1 Adamu amwelekaga Seti, Seti naye amwelekaga Enoshi, Enoshi naye amwelekaga Kenani, 2 Kenani amwelekaga Mahalaleli, Mahalaleli naye amwelekaga Yaledi, 3 Yaledi amwelekaga Henoki, Henoki naye amwelekaga Metusela. Metusela naye amwelekaga Lameki, 4 Lameki amwelekaga Nuhu. Nuhu andaga na wana watatu: Shemu na Hamu na Yafeti.

5 Wana Yafeti wandaga ni Gomeli na Magogu na Madai na Yavani na Tubali na Mesheki na Tilasi. 6 Wana Gomeli wandaga ni Ashikenazi na Difati na Togama. 7 Wana Yavani wandaga ni Elisha na Talishishi na Kitimu na Lodanimu.

8 Wana Hamu wandaga ni Kushi na Misili na Putu na Kanaani. 9 Welekwa wa Kushi wandaga ni Seba na Havila na Sabita na Laama Na Sabiteka. Wana Laama wandaga ni Sheba na Dedani. 10 Kushi amwelekaga Nimlodi uyo andaga mtowani mdahi mwe si. 11 Welekwa wa Misili wandaga ni Waludi na Waanamu na Walehabi na Wanafutuhi. 12 Wapasulusi na Wakasiluhi na Wakafitoli awo chotoko cha Wafilisiti. 13 Nt'hula sasu ywa Kanaani andaga ni Sidoni, mwanawe mtuhu andaga ni Heti. 14 Kanaani naye niye mkale ywawe Wayebusi na Waamoli na Wagiligashi, 15 na Wahivi na Waaliki na Wasini, 16 na Waalivadi na Wasemali na Wahamati.

17 Wana Shemu wandaga ni Elamu na Ashuli na Alipakisadi na Ludi na Alamu na Usi na Huli na Geteli na Mashi. 18 Alipakisadi amwelekaga Shela, Shela naye amwelekaga Ebeli. 19 Ebeli andaga na wana waidi, yumwenga etangagwa Pelegi. Zina idi dya Pelegi kwa Kiebulania nuko kugamba kupangana, kwaviya mwo lupisi lwakwe want'hu wandaga wakepangaga mwe makabila, nduguye naye etangagwa Yokitani. 20 Welekwa wa Yokitani wandaga ni Alimodadi na Shelefu na Hasalimaweti na Yela, 21 na Hadolamu na Uzali na Dikila, 22 na Obali na Abimaleki na Sheba, 23 na Ofili na Havila na Yobabu.

24 Mp'huga ye Abulahamu kulawa Shemu ni enga ivi: Shemu amwelekaga Alipakisadi, Alipakisadi naye amwelekaga Shela. 25 Shela amwelekaga Ebeli, Ebeli naye amwelekaga Pelegi, Pelegi naye amwelekaga Leu, 26 Leu amwelekaga Selugi, Selugi naye amwelekaga Naholi na Naholi naye amwelekaga Tela, 27 Tela amwelekaga Abulamu uyo amanyikaga niye Ibulahamu.

28 Abulahamu andaga na wana kilume waidi, Isaka na Ishumaeli. 29 Ivi nivo vyeleko vawe, Nt'hulasasu ywa Ishumaeli andaga Nebayoti watuhu nawo wandaga ni Kedali na Adibeeli na Mibisamu, 30 na Mishima na Duma na Masa na Hadadi na Tema, 31 na Yetuli na Nafishi na Kedema. Awa nawo wana kilume wa Ishumaeli.

32 Abulahamu andaga na muwele etangwe Ketula. Ketula amwelekelaga Abulahamu wana, wana awo ni Zimlani na Yokishani na Medani na Midiani na Ishibaki na Shua. Wana wa Yokishani wandaga ni Sheba na Dedani. 33 Wana wa Midiani wandaga ni Efa na Efeli na Henoki na Abida na Elidaa. Wose awo wandaga welekwa wa Ketula.

34 Abulahamu amwelekaga Isaka. Wana Isaka wandaga ni Esau na Yakobo, uyo ezaga kwitangwa Izilaeli. 35 Wana wa Esau wandaga ni Elifazi na Leueli na Yeushi na Yalamu na Kola. 36 Wana wa Elifazi wandaga ni Temani na Omali na Sefo na Gatamu na Kenazi. Timna uyo andaga muwele ywakwe Elifazi amwelekaga Amaleki. 37 Wana wa Leueli wandaga ni Nahati na Zela na Shama na Miza.

38 Chotoko cha wakaya wa Edomu wandaga ni welekwa wa wana wa Seili awo; Lotani na Shobali na Zibeoni na Ana na Dishoni na Eseli na Dishani. 39 Wana wa Lotani wandaga waidi Holi na Hamamu. Lotani andaga na lumbudye etangwagwa Timna.

Shobali uyo andaga mkale ywe zink'holo za Avani na Malahati na Ebali na Shefi na Onamu.

40 Wana wa Shobali wandaga ni Alivani na Manahati na Ebali na Shefi na Onamu. Wana wa Sibeoni wandaga ni Aya na Ana. 41 Mwana Ana etangwagwa Dishoni, Dishoni mwana Seili naye wanawe wandaga ni Hamlani na Eshibani na Italani na Kelani. 42 Wana Eseli wandaga ni Bilihani na Zaavani na Akani. Wana wa Dishani nawo wandaga ni Usi na Alani.

43 Maseuta awa nawo wandaga wakekaila isi umwo kwandaga hakunati kulaile maseuta yoyose mwe Izilaeli. Maseuta awo ni awa, Bela mwana Beoli, andaga seuta ywa Edomu, naho zina dyo mzi wakwe wetangwagwa Dinihaba. 44 Aho Bela eze abanike, Yobabu mwana Zela kulawa Bosila andaga seuta hant'hu ha Bela. 45 Aho Yobabu eze abanike, Hushamu kulawa kwe isi ya Watemani andaga seuta hant'hu hakwe Yobabu. 46 Hushamu eze abanike, Hadadi mwana Bedadi andaga seuta hant'hu ha Hushamu. Uyo awatowaga na kuwahuma Wamidiani mwe isi ya Moabu. Mzi wakwe wetangwagwa Aviti. 47 Hadadi eze abanike Samla kulawa Masileka andaga seuta hant'hu ha Hadadi. 48 Aho Samla eze abanike, Sauli kulawa Lehoboti uko hagihi no mto andaga seuta hant'hu ha Samla. 49 Sauli eze abanike, Baali Hanani mwana Akiboli andaga seuta hant'hu ha Sauli. 50 Aho Baali Hanani eze abanike Hadadi andaga seuta hant'hu ha Baali Hanani. Mzi wakwe wetangwagwa Pau, mkaziwe naye etangwagwa Mehetabeli mwanakike ywa Metiledi naho mwezukuluwe ywa Mezahabu.

51 Hadadi naye abanikaga.

Mazumbe wa Edomu wandaga ni Timna na Aliva na Yeteti, 52 na Oholibama na Ela na Pinoni, 53 na Kenazi na Temani na Mibisali 54 na Magidieli na Ilamu. Awa nawo wandaga mazumbe wa makabila ya Edomu.