1 Benjamini andaga na wana washano, wana awo ni Bela uyo nt'hulasasu wa kaidi ni Ashibeli wa katatu ni Ahala, 2 wa kane ni Noha na wa shano ni Lafa.

3 Wana Bela wandaga ni Adali na Gela na Abihudi, 4 Abishua na Naamani na Ahoa, 5 Gela na Shufamu na Hulamu.

6 Awa nawo welekwa wa Ehudi, awa nawo wandaga vilongozi we zink'holo za wadya wekale uko Geba na awo wasamizilwagwa kwe samo uko Manahati. 7 Naamani na Ahiya na Gela. Gela uyo andaga ise dya Uza na Ahihudi uyo Gela niye awalongoze wakasamizilwa uko kwe samo.

8 Shahalaimu awalekaga wavele wakwe waidi Hushimu na Baala. 9 Akajika umwo ekekala mwe isi ya Moabu, amlombaga Hodeshi naye amwelekelaga wana kilume mfungate. Wana awo ni, Yoabu na Sibia na Mesha na Malikamu, 10 Yeuzi na Sakia na Milima. Wanawe wose awa nawo wandaga wakulu we zink'holo zawe.

11 Shahalaimu na mkaziwe Hushimu wapataga wana watuhu waidi. Wana awo ni Abitubu na Elipaali.

12 Wana kilume wa Elipaali wandaga watatu. Wana awo ni Ebeli na Mishamu na Shemedi uyo azengile mizi ya Ono na Lodi hamwenga ne zikaya zakwe.

13 Belia na Shema awo wandaga vilongozi we zimp'huga izo zekalaga mwe mizi ya Aiyaloni naho awo wawagulusaga wakaya wa Gati. 14 Wana Belia wandaga ni Ahio na Shashaki na Yelimoti. 15 Zebadia na Alada na Edeli, 16 Mikaeli na Ishipa na Yoa.

17 Zebadia na Meshulamu na Hiziki na Hebeli. 18 Ishinelai na Izilia na Yobabu wandaga welekwa wa Epaali.

19 Yakimu na Zikili na Zabdi, 20 Elienai na Ziletai na Elieli. 21 Adaya na Belaya na Shimlati wandaga welekwa ywa Shimei.

22 Wana Shashaki wandaga ni Ishipani na Ebeli na Elieli. 23 Abdoni na Zikili na Hanani, 24 Hanania na Elamu na Antotiya, 25 Ifideya na Penueli.

26 Wana Yelohamu wandaga ni Shamshelai na Shehalia na Atalia, 27 Yaaleshia na Elia na Zikili.

28 Awa wose wandaga ni vilongozi we zimp'huga zawe viligane ne vyeleko vawe vose. Wandaga wakulu naho wekalaga Yelusalemu.

29 Yeieli andaga nuyo mnt'hu ywa nk'hongo kwikala mwo mzi wa Gibeoni. Mkaziwe etangagwa Maaka. 30 Nt'hulasasu andaga ni Abdoni, Wanawe watuhu ni Zuli na Kishi na Baali na Nadabu. 31 Gedoli na Ahio na Zekeli, 32 na Mikiloti uyo andaga ise dya Shimea. Awa nawo wekalaga Yelusalemu hagihi na want'hu watuhu we zink'holo zawe.

33 Neli amwelekaga Kishi na Kishi naye amwelekaga Sauli. Sauli andaga na wana wane. Wana awo ni Yonatani na Maliki Shua na Abinadabu na Eshabaali. 34 Yonatani amwelekaga Melibi Baali na Melibi Baali amwelekaga Mika.

35 Mika andaga na wana wane. Wana awo ni Pitoni na Meleki na Telea na Ahazi. 36 Ahazi amwelekaga Yehoada. Yehoada naye awelekaga Elemeti na Azimaweti na Zimli. Zimli naye niyo amweleka Moza. 37 Moza amwelekaga Binea uyo amweleke Lafaya uyo amweleke Eleasa na Eleasa amwelekaga Aseli.

38 Aseli andaga na wana mtandatu. Mazina yawe ni Azilikamu na Bokelu na Ishmaeli na Shealia na Obadia na Hanani. Awa wose wandaga wana Aseli. 39 Wana Esheki nduguye dya Aseli wandaga watatu. Nthulasasu ywakwe andaga ni Ulamu wa kaidi ni Yeushi na wakatatu ni Elifeleti.

40 Wana Ulamu wandaga watowani wa nk'hondo wadahi, wadahaga kulasa haheina kuhonya. Wandaga na wana na wezukulu wengi wakubula gana dimwenga na milongo mishano. Wose awa wandaga welekwa wa Benjamini.