1 Lawi andaga na wana watatu, wana awo ni Gelishoni na Kohasi na Melali. 2 Kohasi andaga na wana wane: Amlamu na Ishali na Hebuloni na Uzieli.

3 Amlamu andaga na wana waidi: Haluni na Musa na mwanakike yumwenga zina dyakwe ni Miliamu.

Haluni andaga na wana wane: Nadabu na Abihu na Eleazali na Itamali.

4 Welekwa wa kulawa cheleko kuita cheleko, ni enga ivi, 5 na Abishua amwelekaga Buki, Buki naye amwelekaga Uzi, 6 na Uzi amwelekaga Zelahia, Zelahia naye amwelekaga Melayoti, 7 Melayoti amwelekaga Amalia, Amalia naye amwelekaga Ahitubu, 8 Ahitubu amwelekaga Sadoki Sadoki naye Ahimaasi, 9 Ahimaasi amwelekaga Azalia, Azalia naye amwelekaga Yohanani, 10 Yohanani amwelekaga Azalia. Azalia niye adamanye ndima yo ulavant'hambiko mwe nyumba azengile seuta Selemani uko Yelusalemu. 11 Azalia amwelekaga Amalia, Amalia naye amwelekaga Ahitubu, 12 Ahitbu amwelekaga Sadoki, Sadoki naye amwelekaga Shalumu, 13 Shulamu amwelekaga Hilikia, Hilikia naye amwelekaga Azalia, 14 Azalia amwelekaga Selaya naye amwelekaga Yehosadaki. 15 Yehosadaki asamizilagwa kwe samo umwo Zumbe eze awegale want'hu wa Yuda na Yelusalemu kwa kumlekela seuta Nebukadineza awatahe.

16 Lawi andaga na wana watatu: Gelishom na Kohati na Melali. 17 Kila yumwenga ywawe andaga na wana kilume, Gelishomu awelekaga Libini na Shimei. 18 Kohati awelekaga Amlamu na Ishali na Hebuloni na Uzieli. 19 Wana wa Melali wandaga ni Mahili na Mushi. Izi nizo nk'holo za Walawi viligane ne zink'holo za tati zawe.

20 Awa nawo welekwa wa Gelishomu kulawa cheleko kubula cheleko, Gelishomu amwelekaga Libini, Libini amwelekaga Yahati naye amwelekaga Zima, 21 Zima amwelekaga Yoa, Yoa naye amwelekaga Ido, Ido naye amwelekaga Zela na Zela naye amwelekaga Yeatelai.

22 Awa nawo welekwa wa Kohati kulawa cheleko kubula cheleko. Kohati kubula Aminadabu, Aminadabu kubula Kola, Kola kubula Asili, 23 Asili akubula Elikana na Elikana kubula Ebiasafu Abiasafu kubula Asili, 24 Asili amwelekaga Tahati Tahati naye amwelekaga Ulieli, Ulieli naye amwelekaga Usia na Usia naye amwelekaga Sauli.

25 Wana Elikana wandaga waidi, wana awo ni, Amasai na Ahimoti. 26 Awa nawo welekwa wa Ahimoti, Ahimoti amwelekaga Elikana, Elikana amwelekaga Sofai na Sofai naye amwelakaga Naati, 27 Nahati amwelekaga Eliab na Eliab naye amwelekaga Yelohamu na Yelohamu naye amwelekaga Elikana.

28 Wana Samueli wandaga waidi, Yoeli nt'hulasasu na Abiya mvunawe.

29 Awa nawo welekwa wa Melali kulawa cheleko kubula cheleko, Melali amwelekaga Mali na Mali naye amwelekaga Libini na Libini naye amwelekaga Shimei na Shimei naye amwelekaga Uza, 30 Uza amwelekaga Shimea na Shimea naye amwelekaga Hagia na Hagia naye amwelekaga Asaya.

