.
Yambizaneni mwa makunt'ho yenyu, naivo mkint'hize miko ya Kilisito.
Kwaivo kila kikapata luneka, kiwadamanyile want'hu wose ayedi, vitendese wandugu zetu wose we hamwenga na suwe mwo kumhuwila Kilisito.
Ni vedi kunda na mvele kujink'ha kunda wikedu kwaviya waidi awa nawapate maliho yedi kwajili yo undima wawe. Uneva mnt'hu yumwenga anagwa miyawe naamwinule, Mna hangi yehe mwenye mnt'hu akunda ekedu niyo agwa, uyo haande na mnt'hu ywa kumwinula. Naivo waidi wananda hamwenga nawadahe kwambizana, mna ananda ekedu haadahe kukeambiza mwenye? Hamwenga na kugamba mnt'hu yumwenga ekedu adaha kuhumwa ni mnk'hondo, mna wananda waidi nawamhume mnk'hondo ywawe. Hiyo vihufu kukant'ha sigi nt'hatu zinabilingwa hamwenga.