Comunidade

Wawele na makundo wangihanza vinhu vya hewo

32 Weng’ha wawele na makundo nawali na nhumbula ziwhanile na kunuwila kumwe. Haduhu ne yumwe yawele na chinhu yachiwiche chiwe cha heye yeka, ila nawegawila vyeng’ha vyowawele navyo.

42 Awa weng’ha walutilila kilangusa kulawa kwa watumigwa, kikala hamwe chilukolo na kumogola ibumunda na kumlanda Nguluwi.

46 Nawalutilila kiting’hana hamwe chila zuwa kuli Ng’handa ya Nguluwi. Ila mhela wa kumogola mibumunda, naweting’hana kuli ng’handa za hewo na nawalya hamwe chilyo acho kwa usangalalo na nhumbula zigoloche. 47 Nawamtogola Nguluwi, nawaganigwa na wanhu weng’ha. Chila zuwa Mkulu nakawonjezela wanhu kuli chilundo cha hewo wawele nawaloholigwa.

14 Awa weng’ha naweting’hana kumlanda Nguluwi, hamwe na wadala wamwenga na Maliya mayake Yesu na wang’holoze.

5 Lelo, Petili loyawele mchinweng’ho, chilundo cha wanhu walingumkunda Kilistu nachali chilanda ng’hatu kwa Nguluwi kwa chiwalo cha heye.

20 Kwa vila heng’ha hala walingiting’hana weli ama wadatu kwa itagwa lya heni, heni ndabaho hali hewo."

Kibagula kuli chilundo cha wanhu walingumkunda Kilistu

10 Wang’holozangu, ndanguwadedeza kwa itagwa lya Mkulu wa hetwe Yesu Kilistu, mihanyise kuli chila mbuli yomlingulonga, haleche kuwa na kilewa hali hemwe, muwe na majesa gamwe na kunuwila kumwe.

13 Kwa vila kuli Muhe yumwe weng’ha natubatizigwa kuli lukuli lumwe, wone natwali Wayahudi ama Wagilichi ama vitumagwa ama wanhu welejehe, tweng’ha natumunwa Muhe Yelile yuyo.

4 Lukuli luna vitomo vinji, chila chitomo chimwe changukola mijito jake. 5 Hiho du natwe hanga twawenji, twa lukuli lumwe kwa kilumba na Kilistu na chila yumwe ndo chitomo cha myage.

16 Mikale hamwe kwa kihanyisa. Mleche kidaya, ila mkunde kikala na wanhu wawele wazunwa. Mleche kiwona ndo muwele na luhala lukami.

Uleche kumtagusa mng’holozo

1 Mumbochele haluga henu munhu yawele na makundo mado, ila mleche kitwanza naye kuwala majesa ga heye yaliyeka.

5 Nguluwi nayali mwaluko wa ubetezo na yalinguwapa hemwe lunojenoje lweng’ha, yakuganileni hemwe muwe na chinhu chimwe kota heye Kilistu Yesu navyoyali,

Malanguso ga kugwisa chilasi

17 Wang’holozangu, ndanguwalanda milolele na wala weng’ha walingwambuza wayao webagule na kuwadita wanhu wanji wagwe, waleche kibata malanguso gomlanguswe. Mikale kutali na wanhu awo,

24 Twitanze kiditila kwa mbuli ya kiyonjezela kikangaza kwa kigana kuli kudita ganojile. 25 Tuleche kuleka yila mbuli ya kiting’hana hamwe, kota vila wanhu wanji vyowawele ting’hana, kwa vila yanguganigwa titanze, mina zuwa lila lya Mkulu yahabehi.

14 Kwa ago geng’ha, mibatilile igano kwa vila igano naliting’hanizaga chila chinhu kuli uhamwe wenele.

3 Mikangaze kwa chiwalo cha kulutilila kuwa hamwe kulingugaligwa na Muhe kwa kukolela kikala goya kuwele hali hamwe.

Uhamwe hali wanhu

1 Ndo mbuli inojile na ya kunojeza ng’hatu,

wenyelukolo kikala hamwe kwa uhamwe.

Kugazika kwa chiwalo cha kudita ganojile

8 Hemwe mwengha mwanguganigwa muwe na nhumbula imwe na majesa gamwe na mwanguganigwa kigana chilukolo na muwe waliholile na chila munhu yawe yalingumgana myage.

11 Wang’holozangu, wone Nguluwi nakatugana ahyo, lelo, natwe twanguganigwa kigana.

7 Ila hotuchikala kuli lumuli, kota naye vyoyali kuli lumuli, lelo, towa hamwe twetwe baha na danda ya heye Yesu Kilistu, Mwanage, yangutuhovuga wihe wa hetwe.

28 Ahyo, haduhu kahi kibagula hali Myahudi na Mgilichi, chitumagwa na munhu yelejehe, mlume na mdala. Weng’ha ndo chinhu chimwe kwa kilumba na Yesu Kilistu. 29 Wone hemwe mwa wanhu wa Kilistu, namuwa walelwa wa Abulahamu na mobochela gala gawele Nguluwi nakalagana.

3 Muwahulichize wadala wafililwe na walume wa hewo, walihela utanzi woneche.

20 Ndikomya ndanguwalonjela, yalingumbochela heye yondilingumlajiza, kangumbochela heni na yalingumbochela heni, kangumbochele yandajize."