Comunidade
A comunidade cristã é essencial para o crescimento da fé. A Bíblia ensina que fomos criados para viver em comunhão — edificando-nos, encorajando-nos e servindo uns aos outros.
Viver em unidade
Os que creram eram um coração e uma alma. A comunidade primitiva partilhava tudo e vivia em harmonia e alegria.
Pre mediglkwa yoba ake ple di ikne ikne edigwa
Jisas pre mediglkwa yoba mudu ye deno muduno swara yei, wakai meglkwa. Ye taragl ere neigwa i, Na nana pre yome dikre, no pre medunga yoba mudu pre yomedi kandre, ye ake ple di ikne ikne edigwa.
Jisas pre mediglkwa yoba i, deno muduno swara yei, meglkwa
Ana Jisas pre mediglkwa yoba i, ege ege Jisas dedugwa yoba ka mabuno di teigwa i prisre, akie makai sidre, Jisas goglkwa poglo di pramnedi bret akie buko di nedre, akie kamage ere mogl, erikwa.
Yegl ersre, ye ege ege tawa teigwa yugu yomara i makai sidre, te yoba kipai meglmara i ama makai si mogl, Jisas goglkwa poglo di pramnedi bret buko di neigwa. Yegl ersre, kaya mokna ki ama swara mogl nedre, gun yei, deno muduno swara yedre, erikwa. Ye yegl ersre, ye ege ege God kagie kade te meglko, Juda yoba mudu ye wakai kanigwa. Te, yoba kor ege ege Jisas pre mediglko, Yagl Kade ye ere idre, ye Jisas yugobunomo meglmara i, i suna edugo, meglkwa.
Yagl i mudu deno muduno swara yedre, ege ege makai si mogl, kamage ere meglkwa. Yagl i yeigo, abu tau ama yeigo, Jisas mam Maria ya Jisas agiglema ama yeigo, ye ege ege makai si, yegl kede erikwa.
Yegl pre ye Pita si kane si i pi kane yugu edugo, pai moglkwa. Pita ye kane yugu pai moglkwa ba God yugobunomo meglkwa i ye deno muduno bogl God ye Pita ake ple di tenabedi kamage ere meglkwa.
Yegl pre yoba suo mo suota na kagna mina makai sinaiglkwa i, na ye meglmara suna mogl teiwe dugwa.
Edificação mútua
Vivam em harmonia uns com os outros. Não haja divisões entre vós. A comunidade cresce quando cada membro contribui.
Pol Korin yoba deno muduno swara yeikrikwa pre dugwa
Agrama abarama wagle, na erme Jisas Krais, nono Yaglno Kade moglkwa i dra idre, ene ka giglede di tenaglka. Ene kigl nonga didre, mogl pere pere edigwa i kide kodo, nomano ya deno muduno swara kaima yeio.
I siragl pre God ye Murubuglomo nono mudu noruko, God Murubuglo swara i ere mogl, nono mudu ere i Jisas yugobunomo mina suna edugo, munga. Nono Juda yoba munga mo yugobuno pere pere ta meglkwa i ya te, yoba ta kane padre, yoba pere niglno kogono ere teigwa i mo yoba yoko munga i pra, nono mudu u swara pi yugobuno swara kaima munga.
Nono Jisas yugobunomo mina munga i, yoba swara mogl, kuno keme munga. Nono ogono nagino kunga i, ene kanio! Yoba ogo nagie swara paugwa ba ogo nagie swara i mina gumuglo paugo, guma dra paugo, ogo kagle pere pere paigwa i, ye ama kogono pere pere paugwa. Kuno yegl mere nono mudu Krais yugobunomo mina munga i, kogono pere pere paugwa ba nono ye ogo nagie swara mere yegl munga pre nono swara kaima munga.
Ene ikne ikne deno muduno swara yei moraiglkwa. Te, ene mogl mitna edidre, yoba kade munedi prikre, yoba ta kagno paikrukwa i bogl akie wan, ye meglmere yegl, kuno moraiglkwa.
Taragl kebra pre kigl nonga dikramga
Ana yoba ta Jisas pre medrabuka ba ye ere mogl, Na siragl mere mogl pai eribo wakai panabumada di, kina suo yenabuka i ta moran, ene no agro ta moglmedi kan, ye di i suna edio. Ye di i suna edidre, kina suo yenabara i pre kigl nonga dikrio.
Ana God yoba deno muduno si gigle didre, adigl gigledi moraiglmedi erukwa God i, Krais Jisas yoba kanumere mere ene ikne ikne kanaiglmedi eran,
Agrama abarama wagle, na ka ta ama ene di tenagledi prika i, yegl paugwa. Yoba tau ene meglmara si pere pere edinamnedi ersre, yoba ene God kamo beke teigo, primere i dikre, ka pere ta didre, ene yage sinaiglmedi eraiglkwa i, ene kan kun ersre, ye bogl akie moglkrio.
Amor e compromisso
Não deixemos de congregar. O vínculo perfeito é o amor — ele une a comunidade e produz frutos que duram.
Te, nono siragl mere agrama abarama wagle wakai kandre, mabuno wakai boramga i, nono wakai ere kinano gudu prisre, ka di pre eramga paugwa.
Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
God Murubuglo ene mudu i swara ede kodugwa pre ene ege ege deno muduno swara yenaiglkwa mabuno i erio. Yegl eribi, ene akie wakai moraiglkwa.
Mabuno wakai ikne ikne ere tenamga paugwa
Ana na ene siragl mere mogl pai eraiglkwa pre di wiga i, ka okuo kaima ta dinaglka i, yegl dinaglka, ene mudu nomano swara yedre, ikne ikne mitno gogl, agroma abaroma mudu deno muduno teo. Te, ene ama mogl atne edidre, enene ikne ikne ere wakai ere teo.
Na dena muduna teiga meglkwa i, God dem muduo yegl mere norukwa pre nono ama ikne ikne deno muduno tenamga paugwa.
Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.
Yegl pre God ene okna meglmere meglmedi kankrukwa. Okna ene tau Juda yoba meglko, tau Grik yoba meglkwa. Te, ene tau kane padre, yoba kogono eriko, tau yoko meglkwa. Te, yagl tau meglko, abu meglko, erukwa. Ba erme God ene yegl mere meglmedi kankrukwa. Ene u swara pi Krais Jisas yobama meglmedi kanugwa. Te, ene Krais yobama meglkwa i pre ene Abraham gawama moglsre, God Abraham promis ere togwa i, ama inaiglkwa.
Pol abu werai pre dugwa
Ana abu werai ta ene meglmara suna moraiglkwa i we, ye werai medugl meglbi, ene ye pre mitna edidre, ake ple di to.
Na ene ka kaima di teiga, Na yoba ta kogon dedibo, yoba ta ye di inabuka i, ye na ama di yugwa. Na di idre, Yoba ta na dedugwa i, ama di yumiwe di, Jisas yegl dugwa.