1 Yakobo uyo etangagwa Izilaeli andaga na wana we kigosi mlongo na waidi, Lubeni na Simeoni na Lawi na Yuda na Isakali na Zabuloni, 2 na Dani na Yusufu na Benjamini na Nafutali na Gadi na Asheli.

3 Yuda andaga na wana kilume washano. Kwa mkaziwe mwana kike ywa Shua kulawa mwe isi ya Kanaani elekaga wana kilume watatu awo, Eli na Onani na Shela. Eli niye nt'hulasasu ywa Yuda, andaga mwavu ha Zumbe Mnungu, ivo Zumbe Mnungu niyo amkoma. 4 Tamali naye mkwewe dya Yuda amwelekelaga wana waidi, Pelesi na Zela. Yuda andaga na wana washano.

5 Pelesi andaga na wana waidi, Hesiloni na Hamuli. 6 Zela naye andaga na wana kilume washano, awo wandaga ni, Zimli na Esani na Hemani na Kalikoli na Dalida. 7 Mwana Kalimi andaga Akali. Zina Akali kwa Kiibulania, nuko kugamba makunt'ho. Uyo niye alekaga makunt'ho yalaile kwa Waizilaeli kwaviya aguhaga vint'hu viikigwe kwa ndima ya Mnungu.

8 Esani andaga na mwana kilume yumwenga zina dyakwe etangwagwa Azalia.

9 Awo wana welekagwa ni Heziloni wandaga ni Yelameeli na Lama na Kalebu.

10 Lamu amwelekaga Aminadabu, Aminadabu naye amwelekaga Nashoni, kilongozi ywe dikabila dya Yuda. 11 Nashoni amwelekaga Salimoni, Salimoni naye amwelekaga Boazi, 12 Boazi amwelekaga Obedi, Obedi naye amwelekaga Yese.

13 Yese andaga na wana kilume mfungate. Nt'hulasasu ywakwe andaga ni Eliabu, ywa kaidi andaga ni Abinadabu, ywa katatu andaga ni Shimea, 14 ywa kane andaga ni Nesaneli, ywa shano andaga Ladai, 15 ywa mtandatu andaga Osemu na ywa mfungate andaga ni Daudi. 16 Walumbu zawe wandaga ni Seluya na Abigaili. Seluya andaga na wana watatu, Abishai na Yoabu na Asaheli. 17 Abigaili niye andaga nine dya Amasa, ise dya Amasa andaga ni Yeteli, uyo alawaga mwe welekwa wa Ishumaeli.

18 Kalebu mwana Heziloni, awalombaga Azuba na Yelioti. Azuba niyo eleka naye wana kilume watatu. Wana awo ni Yesheli na Shobabu na Alidoni. 19 Azuba eze abanike, Kalebu amlombaga Efulata, niyo amwelekela mwana kilume uyo Huli. 20 Huli amwelekaga Uli, Uli naye niyo amweleka mwana kilume uyo Basaleli.

21 Umwo Heziloni andaga na miyaka milongo na mtandatu, amlombaga mndele uyo Makili, ni lumbudye dya Gileadi. Uyo amwelekelaga mwana kilume etangwagwa niye Segubu. 22 Segubu amwelekaga mwana kilume uyo Yaili. Uyo niye alongozaga mizi milongo na mitatu mwe mizi ya Gileadi. 23 Mna Geshuli na Alamu waitahaga mizi ya Haloti Yaili, hamwenga na Kenati ne zikaya zakwe, mizi iyo yandaga milongo mtandatu. Wose awa wandaga ni welekwa wa Makili ise dya Gileadi. 24 Umwo Heziloni eze abanike, Kalebu mwanawe amlombaga Efulata uyo andaga mkaza ise. *Efulata amwalekelaga Kalebu mwana kilume zina dyakwe niye Ashuli. Yehe niye akongaga mzi wa Tekoa.

25 Yelameeli nt'hulasasu ywa Heziloni andaga na wana washano, Lamu uyo nt'hulasasu na Buna na Oleni na Osemu na Ahiya. 26 Yelameeli andaga na mvele mtuhu zina dyakwe niye Atala. Uyu amwekelaga Yelameeli mwana kilume zina dyakwe niye Onamu. 27 Wana wa Lamu wandaga watatu. Nt'hulasasu ywa Yelameeli andaga ni Maasi, watuhu wandaga ni Yamini na Ekeli. 28 Wana kilume wa Onamu wandaga ni Shamai na Yada. Wana kilume wa Shamai wandaga ni Nadabu na Abishuli.

