1 Awa nawo wana wa seuta Daudi awo welekwe uko Hebuloni, nt'hulasasu ywakwe ni

Amoni uyo nine etangagwa Ahinoamu, alawaga Yezileeli, ywa kaidi andaga ni

Danieli uyo naye nine andaga Abigaili kulawa Kalimeli. 2 Ywa katatu andaga ni

Abisalomu uyo nine andaga Maaka mwana Talimai seuta ywa Geshuli. Ywa kane andaga ni

Adoniya uyo naye nine andaga Hagiti, 3 ywa shano andaga ni

Shefatia, nine andaga ni Abitali na ywa mtandatu andaga ni

Iteleamu nine andaga ni Egila.

4 Wose mtandatu welekagwa Hebuloni umwo Daudi andaga seuta kwa lupisi lwa miyaka mfungate na nusu. Uko Yelusalemu alongozaga kwa lupisi lwa miyaka milongo mitatu na mitatu. 5 Awa nawo wana wa seuta Daudi awo welekwe uko Yelusalemu. Mkaziwe Batishua, mwana Amieli amwelekelaga wana wane Shimea na Shobabu na Natani na Selemani.

6 Naho kwandaga na wana watuhu kenda, Ibahali na Elishua na Elipeleti, 7 Noga na Nefegi na Yafia, 8 Elishama na Eliada na Elifeleti, 9 wose awa wandaga wana kilume wa Daudi kuleka wadya watuhu welekwe ni muwele wakwe. Naho Daudi andaga na mwana kike etangwagwa Tamali.

10 Uno nuwo welekwa wa seuta Selemani: Seuta Selemani amwelekaga Lehoboamu, seuta Lehoboamu amwelekaga Abiya, seuta Abia naye amwelekaga Asa, seuta Asa naye amwelekega Yehoshafati. 11 Seuta Yehoshafati amwelekaga Yeholamu, seuta Yeholamu amwelekaga seuta Ahazi, seuta Ahazi amwelekaga seuta Yoashi, 12 Seuta Amazia amwelekaga seuta Uzia, seuta Uzia amwelekaga seuta Yotamu, 13 Seuta Yotamu uyo amweleke seuta Ahazi. Seuta Ahazi naye amwelekaga seuta Hezekia, seuta Hezekia amwelekaga seuta Manase. 14 Seuta Manase amwelekaga seuta Amoni. Seuta Amoni naye amwelekaga seuta Yosia. 15 Seuta Yosia andaga na wana wane, Nt'hulasasu andaga ni Yohanani, ywa kaidi andaga ni Yehoyakimu, ywa katatu andaga ni Sedekia na ywa kane Shalumu uyo etangwagwa Yoazi. 16 Yehoyakimu andaga na wana waidi, Yehoyakini naho iviaivia etangwagwa Yekonia na Sedekia.

17 Awa nawo welekwa wa seuta Yehoyakini uyo atahagwa uko na kwigalwa Babeli. Yehoyakini andaga na wana kilume mfungate. Awo wandaga ni: Shealitieli, 18 Malikilamu na Pedaya na Shenazali na Yekamia na Hoshama na Nedabia. 19 Wana Pedaya wandaga ni Zelubabeli na Shimei. Zelubabeli andaga na wana waidi we kilume, wana awo ni Meshulamu na Ananiya na mwana kike yumwenga etangwagwa Shelomiti. 20 Iviya iviya Zelubabeli andaga na wana kilume watuhu washano. Wana awo wandaga ni, Hashuba na Oheli na Belekia na Hasadia na Yushabi Hesedi.

21 Wana Anania wandaga ni Pelatia na Yeshaya. Yeshaya amwelekaga Lefaya, uyo amweleke Alinani, uyo amweleke Obadia, uyo amweleke Shekania. 22 Shekania amwelekaga Shemaya. Shemaya andaga na wana kilume washano, wana awo ni, Hatushi na Igali na Balia na Nealia na Shafati. 23 Nealia andaga na wana kilume watatu, wana awo wandaga ni, Eliehonai na Hizikia na Azilikamu. 24 Eliehonai andaga na wana kilume mfungate, wana awo ni, Hodavia na Eliashibu na Pelaya na Akubu na Yohanani na Delaya na Anani.