A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Əmi n dna ń ɓa, jesnu əho ń dna əmi; nabai n ɓa ɓə kwu lofyi n gbedogwnu nunui. Nlonu n anyì ɓə kpe nge əho nu ɓə tnu n mii, jesnu ho kwu yeye wu ɓai n ɓwasnu shi ho kwu yeye wu mi nyi.
"Ɓəgbetu woiwoyi nu n mi ga fye: Fye ye n ajei. Ntulonu ɓəshishi nu fya ye n ajei, ngye shi mi kwu ye n fyei nyi, N dəyei nu n zahozahoyi ɓa kpe nge fye zhni əmi amwutuyi nu, n fya yé n ajei."
Avyiyi vnyanya ɓa ɓə kwnusnu n ajei jesnu ɓai zhni ɓəhoɓəhoi n ɓwaidnado. Ɓa kwnu aknyi n anyaɓwai, nabai ɓa ga əzahozahoyi n wo ɓə dna n snagyi. Wyihowyihoi ɓa gwodu ɓai yezhi n abagbmanyi fyi n Dagayipwuwa ashilagyí. Ɓai gyi nyagyi fyi n əɓa apwuwa jesnu ɓai kwnu nyagyi gyi n ajei fyi ń abwugbada jesnu n adu agaiciya nyai, ɓai ci Shekwoyi jesnu ɓai wo agbmada aza vnyanya bmyashi nya. Njesnu Dagayi woi ɓe ɓa bəgyé fyegyifyegyi, aza yi n ɓa ɓə gnyi ɓai ɓwa gnyignyi nyi.
Yi gna fye əɓo nu n yi kwu gyewye njesnu n yi kwu wo, ntulonu əfyehni ce, fye ɓa myi fya kwnu jedoɓəzhni n əyii. Njesnu əyi jedoɓəzhni kwo kwnusnu lo n Dadai nu ɓədo n əwo Nugwnui, Yeisu Kirisiti.
Zokwo nu nyi n yi kpe ənya əye n kwo gyi yeye: Yeisu Kirisiti ɓə la əwo wyewyeyi ga ntu əyi ɓo. Njesnu yi gwo ya kwu əyi awyewyeyi ga ntu əyi azaje ɓo n əyi amapwii.
Ntucenu fye kwu aje agwumyizhi jesnu fya mi aje zhi, n ɓwasnu shi fye zhni lo nyi.
əkwo nu nyi nge, əfye ɓədo əmii, ń yi ɓa myiaje gaiciyaganunui zhi n kwnusnu.
Fye to fa yezhi ɓo n abagbmanyi m, ngye shi azaho ɓa lá kwo shiɓwa ɓai zhni nyi m, ama n agwumyizhii ga aje; n gnasnusnu nsaiye, shi fye gye Nyipyei yi kwoi yawye wu ɓe nyi.
Fye bma aje akaya ashnawoi shi, əkwo nu ɓa zhni fya nu Kirisiti owa.
Ntucenu, əsa ń yi ɓwa aba ncei, fa ya zhni ɓəmanai ga aza vnyanya, Nshnisnusnu aza yi n ɓa fyi n avyiyi apwuwa nyi.