29 Abishuli alombaga mvele zina dyakwe ni Abihaili, naye niyo amwelekelaga wana kilume waidi, Abani, na Molidi. 30 Wana kilume wa Nadabu wandaga ni Seledi na Apaimu, mna Seledi abanikaga heena wana. 31 Apaimu andaga na mwana kilume yumwenga etangwagwa Ishi. Ishi amwelekaga Sheshani, Sheshani naye amwelekaga Alai.

32 Yada nduguye dya Shamai andaga na wana kilume waidi Yeseli na Yonasani. Mna Yeseli abanikaga heena wana. 33 Yonasani andaga na wana kilume waidi, Pelesi na Zaza. Awa wose nawo welekwa wa Yelameeli.

34 Sheshani andaga hana wana we kigosi, mna andaga na wana kike, naho andaga na mndima ywa kilume kulawa Misili etengwagwa Yaliha. 35 Ivo Sheshani niyo amloza Yaliha mndima ywakwe mwa yumwenga wa wana kike wakwe, naye niyo amwelekela mwana etangwagwa Atai. 36 Atai niyo amweleka Nasani, Nasani naye niyo amweleka Zabadi. 37 Zabadi amwelekaga Efulali, Efulali naye niyo amweleka Obedi. 38 Obedi amwelekaga Yehu, Yehu naye amwelekaga Azalia. 39 Azalia amwelekaga Helesi, Helesi naye amwelekaga Eleasa. 40 Eleasa amwelekaga Sisimai, Sisimai naye niyo amwelaka Shalumu. 41 Shalumu amwelekaga Yekamia, Yekamia naye niyo amweleka Elishama.

42 Nt'hulasasu ywa Kalebu nduguye Yelameeli etangagwa Mesha.* Mesha amwelekaga Zifu, Zifu naye niyo amweleka Malesha. Melesha niyo amweleka Hebuloni. 43 Hebuloni andaga na wana kilume wane, Kola na Tapua na Lekemu na Shema. 44 Shema amwelekaga Lahamu, Lahamu naye amwelekaga Yolikeamu. Lekemu naye amwelekaga Shamai. 45 Shamai amwelekaga Maoni, Maoni naye niyo amweleka Betisuli.

46 Kalebu andaga na muwele, etangwagwa Efa. Muwele uyo amwelekelaga wana kilume watatu, Halani na Moza na Gazezi. Halani naye andaga na mwana niyo amwink'ha zina niye Gazezi.

47 Yadai andaga na wana kilume mtandatu, Legemu na Yosamu na Geshani na Peleti na Efa na Shaafu.

48 Kalebu andaga na muwele mtuhu zina dyakwe ni Maaka. Uyu amwelekelaga wana kilume waidi, Shebeli na Tilihana. 49 Maaka amwelekaga Shaafu ise dya Madimana naho amwelekaga Sheva aukongaga umzi wa Makibena na Gibea.

Kalebu andaga na mwana kike etangwagwa Akisa.

50 Kalebu andaga na welekwa watuhu kwa mkaziwe Efulata.

Huli nt'hulasasu andaga na wana kilume watatu, Shobali uyo aukongaga mzi wa Kiliasi Yealimu, 51 ywa kaidi andaga ni Salima aukongaga mzi wa Betelehemu na Halefu aukongaga mzi wa Beti Gadeli.

52 Welekwa wa Shobali uyo aukongaga mzi wa Kiliati Yealimu andaga naho mkale ywa want'hu wa Haloe ne nusu ya want'hu wakwikala mwo mzi wa Menuhoti, 53 hamwenga ne zink'holo zekalaga Kiliati Yealimu awo ni Waitili na Waputi na Washumati na Wamishalai. Kulawa kwa want'hu awa welekagwa Wazolati na Waeshitaoli.

54 Welekwa wa Salima uyo akongaga mzi wa Betelehemu na mkale ywa Wanetofati na Waatiloti Beti-Yoabu ne inusu ya Wamenuhati na Wazoli.

55 Hamwenga ne zink'holo ziandike zikale mwo mzi wa Yabesi na Watilati na Washimeati na Wasukati. Awa nawo Wakeni welekwa wa Hamati, tati yawe wo mzi wa Beti Lekabu.