1 Seuta Daudi ne vilongozi wa Watowani wawasagulaga wana Asafu na wana Hemani na wana Yedutuni, kunda wandima wo kubilikiza ulosi wa Mnungu wakanda na vingwengwe na mazeze na lupatu. Ulu nulo ludongo lwa want'hu wasagulwe kulongoza mviko no undima uno.

2 Wana Asafu wandaga wane. Zakuli na Yosefu na Netania na Ashalela. Wawo wadaga mwo useuta wa Asafu uyo andaga akalonga ulosi wa Mnungu mwo lupisi lwose lwo useuta wa seuta.

3 Wana Yedutuni wandaga ni Gedalia na Seli na Yeshaya na Shimei na Hashabia na Matitia. Wawo wandaga mwo useuta wa tati yawe umwo wandaga wakalava ulotezi wa Mnungu, wakanda watowa mazeze mwo kutogola, na kumtunya Zumbe Mnungu. 4 Wana wa Hemani wandaga mlongo na wane, wana awo ni, Bukia na Matania na Uzieli na Shebule na Yelemoti na Hanania na Hanani na Eliata na Gidaliti na Lomamtiezeli na Yoshibekasha na Maloti na Hotili na Mahazioti. 5 Mnungu amwink'haga Hemani mlotezi ywa seuta, wana kilume mlongo na wane na wana kike watatu, enga ivo alaganaga vileke amwink'he nt'hogola. 6 Wanawe wose watowaga ngoma na vinanda na mazeze ko mviko mwe Nyumba ank'hulu ya Mnungu wakanda mwo useuta wa tati yawe. Asafu na Yedutuni na Hemani wandaga mwo ukimalizi wa seuta.

7 Woho hamwenga ne zimp'huga zawe wahinizwagwa kukema mila ho undiilo wa Zumbe. Uwazilo wawe kwa hamwenga wandaga magana maidi milongo mnane na mnane.

8 Wose, wakulu kwa wadodo, wahinizi kwa wanamp'hina watowaga kula mwe midamanyile zindima zawe.

9 Kula ya nk'hongo iyo atowelwagwa Asafu yamgweelaga Yusufu hamwenga na wanawe mlongo na waidi. Ya kaidi apataga Gedalia hamwenga na wanduguze na wanawe mlongo na waidi. 10 Ya katatu apataga Zakuli hamwenga na wanawe na wanduguze mlongo na waidi, 11 ya kane apataga Seli hamwenga na wanawe na wanduguze mlongo na waidi. 12 Yashano apataga Netania hamwenga na wanawe na nduguze mlongo na waidi, 13 ya mtandatu apataga Bukia hamwenga na wanawe na wanduguze mlongo na waidi. 14 Ya mfungate apataga Ashalela hamwenga na wanawe na wanduguze mlongo na waidi, 15 ya mnane apataga Yashaya hamwenga na wanawe na wanduguze mlongo na waidi, 16 ya kenda apataga Matania hamwenga na wanawena wanduguze mlongo na waidi. 17 Ya mlongo apataga Shimei hamwenga na wanawe na wandugu ze mlongo na waidi, 18 ya mlongo na imwenga apataga Azaleli hamwenga na wanawe na wanduguze mlongo na waidi, 19 ya mlongo na mbili apataga Hashabia hamwenga na wanawe na wandugu ze mlongo na waidi, 20 ya mlongo na nt'hatu apataga Shebueli hamwenga na wanawe na wanduguze mlongo na waidi. 21 Ya mlongo na kane apataga Matisia hamwenga na wanawe na wanduguze mlongo na waidi, 22 ya mlongo na shano apataga Yelemoti hamwenga na wanawe na wanduguze mlongo na waidi, 23 ya mlongo na mtandatu apataga Hanania hamwenga na wanawe na wanduguze mlongo na waidi, 24 ya mlongo na mfungate apataga Yoshibekasha hamwenga na wanawe na wanduguze mlongo na kaidi, 25 ya mlongo na mnane apataga Hanani hamwenga na wanawe na wanduguze mlongo na waidi, 26 ya mlongo na kenda apataga Maloti hamwenga na wanawe na wanduguze mlongo na waidi, 27 ya milongo miidi apataga Eliata hamwenga na wanawe na wanduguze mlongo na waidi, 28 ya milongo miidi na imwenga apataga Hotili hamwenga na wanawe na wanduguze mlongo na mbili, 29 ya milongo miidi na kadi apataga Gidaliti hamwega na wanduguze mlongo na waidi, 30 ya milongo miidi na nt'hatu apataga Mahazioti hamwenga na wanawe na wanduguze mlongo na waidi, 31 ya milongo miidi na kane apataga Lomamti Ezeli hamwenga na wanawe na wanduguze mlongo na waidi.