31 Awa nawo want'hu awo seuta Daudi awaikaga kunda vilongozi wa wakemi kwe Nyumba ank'hulu ya Mnungu umwo Disanduku dye Ndagano dikaikwa vileke dikale umo. 32 Watendaga enga ivo wakepangile kukehokela. Izi nizo zink'holo za wadya wadamanyaga ndima yo ukemi he Dihema Dikukile, kubula aho seuta Selemani eze azenge nyumba ya Zumbe Mnungu uko Yelusalemu. 33 Izi nizo nk'holo za wadya wadamanye ndima izo, kulawa lukolo lwa Kohati wandaga ni Hemani kilongozi ywa fyo dya nk'hongo dya wakemi, andaga mwana Yoeli mwana Samueli, 34 na mwana Elikana na mwana Yelohamu na mwana Elieli na mwana Toa, 35 na mwana Zufu na mwana Elikana na mwana Mahati na mwana Amasai, 36 na mwana Elikana na mwana Yoeli na mwana Azalia na mwana Sefania, 37 na mwana Tahati na mwana Asili na mwana Ebiasafu na mwana Kola, 38 na mwana Ishali na mwana Kohati na mwana Lawi na mwana Izilaeli.

39 Asafu andaga kilongozi ywa wakemi wa kaidi mwambizi ywa Hemani. Wakemi wakwe wakimaalaga kuume kwa Hemani. Asafu mwana Belekia na mwana Shimea, 40 na mwana Mikaeli na mwana Baaseya na mwana Malikiya, 41 na mwana Etini na mwa na Zela na mwana Adaya, 42 na mwana Esani na mwana Zima na mwana Shimei, 43 na mwana Yahati na mwana Gelishomu na mwana Lawi.

44 Esani kulawa mwe lukolo lwa Melali andaga kilongozi wa fyo dya katatu dya wakemi. Lukolo lwakwe nolukongela kwa Lawi enga ivi: Esani na mwana Kishi na mwana Adbi na mwana Maliki, 45 na mwana Hashabia na mwana Amazia na mwana Hilikia, 46 na mwana Amisi na mwana Bani na mwana Shemeli, 47 na mwana Mahili na mwana Mushi na mwana Melali na mwana Lawi.

48 Walawi watuhu wenk'hagwa ndima nt'huhu mwe Dihema Dikukile, Nyumba ya Mnungu.

49 Mna Haluni na welekwa wakwe, nawo wandaga wakalava malavo mwe kilingo cha malavo yo kokwa, na mnanga mwe kilingo cho kufunk'hizila ubani mwo kulunganya hamwenga vose nevikadamanywa aho ahant'hu Hakukise, vileke Mnungu awausile Izilaeli wavu wawe viligane na vose ivo Musa mndima ywa Mnungu asigiile. 50 Awa nawo welekwa wa Haluni: Haluni amwelekaga Eleazali, Eleazali amwelekaga Finehasi na Finehasi amwelekaga Abishua, 51 Abishua amwelekaga Buki na Buki amwelekaga Uzi na Uzi amwelekaga Selahia, 52 Selahia amwelekaga Melayoti na Melayoti amwelekaga Amalia na Amalia amwelekaga Ahitubu, 53 Ahitubu amwelekaga Sadoki na Sadoki amwelekaga Ahimaasi.

54 Ino niyo mihaka wapangilwe welekwa wa Haluni wo lukolo lwa Kohati. Woho nawo wandaga wa nk'hongo we nk'honde uwo wapangilwe Walawi. 55 Awo wenk'hagwa mzi wa Hebuloni mwe isi ya Yuda na madimilo yakuzunguluka wikazi wawe. 56 Mna nk'honde hamwenga ne zikaya ziuzunguluke mzi enk'hagwa Kalebu mwana Yefune. 57 Ivo welekwa wa Haluni wenk'hagwa mizi ya kunyilikila Hebuloni na Libina hamwenga na madimilo yakwe na Yatili na Eshitemoa hamwenga na madimilo yakuzunguluka. 58 Hileni na Debili hamwenga na madimilo yakuzunguluka, 59 Ashani na Beti Shemeshi hamwenga na madimilo yakuzunguluka. 60 Kulawa mwe lukolo lwa Benjamini wenk'hagwa mizi ya Geba na Alemeti na Anatoti hamwenga madimilo yakuzunguluka. Mizi yose wenk'higwe viligane ne zink'holo zawe yandaga mlongo na nt'hatu. 61 Wamwenga mwa welekwa wa Wakohasi wapangilwagwa mizi ya usweelo wa zuwa kwa kutoelwa kulawa mwe isi ye nusu ye dikabila dya Manase.

