1 Wana kilume wa Isakali wandaga wane, wana awo ni, Tola na Pua na Yashubu na Shimloni.

2 Wana kilume wa Tola wandaga ni Uzi na Lefaya na Yelieli na Yamai na Ibisamu na Shemueli. Awa wandaga wakulu we zink'holo za Tola naho want'hu wadahi wa nk'hondo umwo seuta Daudi akalongoza, welekwa wa Tola wawazagwa enga watowani mwo lukolo lwawe wandaga want'hu alufu mlongo na waidi na magana mtandatu.

3 Uzi andaga na mwana yumwenga zina dyakwe ni Izilahia. Wana Izilahia wandaga ni Mikaeli na Obadia na Yoeli na Ishia, wose awo washano wandaga wakulu we zink'holo. 4 Viligane ne zink'holo zawe, wandaga na want'hu wadahi we nk'hondo wakubula alufu milongo mitatu na mtandatu, kwaviya wandaga welekwa wengi.

5 Ndugu zawe mwe zink'holo zose ze dikabila dya Isakali wawandikagwa viligane ne zink'holo zawe, wandaga alufu mlongo mnane na mfungate, naho wose wandaga watowani wadahi kwe nk'hondo.

6 Benjamini andaga na wana kilume watatu, wana awo ni Bela na Bekeli na Yediaeli.

7 Bela andaga na wana washano, wana wo ni, Esiboni na Uzi na Uzieli na Yelemoti na Ili. Awa wandaga vilongozi we zink'holo zawe na watowani. Wawandikagwa viligane ne zink'holo zose awa wandaga alufu milongo miidi na waidi na milongo mitatu na wane.

8 Bekeli andaga na wana kenda, wana awo ni, Zemila na Yoashi na Eliezeli na Eliehonai na Omli na Yelimoti na Abiya na Anatoti na Alemeti. Wose awa wandaga wana Bekeli. 9 Wawazagwa kwa nk'holo viligane ne vyeleko vawe wose wandaga alufu milongo miidi na magana na maidi, wose wandaga watowani.

10 Yediaeli andaga na mwana yumwenga zina dyakwe ni Bilihani. Wana Bilihani wandaga ni Yeushi na Benjamini na Ehudi na Kenaana na Zetani na Talishishi na Ahishahali. 11 Wana wose awa wa Yadiaeli wandaga vilongozi we zink'holo zawe. Kwandaga na wagosi watowani alufu mlongo mfungate na mlongo na waidi. 12 Shupimu na Hupimu wandaga wana Ili.

naho Wahushimu wandaga welekwa wa Aheli.

13 Nafutali andaga na wana kilume wane, wana wo ni Yaasieli na Guni na Yeleli na Shalumu. Awa wandaga welekwa wa Nafutali.

14 Manase andaga na wana kilume waidi awo aweleke na muwele wakwe Mwalamu. Muwele uyu amwelekaga Makili ise dya Gileadi. 15 Makili awazunguilaga wanawe wavele kulawa kwa Hupimu na Shupimu. Na zina dya lumbudye dya Makili andaga Maaka. Mwana wa kaidi wa Makili andaga Selofehadi uyo andaga na wana kike aawo du. 16 Maaka mkaziwe Makili amwelekelaga mwana etangwagwa Peleshi. Zina dya mkuluwe Peleshi dyandaga ni Sheleshi. Wana Sheleshi wandaga ni Ulamu na Lakemu. 17 Lekemu amwelekaga Bedani. Wose awa ni welekwa wa Gileadi mwana Makili mwezukuluwe dya Manase.

18 Lumbudye etangwe Hamoleketi awelekaga Ishi Hodi na Abiezeli na Mala. 19 Wana Shemida wandaga ni Ahiani na Shekemu na Liki na Aniamu.

20 Wana kilume wa Efulaimu wandaga ni Shutela na Beledi na Tahati na Eleadi na Tahati, 21 Tahati amwelekaga Zabadi, Zabadi aye amwelekaga Shutela. Ezeli na Eleadi awo wakomigwe na wakaya we isi ya Gati, kwaviya waitaga uko kuwahoka mifugwa yawe. 22 Tate yawe Efulaimu ahongezaga file yawe kwa mazuwa mengi, wanduguze wezaga na kumsangalaza. 23 Naho Efulaimu agonaga na mkaziwe naye enulaga ubovu na kweleka mwana kilume. Efulaimu amwink'haga zina Belia, kwaviya kwalailaga file kwe nyumba yakwe. 24 Efulaimu andaga mwana kike ywakwe zina dyakwe niye Sheela. Uyu niye azengile mizi ya Beti Holoni ya kukenya na mwondwaisi hamwenga na Uzeni Sheela.

25 Efulaimu amwelekaga Lefa uyo amweleke Leshefu na Leshefu naye amwelekaga Tela na Tela naye amwelekaga Tahani, 26 Tahani amwelekaga Ladani na Ladani naye amwelekaga Amihudi na Amihudi naye amwelekaga Elishama, 27 Elishama amwelekaga Nuni na Nuni naye amwelakaga Yoshua.

28 Isi zawe na wikazi wawe wandaga Beteli ne zikaya zakwe, Naalani yandaga nt'hendelo yo ulailo we dizuwa, Gezeli hamwenga ne zikaya zakwe nt'hendelo yo usweelo we dizuwa na Shekemu ne zikaya zakwe na Aya ne zikaya zizunguluke.

29 Mwe mihaka ya Manase kwandaga na Beti Sheani ne zikaya zakwe na Taanaki ne zikaya zakwe na Megido ne zikaya zakwe na Doli ne zikaya zakwe. Ino niyo mizi wekale wana Yusufu wana wa Izilaeli.

30 Uno nuwo welekwa wa Asheli. Asheli andaga na wana kilume wane awo Imna na Ishiva na Ishili na Belia na lumbudye Sela.

31 Belia andaga na wana waidi, wana awo ni Hebeli na Malikieli uyo andaga ise dya Bilizaiti.

32 Hebeli andaga na wana watatu, wana awo ni Yafuleti na Shomeli na Hotamu na lumbu dyawe Shua.

33 Yafuleti naye andaga na wana watatu, wana awo ni Pasaki na Bimhali na Ashivati.

34 Shemeli nduguye andaga na wana watatu, wana awo ni Loga na Yehuba na Alamu.

35 Nduguye Helemu andaga na wana wane, wana awo ni Sofa na Imna na Sheleshi na Amali.

36 Wana Sofa wandaga ni Sua na Halinefeli na Shuali na Beli na Imla, 37 na Bezeli na Hodu na Shama na Shilisha na Itilani na Beela.

38 Wana Yeteli wandaga ni Yefune na Pisipa na Ala. 39 Wana Ula wandaga ni Ala na Hanieli na Lisia.

40 Awa wose wandaga welekwa wa Asheli naho wandaga wakulu we zink'olo zawe, want'hu wasagulwe watowani we nk'hondo. Wadya wawandikwe viligane ne zink'holo mwo kutowana wandaga alufu milongo miidi na mtandatu.