62 Lukolo lwa Gelishomu viligane ne zimp'huga zawe wenk'hwagwa mizi mlongo na nt'hatu mwe isi ye dikabila dya Manase na mwe isi ye dikabila dya Nafutali na mwe isi ye dikabila ulaiklo wa zuwa wa Manase uko Bashani. 63 Iviya iviya mizi mlongo na mbili wenk'hwagwa isi mwe dikabila dya Lubeni na dikabila dya Gadi ne dikabila dya Zebuloni. 64 Ivo Waizilaeli wawenk'haga Walawi mizi ino hamwenga na madimilo yakuwazunguluka. 65 Mizi itambulwe ya mwe ziisi za makabila ya Yuda na Simioni, na Benjamini neipangilwa want'hu we dikabila dya Lawi kwa kutowa kula.

66 Nk'holo nt'huhu za Kohati wenk'hagwa isi hamwenga na madimilo mwe dikabila dya Efulaimu. 67 Mwe isi ye vigulu va Efulaimu wenk'hagwa mzi wa Shekemu mzi wandaga wa kunyilikila hamwenga na Gezeli, na madimilo yakwe. 68 Yokimeamu hamwenga na madimilo yakwe, na Beti Holoni hamwenga na adimilo yakwe, 69 Aiyaloni hamwenga na madimilo yakwe na Gati Limoni hamwenga na madimilo yakwe. 70 Mwe inusu ye dikabila dya Manase wenk'hagwa isi ya Aneli hamwenga na madimilo yakwe na Bileamu hamwenga na madimilo yakwe.

71 Nk'holo za Gelishomu wenk'hagwa mizi ino hamwenga na madimilo yakwe.

Mwe nusu ye isi ye dikabila dya Manase wapangilwa nt'hendelo ya ulailo wa zuwa: Golani mwe Bashani na madimilo yakwe na Ashitaloti hamwenga na madimilo yakwe.

72 Mwe isi ya Isakali wenk'hagwa, Kedeshi hamwenga na madimilo yakwe, na Debelati hamwenga na madimilo yakwe, 73 Lamoti hamwenga na madimilo yakwe na Anemu hamwenga na madimilo yakwe.

74 Mwe isi ya Asheli wenk'hagwa: Mashali hamwenga ne madimilo yakwe na Abdoni hamwenga na madimilo yakwe. 75 Hukoki hamwenga na madimilo yakwe na Lehobu na madimilo yakwe.

76 Mwe isi ya Nafutali wapangilwa Kedeshi mwe Galilaya hamwenga na madimilo yakwe na Hamoni hamwenga na madimilo yakwe na Kiliataimu hamwenga na madimilo yakwe.

77 Zink'holo za Melali zisigale zenk'hagwa mizi ino hamwenga na madimilo yakwe.

Mwe isi ye dikabila dya Zebuloni wenk'hagwa Limono hamwenga na madimilo yakwe na Taboli hamwenga na madimilo yakwe.

78 Mwe isi ye dikabila dya Lubeni mwo ulailo wa zuwa wo mto Yolodani hagihi no mzi wa Yeliko wenk'hagwa Bezeli uwo uhe dijangwa hamwenga ne madimilo yakwe na Yahasa hamwenga na madimilo yakwe. 79 Kedemoti hamwenga na madimilo yakwe na Mefaati hamwenga na madimilo yakwe.

80 Mwe isi ye dikabila dya Gadi wapangilwagwa Lamoti mwe Gileadi hamwenga na madimilo yakwe na Mahanaimu hamwenga na madimilo yakwe. 81 Mwe isi ye dikabila dya Heshiboni hamwenga na madimilo yakwe na Yazeli hamwenga na madimilo yakwe.